ಬೆಂಗಳೂರು : ವಿಶ್ವಕಪ್-2023 ಟೂರ್ನಿಯ 8ನೇ ಪಂದ್ಯದಲ್ಲಿ ಶ್ರೀಲಂಕಾ ತಂಡದ ವಿರುದ್ಧ ಪಾಕಿಸ್ತಾನ 6 ವಿಕೆಟ್ಗಳ ಭರ್ಜರಿ ಗೆಲುವು ಸಾಧಿಸಿದೆ.
ಹೈದರಾಬಾದ್ನ ರಾಜೀವ್ ಗಾಂಧಿ ಅಂತರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡದ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಶ್ರೀಲಂಕಾ ಪಾಕಿಸ್ತಾನಕ್ಕೆ 344 ರನ್ ಕಲೆಹಾಕಿತ್ತು. 345 ರನ್ಗಳ ಬೃಹತ್ ಟಾರ್ಗೆಟ್ ಬೆನ್ನಟ್ಟಿದ ಪಾಕಿಸ್ತಾನ 48.2 ಓವರ್ಗಳಲ್ಲಿ (10 ಬಾಲ್ ಬಾಕಿ ಇರುವಾಗ) ಗೆಲುವಿನ ನಗಡ ಬೀರಿತು. ಈ ಮೂಲಕ ವಿಶ್ವಕಪ್ ಇತಿಹಾಸದಲ್ಲಿ ಅತಿ ಹೆಚ್ಚು ರನ್ ಚೇಸ್ ಮಾಡಿದ ತಂಡ ಎಂಬ ದಾಖಲೆ ಬರೆಯಿತು.
ಪಾಕಿಸ್ತಾನ ಪರ ಅಬ್ದುಲ್ಲಾ ಶಫೀಕ್ 113 ಹಾಗೂ ಮೊಹಮ್ಮದ್ ರಿಜ್ವಾನ್ ಅಜೇಯ 131* ಗಳಿಸುವ ಮೂಲಕ ಗೆಲುವಿನ ರೂವಾರಿಗಳಾದರು. ನಾಯಕ ಬಾಬರ್ ಅಜಂ 10, ಶಕೀಲ್ 31, ಅಹ್ಮದ್ ಅಜೇಯ 22 ರನ್ ಗಳಿಸಿದರು. ಶ್ರೀಲಂಕಾ ಪರ ಮಧುಶಂಕ 2, ತೀಕ್ಷಣ ಹಾಗೂ ಪತೀರಣ ತಲಾ ಒಂದು ವಿಕೆಟ್ ಪಡೆದರು.
ಶಫೀಕ್ ದಾಖಲೆ ಶತಕ
ಪಾಕಿಸ್ತಾನ ಆಟಗಾರ ಅಬ್ದುಲ್ಲಾ ಶಫೀಕ್ ಬೊಂಬಾಟ್ ಶತಕ ಸಿಡಿಸಿ ದಾಖಲೆ ನಿರ್ಮಿಸಿದರು. ಭಾರತದ ನೆಲದಲ್ಲಿ ವಿಶ್ವಕಪ್ನಲ್ಲಿ ಶತಕ ಬಾರಿಸಿದ ಮೊದಲ ಪಾಕ್ ಆಟಗಾರ ಎಂಬ ಶ್ರೇಯಕ್ಕೆ ಪಾತ್ರರಾದರು. ಶ್ರೀಲಂಕಾ ವಿರುದ್ಧ ಡಬ್ಲ್ಯುಸಿಯಲ್ಲಿ ಮೂವರು ಪಾಕಿಸ್ತಾನ ಆಟಗಾರರಾದ ಇಮ್ರಾನ್(102), ಮಿಯಾಂದಾದ್(103), ಮಲಿಕ್ (103*) ಶತಕ ಸಿಡಿಸಿದ್ದಾರೆ. ಈಗ ಆ ಪಟ್ಟಿಗೆ ಶಫೀಕ್ ಸೇರಿಕೋಂಡಿದ್ದಾರೆ. ಇನ್ನೂ ಮೊಹಮ್ಮದ್ ರಿಜ್ವಾನ್ ಸಹ ಬೊಂಬಾಟ್ ಶತಕ ಬಾರಿಸಿದರು.
