ಬೆಂಗಳೂರು : ಭಾರತ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಆಸ್ಟ್ರೇಲಿಯಾ 217 ರನ್ಗಳಿಗೆ ಸರ್ವಪತನ ಕಂಡಿತು. ಈ ಮೂಲಕ ಭಾರತ 99 ರನ್ಗಳ (ಡಕ್ವರ್ತ್ ಲೂಯಿಸ್) ಪ್ರಚಂಡ ಗೆಲುವು ದಾಖಲಿಸಿತು.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ಆಸಿಸ್ ಬೌಲರ್ಗಳ ದಾಳಿಯನ್ನು ಧ್ವಂಸ ಮಾಡಿತು. 5 ವಿಕೆಟ್ ನಷ್ಟಕ್ಕೆ 399 ರನ್ ಗಳಿಸಿ, ಆಸಿಸ್ಗೆ 400 ರನ್ಗಳ ಬೃಹತ್ ಟಾರ್ಗೆಟ್ ನೀಡಿತು. ಈ ಗುರಿ ಬೆನ್ನಟ್ಟಿದ ಆಸ್ಟ್ರೇಲಿಯಾಗೆ ಭಾರತದ ಬೌಲರ್ಗಳು ಪೆವಿಲಿಯನ್ ಹಾದಿ ತೋರಿದರು.
ಮಳೆ ಅಡ್ಡಿಯಾಗಿದ್ದರಿಂದ ಡಿಎಲ್ಎಸ್ ನಿಯಮದಂತೆ ಆಸಿಸ್ಗೆ 33 ಓವರ್ಗಳಲ್ಲಿ 317 ರನ್ ಟಾರ್ಗೆಟ್ ನೀಡಲಾಯಿತು. ಆದರೆ, ಭಾರತದ ಬೌಲಿಂಗ್ ದಾಳಿಗೆ ಆಸ್ಟ್ರೇಲಿಯಾ ಕುಸಿಯಿತು. ಆಸಿಸ್ ಪರ ಡೇವಿಡ್ ವಾರ್ನರ್ 53 ರನ್ ಗಳಿಸಿದರು. ಕೊನೆಯಲ್ಲಿ ಅಬಾಟ್ (54) ಅಬ್ಬರಿಸಿದರೂ ಜಯ ಸಾಧ್ಯವಾಗಲಿಲ್ಲ.
ಭಾರತರ ಪರ ರವಿಚಂದ್ರನ್ ಅಶ್ವಿನ್ ಹಾಗೂ ರವೀಂದ್ರ ಜಡೇಜಾ ತಲಾ 3 ವಿಕೆಟ್, ಕನ್ನಡಿಗ ಪ್ರಸಿದ್ಧ್ ಕೃಷ್ಣ 2 ಹಾಗೂ ಮೊಹಮ್ಮದ್ ಶಮಿ 1 ವಿಕೆಟ್ ಪಡೆದು ಮಿಂಚಿದರು. ಈ ಗೆಲುವಿನೊಂದಿಗೆ ಇನ್ನೂ ಒಂದು ಏಕದಿನ ಪಂದ್ಯ ಬಾಕಿ ಇರುವಾಗಲೇ ಭಾರತ ಸರಣಿ ಕೈವಶ ಮಾಡಿಕೊಂಡಿದೆ.
