ಬೆಂಗಳೂರು : ತಮಿಳುನಾಡಿಗೆ ಕಾವೇರಿ ನೀರು ಹರಿಬಿಟ್ಟ ಹಿನ್ನೆಲೆ ಡಿಕೆಶಿ ವಿರುದ್ಧ ಬಿಜೆಪಿ ಕಿಡಿಕಾರಿದ್ದು ಅವರಿಗೆ ಡಿ.ಕೆ ಶಿವಕುಮಾರ್ ಅವರು ತಿರುಗೇಟು ಕೊಟ್ಟಿದ್ದಾರೆ.
ತಮಿಳುನಾಡಿಗೆ ಕಾವೇರಿ ನೀರು ಹರಿಸುತ್ತಾ ಇರೋದಕ್ಕೆ ಡಿಕೆಶಿ ಅವರ ವಿರುದ್ಧ ಬಿಜೆಪಿ ಅವರು ಆಕ್ರೋಶವನ್ನು ವ್ಯಕ್ತಪಡಿಸಿ ಅವರ ವಿರುದ್ಧ ಕಿಡಿಕಾರಿದ್ದರು. ಈ ಹಿನ್ನೆಲೆ ಬೆಂಗಳೂರಿನಲ್ಲಿ ಡಿ.ಕೆ ಶಿವಕುಮಾರ್ ಅವರು ಮಾಧ್ಯಮಗಳ ಮೂಲಕ ಮಾತನಾಡಿದ್ದು, ಯಾರ್ ಬೇಕಾದ್ರೂ ಹೇಳಲಿ ನೀರು ಬಿಡಲು ಆಗಲ್ಲ ಅಂತಾ ಕೇಂದ್ರಕ್ಕೆ ಹೇಳಿದ್ದೇವೆ ಎಂದು ಹೇಳಿದ್ದಾರೆ.
ಇದನ್ನು ಓದಿ : ಕಾಫಿನಾಡಲ್ಲಿ ವೈದ್ಯನ ಮೇಲೆ ಹಲ್ಲೆ; ದಿನೇಶ್ ಗುಂಡೂರಾವ್ ಭೇಟಿ
ಅಷ್ಟೇ ಅಲ್ಲ ಕಮಿಟಿ ಮುಂದೇನೂ ಪ್ರಸ್ತಾಪ ಕೂಡ ಮಾಡ್ತೀವಿ. ನೀವು ಕಮಿಟಿ ಮುಂದೆ ಹೋಗಿ ಅಂತಾ ಲೀಗಲ್ ಎಕ್ಸ್ಪರ್ಟ್ ಹೇಳಿದ್ದಾರೆ. ಹಾಗೇಯೇ ಆರ್ಡರ್ ಫಾಲೋ ಮಾಡ್ತೀರಾ ಇಲ್ವಾ ಅಂತಾ ಕಮಿಟಿಯವರು ನೋಡಿ ಬೇರೆ ತರಹ ತೀರ್ಮಾನವನ್ನು ತೆಗೆದುಕೊಳ್ಳುತ್ತಾರೆ. ಬಳಿಕ ಡಿ.ಕೆ ಅವರು ಈ ವಿಚಾರದ ಬಗ್ಗೆ ಎಲ್ಲಾ ರೀತಿಯ ಪರಿಸ್ಥಿತಿಗಳನ್ನು ನೋಡಿಕೊಂಡು ನಿರ್ಧಾರ ಮಾಡುತ್ತೇವೆ ಎಂದು ಹೇಳಿಕೆಯನ್ನು ಕೊಟ್ಟಿದ್ದಾರೆ.
ಇನ್ನೂ ಬಿಜೆಪಿಯವರು ಇಷ್ಟೇಲ್ಲ ಮಾತನಾಡುತ್ತಾರೆ ಅಲ್ವಾ, ಕಾವೇರಿ ರಾಜ್ಯದ ಹಿತಾಸಕ್ತಿ ವಿಚಾರವನ್ನು ಪಿಎಂಗೆ ಹೇಳಿ ಸಮಸ್ಯೆ ಬಗೆಹರಿಸಲು ಆಗಿಲ್ಲ. ಔಟ್ ಆಫ್ ದಿ ಕೋರ್ಟ್ ಬಗೆಹರಿಸಲು ಆಗಲ್ವಾ ಅಥವಾ ಇಬ್ಬರನ್ನೂ ಕೂರಿಸಿ ಮಾತಾಡೋಕೆ ಆಗಲ್ವಾ ಎಂದು ಬಿಜೆಪಿಯವರಿಗೆ ಡಿ.ಕೆ ಶಿವಕುಮಾರ್ ಅವರು ತಿರುಗೇಟನ್ನು ಕೊಟ್ಟಿದ್ದಾರೆ.
