ಬೆಳಗಾವಿ : ಆಸ್ತಿಗಾಗಿ ಉಪ್ಪಿಟ್ಟಿನಲ್ಲಿ ವಿಷ ಬೆರೆಸಿ ಪತ್ನಿಯೆ ಪತಿಯನ್ನು ಕೊಲ್ಲಲು ಯತ್ನಿಸಿದ ನೀಚಕೃತ್ಯವೊಂದು ಸವದತ್ತಿ ತಾಲೂಕಿನ ಗೊರೇಬಾಳ ಗ್ರಾಮದಲ್ಲಿ ನಡೆದಿದೆ.
ಉಪ್ಪಿಟ್ಟು ತಿಂದು ಅಸ್ವಸ್ಥನಾದ ಗಂಡ ನಿಂಗಪ್ಪ , ಉಪ್ಪಿಟ್ಟಿನಲ್ಲಿ ವಿಷಹಾಕಿ ಪತಿಯನ್ನು ಕೊಲ್ಲಲು ಯತ್ನಿಸಿದ ಪತ್ನಿ ಸಾವಕ್ಕ ಸದ್ಯ ಪೊಲೀಸರ ಅತಿಥಿಗಳಾಗಿದ್ದಾರೆ.
ಆಸ್ತಿಗಾಗಿ ಸಾವಕ್ಕ ತನ್ನ ಸಹೋದರ ಫಕೀರಪ್ಪ ಮಾತು ಕೇಳಿ ಗಂಡನ ಕೊಲೆಗೆ ಪ್ಲಾನ್ ಮಾಡಿ, ಮನೆಯಲ್ಲಿ ಮಾಡಿದ್ದ ಉಪ್ಪಿಟ್ಟಿಗೆ ವಿಷ ಬೆರೆಸಿ ಬಡಿಸಿದ್ದಾಳೆ, ಈ ಉಪ್ಪಿಟ್ಟು ತಿಂದು ಅಸ್ವಸ್ಥನಾದ ಪತಿ ನಿಂಗಪ್ಪ ಚಿಕಿತ್ಸೆಗೆಂದು ಕಿಮ್ಸ್ ಗೆ ದಾಖಲಾಗಿದ್ದಾರೆ.
ಇತ್ತ ಗಂಡ ಕಿಮ್ಸ್ಗೆ ದಾಖಲಾಗುತ್ತಲೇ ಐನಾತಿ ಸಾವಕ್ಕ ಅನುಮಾನ ಬಾರದಂತೆ ಉಪ್ಪಿಟ್ಟು ತಿಪ್ಪೆಗೆಸೆದಿದ್ದಾಳೆ. ಈ ಉಪ್ಪಿಟ್ಟನ್ನು ತಿಂದ ಒಂದು ಬೆಕ್ಕು ಮತ್ತು ನಾಯಿ ಸಾವಿಗೀಡಾಗಿದೆ.
ಸದ್ಯ ಈ ಪ್ರಕರಣವು ಸವದತ್ತಿ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ಆರೋಪಿಗಳಾದ ಫಕೀರಪ್ಪ ಹಾಗೂ ಸಾವಕ್ಕಳನ್ನು ಪೊಲೀಸರು ಬಂಧಿಸಿದ್ದಾರೆ.
