ಬೆಂಗಳೂರು : ರಾಜ್ಯ ರಾಜಧಾನಿ ಜನರಿಗೆ ಇನ್ಮುಂದೆ ಕಾವೇರಿ ನೀರಿನ ಸಮಸ್ಯೆ ಇರುವುದಿಲ್ಲ. ಜಲಮಂಡಳಿಗೆ ಇಷ್ಟು ದಿನ ಇದ್ದ ಸಮಸ್ಯೆ ಈಗ ಇರುವುದಿಲ್ಲ.
ಕೆಆರ್ಎಸ್(KRS)ನಿಂದ ನೀರು ಪೂರೈಕೆ ಹಿನ್ನೆಲೆ ಬೆಂಗಳೂರಿಗೆ ಕಾವೇರಿ ನೀರಿನ ಸಮಸ್ಯೆಗೆ ಪರಿಹಾರ ಸಿಗಲಿದೆ. ಜೂನ್ನಲ್ಲಿ ಮಳೆಯಾಗದ ಕಾರಣ ಕೆಆರ್ಎಸ್(KRS)ನಲ್ಲಿ ನೀರಿನ ಮಟ್ಟ ಕುಸಿತ ಹಿನ್ನೆಲೆ ರಾಜಧಾನಿ ಜನರಿಗೆ ಕಾವೇರಿ ನೀರಿನ ಸಮಸ್ಯೆ ಎದುರಾಗಿತ್ತು.
ಕಳೆದ ಎರಡು ವಾರಗಳಿಂದ ಉತ್ತಮ ಮಳೆ ಹಿನ್ನೆಲೆ KRSನಲ್ಲಿ ಉತ್ತಮ ನೀರು ಶೇಖರಣೆಯಾಗಿದೆ. ಬೆಂಗಳೂರಿಗೆ ಕೆಆರ್ಎಸ್(KRS)ನೀರು ಪೂರೈಕೆ ಆಗುತ್ತಿದ್ದು, ಒಟ್ಟು ಬೆಂಗಳೂರಿಗೆ ಒಂದೂವರೆ ಟಿಎಂಸಿ ನೀರು ಅಗತ್ಯವಿದೆ. ರಾಜಧಾನಿ ಜನತೆಗೆ ಇನ್ಮುಂದೆ ಕಾವೇರಿ ನೀರಿನ ಸಮಸ್ಯೆ ಇಲ್ಲ ಎಂದು ಡಿಬ್ಲ್ಯೂಎಸ್ಎಸ್ಬಿ (BWSSB) ತಿಳಿಸಿದೆ.
