ಬೆಳಗಾವಿ : ವಿಶೇಷ ಚೇತನನ ಮೇಲೆ ದರ್ಪ ಮೆರೆದ ಮೂವರು ಪೊಲೀಸರನ್ನು ಅಮಾನತು ಮಾಡಲಾಗಿದೆ. ಇದು ಪವರ್ ಟಿವಿ ವರದಿಯ ಫಲಶೃತಿ.
ಪವರ್ ಟಿವಿ ವರದಿಯಿಂದ ಎಚ್ಚೆತ್ತುಕೊಂಡ ಬೆಳಗಾವಿ ಪೊಲೀಸ್ ಆಯುಕ್ತ ಎಸ್.ಎನ್ ಸಿದ್ದರಾಮಪ್ಪ ಮೂವರನ್ನು ಅಮಾನತು ಮಾಡಿ ಆದೇಶ ಹೊರಡಿಸಿದ್ದಾರೆ.
ಉದ್ಯಮಭಾಗ ಪಿಎಸ್ಐ ಸರ್ದಾರ ಮುತ್ತಟ್ಟಿ, ಪೇದೆಗಳಾದ ಮಲ್ಲಪ್ಪ ಪೂಜಾರಿ, ಎಸ್.ಆರ್ ಮೇತ್ರಿ ಅಮಾನತಾದವರು.
ಕಳೆದ ಮಂಗಳವಾರ ರಾತ್ರಿ ಊಟ ತರಲು ಹೋದ ವಿಶೇಷ ಚೇತನನ ಮೇಲೆ ಪೊಲೀಸರು ದರ್ಪ ಮೆರೆದಿದ್ದರು. ವಿಶೇಷ ಚೇತನ ನಿರಂಜನ ಚೌಗಲೇ ಈ ಕುರಿತು ಠಾಣೆಗೆ ದೂರು ನೀಡಿದ್ದರು. ಈ ದೂರಿನ ಮೇರೆಗೆ ಅಮಾನತು ಮಾಡಲಾಗಿದೆ.
