ಕಲಬುರಗಿ : ಹಣಕಾಸು ವಿಚಾರಕ್ಕೆ ವ್ಯಕ್ತಿಯೊಬ್ಬರನ್ನು ಮಾರಕಾಸ್ತ್ರಗಳಿಂದ ಕೊಚ್ಚಿ ಭೀಕರ ಹತ್ಯೆ ಮಾಡಿರುವ ಘಟನೆ ಜೇವರ್ಗಿ ತಾ. ಮದರಿ ಗ್ರಾಮದಲ್ಲಿ ನಡೆದಿದೆ.
ಇದನ್ನೂ ಓದಿ: ಜು.27ಕ್ಕೆ ಖಾಸಗಿ ಸಾರಿಗೆ ಬಂದ್ : ಸಚಿವರೊಂದಿಗೆ ವಿವಿಧ ಸಂಘಗಳ ಸಭೆ ಬಳಿಕ ನಿರ್ಧಾರ!
ಅಶೋಕ್ ಪ್ಯಾಟಿ (44) ಕೊಲೆಯಾದ ವ್ಯಕ್ತಿ, ಹಣಕಾಸು ವಿಚಾರದಲ್ಲಿ ಮೃತ ಅಶೋಕ್ ಮತ್ತು ಗುಂಡಪ್ಪ ಹಾಲಗಡ್ಲಿ, ಸೋಮು, ಜಾನಪ್ಪ ನಡುವೆ ನಡೆದ ಜಗಳ ವಿಕೋಪಕ್ಕೆ ತಿರುಗಿ ಕೊಲೆಯಲ್ಲಿ ಅಂತ್ಯವಾಗಿದೆ,
ಘಟನೆಯ ಹಿನ್ನೆಲೆ: ಜಾನಪ್ಪ ಎನ್ನುವ ವ್ಯಕ್ತಿಯು ತನ್ನ ಚಿಕ್ಕಮ್ಮಳಿಗೆ 50 ಸಾವಿರ ಹಣವನ್ನು ನೀಡಿದ್ದ, ಆ, 50 ಸಾವಿರ ಹಣವನ್ನು ಜಾನಪ್ಪನ ಚಿಕ್ಕಮ್ಮ ಅಶೋಕ್ ಗೆ ನೀಡಿದ್ದರು, ಈ ಹಣವನ್ನು ವಾಪಾಸ್ ಕೊಡುವಂತೆ ಜಾನಪ್ಪ ಅಶೋಕ್ ನನ್ನು ಕೇಳಿದ್ದಾನೆ, ಇದೇ ವಿಚಾರಕ್ಕೆ ಜಗಳ ಆರಂಭವಾಗಿದೆ ಜಗಳ ವಿಕೋಪಕ್ಕೆ ತಿರುಗಿ ಗುಂಡಪ್ಪ ಹಾಲಗಡ್ಲಿ, ಸೋಮು, ಜಾನಪ್ಪ ಸೇರಿ ಆಶೋಕ್ ಕೊಲೆ ಮಾಡಿದ್ದಾರೆ.
ಘಟನೆಯಲ್ಲಿ ನಾಲ್ವರಿಗೂ ಗಂಭೀರ ಗಾಯಗಳಾಗಿದ್ದು ಚಿಕಿತ್ಸೆಗಾಗಿ ಕಲಬುರಗಿ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ, ಸದ್ಯ ಈ ಪ್ರಕರಣವು ಜೇವರ್ಗಿ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದೆ.
