ಬೆಂಗಳೂರು : ನೋ ಪಾರ್ಕಿಂಗ್ ನಲ್ಲಿ ನಿಲ್ಲಿಸಿದ್ದ ಕಾರ್ ಗೆ ಲಾಕ್ ಕ್ಲಾಂಪ್ ಹಾಕಿದ್ದ ಕಾರಣಕ್ಕೆ ಕರ್ತವ್ಯ ನಿರತ ಟ್ರಾಫಿಕ್ ಪೇದೆ ಮೇಲೆ ಮನಸ್ಸೋಇಚ್ಚೆ ಹಲ್ಲೆ ನಡೆಸಿರುವ ಘಟನೆ ಬಾಣಸವಾಡಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.
ಇದನ್ನೂ ಓದಿ: ಗಾಂಜಾ ಮತ್ತಿನಲ್ಲಿ ಲಾಂಗ್ ಹಿಡಿದು ಪುಡಿರೌಡಿಗಳ ಅಟ್ಟಹಾಸ!
ಹೆಚ್ .ಬಿ.ಆರ್.ಲೇಔಟ್ ನಿವಾಸಿ ಸುಲೇಮಾನ್ ಬಂಧಿತ ಆರೋಪಿ, ಅಸ್ವತ್ಥಳಾಗಿದ್ದ ಮಹಿಳೆಯನ್ನು ಆಸ್ಪತ್ರೆಗೆ ಕರೆದುಕೊಂಡು ಹೋಗುವ ವೇಳೆ ಮಾರ್ಗ ಮಧ್ಯೆ ನೋಪಾರ್ಕಿಂಗ್ ನಲ್ಲಿ ಕಾರ್ ಪಾರ್ಕಿಂಗ್ ಮಾಡಲಾಗಿದೆ, ಈ ವೇಳೆ ಅಲ್ಲೇ ಇದ್ದ ಟ್ರಾಫಿಕ್ ಸಿಬ್ಬಂದಿ ತನ್ನ ಕರ್ತವ್ಯದ ನಿಯಮದ ಪ್ರಕಾರ ಕಾರ್ನ ಚಕ್ರಗಳಿಗೆ ಕ್ಲಾಂಪ್ ಹಾಕಿದ್ದಾರೆ,
ಇದೇ ಕಾರಣಕ್ಕೆ ಆರೋಪಿ ಸುಲೇಮಾನ್ ಮತ್ತು ಆತನ ಸ್ನೇಹಿತ ಸಾರ್ವಜನಿಕವಾಗಿ ಟ್ರಾಫಿಕ್ ಪೊಲೀಸ್ ಸಿಬ್ಬಂದಿಗೆ ಮನಸೋ ಇಚ್ಚೆ ಹಲ್ಲೆ ನಡೆಸಿದ್ದಾರೆ. ಸದ್ಯ ಹಲ್ಲೆ ನಡೆಸಿರುವ ವೀಡಿಯೋ ಎಲ್ಲೆಡೆ ವೈರಲ್ ಆಗಿದ್ದು, ಈ ವೀಡಿಯೋದಲ್ಲಿ ಟ್ರಾಫಿಕ್ ಪೊಲೀಸ್ ನದ್ದೇ ತಪ್ಪು ಎಂದು ಬರೆಯಲಾಗಿದೆ.
ದೂರು ದಾಖಲಾದ ಹಿನ್ನೆಲೆ ಪ್ರಮುಖ ಆರೋಪಿಯನ್ನ ಬಾಣಸವಾಡಿ ಪೊಲೀರು ಬಂಧಿಸಿದ್ದಾರೆ.
ಈ ಕುರಿತು ಟ್ರಾಫಿಕ್ನ ಜಂಟಿ ಪೊಲೀಸ್ ಆಯುಕ್ತರಾದ ಅನುಚೇಕ್ ಟ್ವೀಟ್ ಮಾಡಿದ್ದು ಕರ್ತವ್ಯ ನಿರತ ಪೊಲೀಸ್ ಪೋದೆ ಮೇಲೆ ಹಲ್ಲೆ ನಡೆಸಿರುವ ಪ್ರಮುಖ ಆರೋಪಿಯನ್ನು ಬಂಧಿಸಲಾಗಿದ್ದು ಆತನ ಮೇಲೆ ಕ್ರಿಮಿನಲ್ ಕೇಸ್ ದಾಖಲಿಸಲಾಗಿದೆ ಎಂದು ಟ್ವೀಟ್ ಮಾಡಿದ್ದಾರೆ.
