ಬೆಂಗಳೂರು: ನಿತ್ಯ ಕುಡಿದು ಬಂದು ಹಿಂಸೆ ನೀಡುತ್ತಿದ್ದ ಮಗನನ್ನು ಹೆತ್ತ ತಾಯಿಯೇ ಸೀಮೆಎಣ್ಣೆ ಸುರಿದು ಕೊಲೆ ಮಾಡಿದ ಘಟನೆ ಚಿಕ್ಕಬಾಣಾವಾರದಲ್ಲಿ ನಡೆದಿದೆ.
ಇದನ್ನೂ ಓದಿ: ಕೇರಳ ಮಾಜಿ ಸಿಎಂ ಉಮ್ಮನ್ ಚಾಂಡಿ ನಿಧನ!
ಚಾಂದ್ ಪಾಷಾ(40)ಮೃತ ದುರ್ದೈವಿ, ಸೋಮವಾರ ಸಂಜೆ 4.30ರ ಸುಮಾರಿಗೆ ಘಟನೆ ನಡೆದಿದೆ.ಘಟನೇ ಸಂಬಂಧ ಸೋಫಿಯಾ (60) ಮೃತನ ತಾಯಿಯನ್ನು ಪೊಲೀಸರು ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದಾರೆ.
ಮೃತ ಚಾಂದ್ ಪಾಷ, ಮದ್ಯ ವ್ಯಸನಿಯಾಗಿದ್ದ, ಕೆಲಸಕ್ಕೆ ಹೋಗದೇ ಕಾಲ ಕಳೆಯುತ್ತಿದ್ದ ಈತನ ನಡೆಗೆ ಬೇಸತ್ತ ಹೆಂಡತಿ ಮತ್ತು ಮಕ್ಕಳು ಕೆಲ ವರ್ಷಗಳ ಹಿಂದೆ ಮನೆ ತೊರೆದಿದ್ದರು,ಸದ್ಯ ಮನೆಯಲ್ಲಿ ಚಾಂದ್ ಪಾಷ ಮತ್ತು ಆತನ ತಾಯಿ ಸೋಫಿಯ ಮಾತ್ರ ಇದ್ದರು, ಸೋಫಿಯಾ ಕೂಲಿ ಕೆಲಸ ಮಾಡಿಕೊಂಡು ಬಂದು ಜೀವನ ಮಾಡುತ್ತಿದ್ದಳು, ನಿತ್ಯ ಕುಡಿದುಬಂದು ಮನೆಯಲ್ಲಿ ಜಗಳ ಮಾಡುತ್ತ ಹಿಂಸಿಸುತ್ತಿದ್ದ.
ಭಯ ಪಡಿಸುವ ಸಲುವಾಗಿ ಸೀಮೆಎಣ್ಣೆ ಎರಚಿ ಬೆಂಕಿಪೊಟ್ಟಣ ಕೈಯಲ್ಲಿ ಹಿಡಿದು ಬೆದರಿಸಲು ಮುಂದಾಗಿದ್ದರು, ಈ ವೇಳೆ ಬೆಂಕಿಕಡ್ಡಿ ಗೀರುತ್ತಲೇ ಆಚಾನಕ್ ಮಗನಿಗೆ ತಾಕಿ ಧಗ ಧಗ ಸುಟ್ಟುಹೋಗಿದ್ದಾನೆ.
ಘಟನಾ ಸ್ಥಳಕ್ಕೆ ಆಗಮಿಸಿದ ಪೊಲೀಸರು ಸ್ಥಳ ಪರಿಶೀಲನೆ ನಡೆಸಿದ್ದಾರೆ, ಸೋಲದೇವನಹಳ್ಳಿ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದೆ.
