ತುಮಕೂರು: ರಾತ್ರೋ ರಾತ್ರಿ ವಿದ್ಯಾರ್ಥಿನಿಯರು ಸರ್ಕಾರಿ ಬಾಲಕೀಯರ ಹಾಸ್ಟೆಲ್ ಗೇಟ್ ಹಾರಿ ತಮ್ಮ ಬಾಯ್ ಫ್ರೆಂಡ್ ಗಳೊಂದಿಗೆ ಹೋಗಿ ಬರುತ್ತಿದ್ದಾರೆ ಎನ್ನುವ ಆರೋಪ ಕೊರಟಗೆರೆಯಲ್ಲಿ ಕೇಳಿಬಂದಿದೆ.
ಗೃಹ ಸಚಿವ ಡಾ.ಜಿ ಪರಮೇಶ್ವರ್ ರ ವಿಧಾನಸಭಾ ಕ್ಷೇತ್ರವಾದ ಕೊರಟಗೆರೆಯ ಸರ್ಕಾರಿ ಮೆಟ್ರಿಕ್ ನಂತರದ ವಿದ್ಯಾರ್ಥಿನಿ ನಿಲಯದಲ್ಲಿ ಕೇಳೋರು ಇಲ್ಲ, ಕಾಯೋರು ಇಲ್ಲದ ಪರಿಸ್ಥಿತಿ ನಿರ್ಮಾಣವಾಗಿದೆ.
ಸರ್ಕಾರಿ ಮೆಟ್ರಿಕ್ ನಂತರದ ವಿದ್ಯಾರ್ಥಿ ನಿಲಯದ ಪ್ರಥಮ ಹಾಗೂ ದ್ವೀತಿಯ ಪಿಯುಸಿ ವಿದ್ಯಾರ್ಥನಿಯರು ಗೇಟ್ ಹಾರಿ ಗಂಟೆಗಳ ಬಳಿಕ ಮತ್ತೆ ವಾಪಾಸ್ ಹಾಸ್ಟೆಲ್ ಬಂದು ಸೇರಿಕೊಳ್ಳುತ್ತಿದ್ದಾರೆ. ಬಾಲಕಿಯರು ನಡುರಾತ್ರಿ ಹೊರ ಹೋದರು ಬಂದರೂ ಹೇಳೋರೂ ಇಲ್ಲದೇ, ಕೇಳೋರೂ ಇಲ್ಲದೆ ಭದ್ರತಾ ಲೋಪ ಎದ್ದುಕಾಣುತ್ತಿದೆ.
ಇಷ್ಟೆಲ್ಲಾ ಕರ್ಮಕಾಂಡಗಳು ನಡೆಯುತ್ತಿದ್ದರು ಹಾಸ್ಟೆಲ್ ವಾರ್ಡನ್, ತಾಲ್ಲೂಕು ಆಡಳಿತ ಮತ್ತು ಜಿಲ್ಲಾಡಳಿತ ತಲೆಕೆಡಿಸಿಕೊಳ್ಳದೇ ಇರುವುದು ಅನೇಕ ಅನುಮಾನಗಳಿಗೆ ಎಡೆಮಾಡಿಕೊಡುತ್ತಿದೆ. ಸದ್ಯ ವಿದ್ಯಾರ್ಥಿನಿಯೂ ಗೇಟ್ ಹಾರೋ ವಿಡಿಯೋ ಪವರ್ ಟಿವಿಗೆ ಲಭ್ಯ.
