ಬೆಂಗಳೂರು : ರೌಡಿ ಶೀಟರ್ ಕಪಿಲ್ ಹತ್ಯೆ ಪ್ರಕರಣಕ್ಕೆ ಸಂಭಂದಿಸಿದಂತೆ ಮೂವರು ಆರೋಪಿಗಳನ್ನು ಬಂಧಿಸುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ.
ಇದನ್ನೂ ಓದಿ: AI ನಿರೂಪಕಿ ಸೌಂದರ್ಯಳಿಂದ ನಿರೂಪಣೆ: ಪವರ್ ಟಿವಿಯ ಮತ್ತೊಂದು ದಾಖಲೆ!
ಕಳೆದ ಜುಲೈ 11 ರಂದು ಡಿ.ಜೆಹಳ್ಳಿಯಲ್ಲಿ ನಡೆದ ರೌಡಿಶೀಟರ್ ಕಪಿಲ್ ಕೊಲೆ, ಬೆಂಗಳೂರನ್ನು ಬೆಚ್ಚಿಬೀಳಿಸಿತ್ತು, ಈ ಪ್ರಕರಣದ ಪ್ರಮುಖ ಮೂವರು ಆರೋಪಿಗಳನ್ನು ಹೊಸೂರು ಬಳಿ ಪೊಲೀಸರು ಬಂಧಿಸಿದ್ದಾರೆ.
ಕೊಲೆಯಾದ ಕಪಿಲ್, ಇತ್ತೀಚೆಗೆ ಡಿ.ಜೆ ಹಳ್ಳಿಯಲ್ಲಿ ಹವಾ ಕ್ರಿಯೇಟ್ ಮಾಡಿದ್ದ, ಈತನ ಮೇಲೆ ಹೆಬ್ಬಾಳ ಪೊಲಿಸ್ ಠಾಣೆಯಲ್ಲಿ ರೌಡಿಶೀಟ್ ಕೂಡ ತೆರೆಯಲಾಗಿತ್ತು. ಹವಾ ಕ್ರಿಯೇಟ್ ಮಾಡಿದ್ದ ಎನ್ನುವ ಕಾರಣಕ್ಕೆ ಡಿ.ಜೆಹಳ್ಳಿಯಲ್ಲಿ ಮೂವರು ಹಂತಕರಿಂದ ಜು.11 ರಂದು ಕೊಲೆಯಾಗಿದ್ದ.
ಡಿ.ಜೆ ಹಳ್ಳಿ ಪೊಲೀಸ್ ಠಾಣೆಯಲ್ಲಿ ಹತ್ಯೆ ಕುರಿತು ಪಕರಣ ದಾಖಲಾಗಿತ್ತು, ಈ ಪ್ರಕರಣವನ್ನು ಬೆನ್ನಟ್ಟಿದ ಡಿ.ಜೆ.ಹಳ್ಳಿ ಇನ್ಸ್‌ಪೆಕ್ಟರ್‌ ಪ್ರಕಾಶ್‌ ನೇತೃತ್ವದ ತಂಡ, ಕೊಲೆ ನಡೆದ ಮೂರುದಿನಗಳಲ್ಲೇ ಹಂತಕರ ಹೆಡೆಮುರಿ ಕಟ್ಟುವಲ್ಲಿ ಯಶಸ್ವಿಯಾಗಿದ್ದಾರೆ.
