ಬೆಂಗಳೂರು : ಆರ್ಸಿಬಿ ಹಾಗೂ ಕೆಕೆಆರ್ ನಡುವೆ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಐಪಿಎಲ್ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಮತ್ತೊಂದು ದಾಖಲೆ ಬರೆದಿದ್ದಾರೆ.
ಕೆಕೆಆರ್ ತಂಡ ನೀಡಿರುವ 201 ಬೃಹತ್ ಟಾರ್ಗೆಟ್ ಬೆನ್ನಟ್ಟಿರುವ ಆರ್ಸಿಬಿ ಪ್ರಮುಖ ಎಂಟು ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದೆ. ಮತ್ತೊಂದು ಕಡೆ ಏಕಾಂಗಿಯಾಗಿ ಹೋರಾಡುತ್ತಿದ್ದ ವಿರಾಟ್ ಕೊಹ್ಲಿ, ಆಕರ್ಷಕ ಅರ್ಧಶತಕ 54(37)ಬಾರಿಸಿ ಔಟಾದರು. ಆದರೆ, ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ತನ್ನ ಹೆಸರಿಗೆ ಮತ್ತೊಂದು ದಾಖಲೆ ಬರೆದುಕೊಂಡಿದ್ದಾರೆ.
ಬೆಂಗಳೂರಿನಲ್ಲೇ 3 ಸಾವಿರ ರನ್
ಐಪಿಎಲ್ ಇತಿಹಾಸದಲ್ಲಿ ಒಂದೇ ಕ್ರೀಡಾಂಗಣದಲ್ಲಿ ಯಾವುದೇ ಬ್ಯಾಟರ್ ಮಾಡಿರದ ಸಾಧನೆಯೊಂದನ್ನು ಕೊಹ್ಲಿ ಮಾಡಿದರು. ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ 3,000 ರನ್ ಪೂರೈಸಿದ ಆಟಗಾರ ಎಂಬ ಶ್ರೇಯಕ್ಕೆ ಕೊಹ್ಲಿ ಭಾಜನರಾಗಿದ್ದಾರೆ. ಈ ಮೊದಲು ಒಂದೇ ಕ್ರೀಡಾಂಗಣದಲ್ಲಿ 2,500 ರನ್ ಪೂರೈಸಿದ ಬ್ಯಾಟರ್ ಎಂಬ ಹೆಗ್ಗಳಿಕೆಯೂ ಕೊಹ್ಲಿ ಹೆಸರಿನಲ್ಲಿತ್ತು.
WHAT. A. CATCH 🔥🔥@Russell12A gets the big wicket of Virat Kohli as @venkateshiyer takes a stunning catch 👏🏻👏🏻#TATAIPL | #RCBvKKR pic.twitter.com/RNrIKSaqTs
— IndianPremierLeague (@IPL) April 26, 2023
ಇದನ್ನೂ ಓದಿ : ತಲಾ ಧೋನಿ ಹೊಸ ಮೈಲುಗಲ್ಲು : ಈ ಸಾಧನೆ ಮಾಡಿದ ಮೊದಲ ನಾಯಕ ಇವರೇ!
ಭಾರೀ ಸಂಕಷ್ಟದಲ್ಲಿ ಆರ್ಸಿಬಿ
ಕೆಕೆಆರ್ ನೀಡಿದ್ದ ಟಾರ್ಗೆಟ್ ಬೆನ್ನತ್ತಿದ ಆರ್ಸಿಬಿ ಮೊದಲ ಎರಡು ಓವರ್ನಲ್ಲಿ 30 ರನ್ ಬಾರಿಸಿತು. ಬಳಿಕ, ಕೆಕೆಆರ್ ಬೌಲರ್ಗಳಿ ಆರ್ಸಿಬಿ ಬ್ಯಾಟರ್ಗಳಿಗೆ ಪೆವಿಲಿಯನ್ ಹಾದಿ ತೋರಿಸಿದರು. ಸುಯೆಶ್ 3ನೇ ಓವರ್ನ 2ನೇ ಎಸೆತದಲ್ಲಿ ಆರ್ಸಿಬಿ ಆರಂಭಿಕ ಫಾಫ್ ಡು ಪ್ಲೆಸಿಸ್ 17(7)ವಿಕೆಟ್ ಉರುಳಿಸಿದರು. ಬಳಿಕ, ಸುಯೆಶ್ ಮತ್ತೊಂದು ವಿಕೆಟ್ ಕಬಳಿಸಿದರು. ಶಹಬಾಜ್ ಎಲ್ಬಿ ಬಲೆಗೆ ಬಿದ್ದರು.
ಪವರ್ ಪ್ಲೇ ಕೊನೆಯ ಓವರ್ನಲ್ಲಿ ಮ್ಯಾಕ್ಸ್ವೆಲ್ ಕೂಡ ಔಟಾದರು. ಇನ್ನೂ ಅರ್ಧಶತಕ ಬಾರಿಸಿ ಭರವಸೆ ಮೂಡಿಸಿದ್ದ ಕೊಹ್ಲಿ, ರಸೆಲ್ ಓವರ್ನಲ್ಲಿ ಅಯ್ಯರ್ಗೆ ಕ್ಯಾಚಿತ್ತು ಔಟಾದರು. 18 ಎಸೆತದಲ್ಲಿ 34 ರನ್ ಬಾರಿಸಿದ್ದ ಮಹಿಪಾಲ್ ಅವರು ವರುಣ್ ಬೌಲ್ ಮಾಡಿದ 12ನೇ ಓವರ್ನ ಮೊದಲ ಎಸೆತದಲ್ಲಿ ಸಿಕ್ಸರ್ ಬಾರಿಸಿ, ನಂತರದ ಎಸೆತದಲ್ಲೇ ಔಟಾದರು.
