ಬೆಂಗಳೂರು : ಚಿತ್ರಮಂದಿರಗಳಲ್ಲಿ ಡಾಲಿಯ 25ನೇ ಸಿನಿಮಾ ಹೊಯ್ಸಳದ ಅಬ್ಬರ ದಿನದಿಂದ ದಿನಕ್ಕೆ ಜೋರಾಗುತ್ತಾ ಹೋಗುತ್ತಿದೆ. ಯೂಥ್ಸ್ ಜೊತೆ ಫ್ಯಾಮಿಲಿ ಆಡಿಯೆನ್ಸ್ ಕೂಡ ಚಿತ್ರ ನೋಡ್ತಿದ್ದು, ಇದೀಗ, ಕೆಆರ್ಜಿ ಸ್ಟುಡಿಯೋಸ್ನಿಂದ ಸಿನಿ ಪ್ರೇಕ್ಷಕರಿಗೆ ಸ್ಪೆಷಲ್ ಆಫರ್ ಸಿಕ್ಕಿದೆ.
ಹೌದು, ಎಲ್ಲಾ ಕಲಾಭಿಮಾನಿಗಳು ಥಿಯೇಟರ್ನಲ್ಲೇ ಸಿನಿಮಾ ನೋಡಲಿ ಎನ್ನುವ ಉದ್ದೇಶದಿಂದ ಸಿನಿಪ್ರಿಯರಿಗೆ ಕೆಆರ್ಜಿ ಸ್ಟುಡಿಯೋಸ್ ಸ್ಪೆಷಲ್ ಆಫರ್ ಕೂಡ ನೀಡಿದೆ. ಇದು ನಟ ಡಾಲಿ ಧಜಂಜಯ್ ಅವರ 25ನೇ ಸಿನಿಮಾ. ಇದರ ಜೊತೆಗೆ ಒಂದಷ್ಟು ಇಂಟರೆಸ್ಟಿಂಗ್ ಫ್ಯಾಕ್ಟರ್ಗಳಿಂದ ಮನರಂಜನೆ ಜೊತೆ ಪ್ರೇಕ್ಷಕರಿಗೆ ಸಂದೇಶ ಕೂಡ ಕೊಡುತ್ತಿದೆ.
ಕಥೆಗಳನನ್ನು ಆಯ್ಕೆ ಮಾಡಿಕೊಳ್ಳೋದ್ರಲ್ಲಿ ಕೆಆರ್ಜಿ ಸ್ಟುಡಿಯೋಸ್ ಕೂಡ ಹೊಂಬಾಳೆ ಫಿಲಂಸ್ನಂತೆ ಸೂಪರ್ ಅನಿಸಿದೆ. ಈ ಹಿಂದಿನ ಅವರ ರತ್ನನ್ ಪ್ರಪಂಚ ರೀತಿ, ಥಿಯೇಟ್ರಿಕಲ್ ರಿಲೀಸ್ ಮಾಡಿದ ಚೊಚ್ಚಲ ಸಿನಿಮಾ ಹೊಯ್ಸಳ ಸಹ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ.
ಪೊಲೀಸ್ ವ್ಯವಸ್ಥೆಯ ಸುತ್ತುವ ಕಥೆ
ವಿಜಯ್ ಎನ್ ನಿರ್ದೇಶನದ ಹಾಗೂ ಕಾರ್ತಿಕ್- ಯೋಗಿ ಜಿ ರಾಜ್ ನಿರ್ಮಾಣದ ಹೊಯ್ಸಳ, ಮರ್ಯಾದಾ ಹತ್ಯೆ ಹಾಗೂ ಪೊಲೀಸ್ ವ್ಯವಸ್ಥೆಯ ಸುತ್ತುವ ಕಥೆ ಆಗಿದೆ. ಇಲ್ಲಿ ಡಾಲಿ ಖಡಕ್ ಪೊಲೀಸ್ ಕಾಪ್ ಆಗಿ ಕಿಕ್ ಕೊಡುತ್ತಾರೆ. ನವೀನ್ ಶಂಕರ್- ಪ್ರತಾಪ್ ನಾರಾಯಣ್ ಖಡಕ್ ಖಳನಾಯಕರಾಗಿ, ನಾಯಕಿಯಾಗಿ ಅಮೃತಾ ಅಯ್ಯಂಗಾರ್, ಅನಿರುದ್ದ್ ಹಾಗೂ ಮಯೂರಿ ಪ್ರೇಕ್ಷಕರನ್ನು ಹುಬ್ಬೇರಿಸಿದ್ದಾರೆ.
ಇದನ್ನೂ ಓದಿ : ನೂರು ಕೋಟಿ ಕ್ಲಬ್ ಸೇರಿಗೆ ನಾನಿ ‘ದಸರಾ’ : ನಿರ್ದೇಶಕರಿಗೆ ದುಬಾರಿ ಕಾರು ಗಿಫ್ಟ್
ಮಾಸ್ತಿ ಅವರ ಬರವಣಿಗೆ ಚಿತ್ರಕ್ಕೆ ಪ್ಲಸ್ ಪಾಯಿಂಟ್. ಯಾವುದೇ ಅಬ್ಬರ, ಆಡಂಬರ ಇಲ್ಲದೆ ನೋಡುಗರಿಗೆ ರುಚಿಸುವಂತಿದೆ. ಮಕ್ಕಳಿಂದ ಮುದುಕರವರೆಗೆ ಎಲ್ಲರೂ ನೋಡುವಂತಹ ಕಂಟೆಂಟ್ ಚಿತ್ರದಲ್ಲಿದೆ. ಫ್ಯಾಮಿಲಿ ಆಡಿಯೆನ್ಸ್ನಿಂದ ಹೌಸ್ಫುಲ್ ಪ್ರದರ್ಶನ ಕಾಣ್ತಿದೆ.
ಸಿಂಗಲ್ ಸ್ಕ್ರೀನ್ನಲ್ಲಿ 112 ರೂ. ಆಫರ್
ಟಿಕೆಟ್ ಪ್ರೈಸ್ನಲ್ಲಿ ಡಿಸ್ಕೌಂಟ್ ನೀಡಿದ್ದು, ಮಲ್ಟಿಪ್ಲೆಕ್ಸ್ಗಳಲ್ಲಿ 150 ರೂ. ಹಾಗೂ ಸಿಂಗಲ್ ಸ್ಕ್ರೀನ್ ಥಿಯೇಟರ್ಗಳಲ್ಲಿ 112 ರೂ. ಮಾಡಿದೆ. ಇದರಿಂದ ನೋಡುಗರ ಸಂಖ್ಯೆಯೂ ಹೆಚ್ಚಾಗ್ತಿದ್ದು, ಯಶಸ್ವಿ ಪ್ರದರ್ಶನ ಕಾಣ್ತಿದೆ.
ಇನ್ನೂ, ಡಾಲಿ ಧನಂಜಯ್ ಹೋದಲ್ಲೆಲ್ಲಾ ಸಿನಿ ಪ್ರೇಕ್ಷಕರು ಜೈಕಾರ ಕೂಗಿ ಬಹುಪರಾಕ್ ಹೇಳುತ್ತಿದ್ದಾರೆ. ಇದು ಈ ವರ್ಷದ ಒನ್ ಆಫ್ ದ ಹಿಟ್ ಸಿನಿಮಾಗಳ ಲಿಸ್ಟ್ ಸೇರಿದ್ದು, ಬಾಕ್ಸ್ ಆಫೀಸ್ನಲ್ಲಿ ಜೋರಾಗಿ ಸದ್ದು ಮಾಡ್ತಿದೆ.
- ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
