ಬೆಂಗಳೂರು : ಭ್ರಷ್ಟಾಚಾರಲ್ಲಿ ಗಣಿನಾಡು ಬಳ್ಳಾರಿ ಹಾಗೂ ವಿಜಯನಗರ ಜಿಲ್ಲೆ ಶಾಸಕರು ಯಾರಿಗಿಂತ ಹಿಂದೆ ಬಿದ್ದಿಲ್ಲ ಅನ್ನೋದಕ್ಕೆ ಇದಕ್ಕಿಂತ ಬೇರೆ ಸಾಕ್ಷಿ ಬೇಕಿಲ್ಲ.
ಹೌದು, ವಿಜಯನಗರ ಜಿಲ್ಲೆ ಕಂಪ್ಲಿ ವಿಧಾನಸಭಾ ಕ್ಷೇತ್ರದ ಕಾಂಗ್ರೆಸ್ ಶಾಸಕ ಜೆ.ಎನ್.ಗಣೇಶ್ ಲಂಚ ಪುರಾಣ ಪವರ್ ಟಿವಿ ಮೆಗಾ ಬೇಟೆಯಲ್ಲಿ ಬಯಲಾಗಿದೆ. ನಮ್ಮ ರಹಸ್ಯ ಕಾರ್ಯಾಚರಣೆಯಲ್ಲಿ ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದ 25ನೇ ಶಾಸಕ ಇವರೇ ನೋಡಿ.
ಶಾಸಕ ಜೆ.ಎನ್.ಗಣೇಶ್ ಅವರಿಂದಲೂ ಡೀಲ್ ಮಗಾ ಡೀಲ್! ಕಂಪ್ಲಿ ಪಟ್ಟಣದಲ್ಲಿ ಓಎಫ್ಸಿ ಕೇಬಲ್ ಅಳವಡಿಕೆ ಸಂಬಂಧ ಪವರ್ ಟಿವಿ ಸ್ಟಿಂಗ್ ತನಿಖಾ ತಂಡದ ಜೊತೆಗೆ ಮಾತುಕತೆ ನಡೆಸಿದ್ದರು. ಅಕ್ರಮವಾಗಿ ಕೇಬಲ್ ಅಳವಡಿಸಲು ಕಿಲೋಮೀಟರ್ಗೆ ತಲಾ 2 ಲಕ್ಷಕ್ಕೆ ಡಿಮ್ಯಾಂಡ್ ಮಾಡಿದ್ದರು.
ಶಾಸಕ ಗಣೇಶ್ ಫೈನಲ್ಲ್ ಆಗಿ ಕಿಲೋಮೀಟರ್ಗೆ ತಲಾ 2 ಲಕ್ಷ ಲಂಚಕ್ಕೆ ಒಪ್ಪಿಕೊಳ್ಳುತ್ತಾರೆ. ತನ್ನ ಪಿಎ ಮೂಲಕ ಬೆಂಗಳೂರಿನ ಶಾಸಕರ ಭವನದಲ್ಲಿ ಜೆ.ಎನ್.ಗಣೇಶ್ 2 ಲಕ್ಷ ರೂಪಾಯಿ ಪಡೆಯುತ್ತಾರೆ. ಈಗ 5 ಲಕ್ಷ ರೂಪಾಯಿ ಕೊಡು, ಊರಲ್ಲಿ 3 ಲಕ್ಷ ರೂಪಾಯಿ ನೀಡುವಂತೆ ಶಾಸಕ ಗಣೇಶ್ ಬೇಡಿಕೆ ಇಡುತ್ತಾರೆ.
ಬೆಂಗಳೂರಿನ ಶಾಸಕರ ಭವನದಲ್ಲಿ ಡೀಲ್ ಮಾತುಯಕತೆ ನಡೆದಿದ್ದು, ಆರಂಭದಲ್ಲಿ 2 ಲಕ್ಷ ರೂಪಾಯಿ ಪಡೆದ ನಂತರ ಕಂಪ್ಲಿಯಲ್ಲೂ ಪಿಎ ಮೂಲಕ 1 ಲಕ್ಷ ರೂಪಾಯಿ ಲಂಚ ಪಡೆಯುವ ಮೂಲಕ ತನ್ನ ಲಂಚಬಾಕಕತನ ಪ್ರದರ್ಶನ ಮಾಡಿದ್ದಾರೆ.
ಹೆಸರು: ಜೆ.ಎನ್.ಗಣೇಶ್
ಪಕ್ಷ: ಕಾಂಗ್ರೆಸ್
ಕ್ಷೇತ್ರ: ಕಂಪ್ಲಿ
ಜಿಲ್ಲೆ: ವಿಜಯನಗರ
ಸ್ಥಳ: ಶಾಸಕರ ಭವನ, ಬೆಂಗಳೂರು
ಲಂಚ: ಎರಡು ಲಕ್ಷ ರೂಪಾಯಿ
