ಬೆಂಗಳೂರು : ರಾಯಚೂರು ಗ್ರಾಮೀಣ ವಿಧಾನಸಭಾ ಕ್ಷೇತ್ರದ ಕಾಂಗ್ರೆಸ್ ಶಾಸಕ ಬಸನಗೌಡ ದದ್ದಲ್ ಲಂಚಾವತಾರ ಪವರ್ ಟಿವಿ ಮೆಗಾ ಬೇಟೆಯಲ್ಲಿ ಬಟಾ ಬಯಲಾಗಿದೆ. ನಮ್ಮ ರಹಸ್ಯ ಕಾರ್ಯಾಚರಣೆಯಲ್ಲಿ ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದ 7ನೇ ಶಾಸಕ ಬಸನಗೌಡ ದದ್ದಲ್.
ಓಎಫ್ಸಿ ಕೇಬಲ್ ಅಳವಡಿಕೆ ಸಂಬಂಧ 3 ಕಿಲೋಮೀಟರ್ಗೆ 3 ಲಕ್ಷ ರೂಪಾಯಿ ಲಂಚಕ್ಕೆ ಫೈನಲ್ ಡೀಲ್ ಶಾಸಕ ಬಸನಗೌಡ ದದ್ದಲ್ ಡೀಲ್ ಕುದುರಿಸಿದ್ದಾರೆ.
ವಿಪರ್ಯಾಸ ಎಂದರೆ ಓಎಫ್ಸಿ ಕೇಬಲ್ ಅಳವಡಿಕೆ ಬಗ್ಗೆ ರಾಯಚೂರು ಗ್ರಾಮೀಣ ಶಾಸಕರಿಗೆ ಅರಿವೇ ಇಲ್ಲ. ಅರಿವಿಲ್ಲದಿದ್ರೂ ಓಎಫ್ಸಿ ಕೇಬಲ್ ಅಳವಡಿಕೆ ಸಂಬಂಧ ಮೆಗಾ ಡೀಲ್ ಮಾತುಕತೆ ವೇಳೆ ಪವರ್ ಟಿವಿ ಕ್ಯಾಮೆರಾಗೆ ಆಹಾರವಾಗಿದ್ದಾರೆ. ಓಎಫ್ಸಿ ಕೇಬಲ್ ಅಳವಡಿಕೆಗೆ ಪ್ರತೀ ಕಿಲೋಮೀಟರ್ಗೆ 1 ಲಕ್ಷ ರೂ. ಪಡೆಯಲು ಒಪ್ಪಿಗೆ ಸೂಚಿಸಿದ್ದಾರೆ.
ಬೆಂಗಳೂರಿನ ಶಾಸಕರ ಭವನದಲ್ಲಿ ಪವರ್ ಟಿವಿ ಪ್ರತಿನಿಧಿಯೊಂದಿಗೆ ಡೀಲ್ ಮಾತಕತೆ ನಡೆದಿದ್ದು, 3 ಕಿಲೋಮೀಟರ್ಗೆ 3 ಲಕ್ಷ ರೂಪಾಯಿ ಲಂಚಕ್ಕೆ ಫೈನಲ್ ಡೀಲ್ ಕುದುರಿಸಿದ್ದಾರೆ. ಅಡ್ವಾನ್ಸ್ ಆಗಿ ಸಹಾಯಕನ ಮೂಲಕ 1 ಲಕ್ಷ ರೂಪಾಯಿ ಪಡೆದಿದ್ದಾರೆ.
ಬಸನಗೌಡ ದದ್ದಲ್
ಪಕ್ಷ: ಕಾಂಗ್ರೆಸ್
ವಯಸ್ಸು : 50 ವರ್ಷ
ಕ್ಷೇತ್ರ: ರಾಯಚೂರು ಗ್ರಾಮೀಣ ವಿಧಾನಸಭಾ ಕ್ಷೇತ್ರ
ಜಿಲ್ಲೆ: ರಾಯಚೂರು
ಮೊದಲ ಬಾರಿಗೆ ಶಾಸಕರಾಗಿ ಆಯ್ಕೆ
ಒಟ್ಟು ಆಸ್ತಿ : 2.46 ಕೋಟಿ
