ಬೆಂಗಳೂರು : ಲಾಸ್ ಏಂಜಲ್ಸ್ನಲ್ಲಿ RRR (ತ್ರಿಬಲ್ ಆರ್) ಸಿನಿಮಾ ಆಲ್ಟೈಂ ರೆಕಾರ್ಡ್ ಮಾಡೋ ಮನ್ಸೂಚನೆ ನೀಡಿದೆ. ಬರೋಬ್ಬರಿ 342 ದಿನ ಹೌಸ್ಫಲ್ ಪ್ರದರ್ಶನ ಕಂಡಿರೋ ಸೌತ್ ಮೂವಿ, ಇಂದಿಗೂ ಕಿಲೋಮೀಟರ್ ಗಟ್ಟಲೆ ಕ್ಯೂನಿಂದ ಮ್ಯಾಜಿಕ್ ಮಾಡ್ತಿದೆ. ಆಸ್ಕರ್ ಅಂಗಳಕ್ಕೆ ಕಾಲಿಟ್ಟಿರೋ ತ್ರಿಬಲ್ ಆರ್, ಇದೀಗ ರೀ- ರಿಲೀಸ್ ಆಗುತ್ತಿದೆ.
ತ್ರಿಬಲ್ ಆರ್ ಸಿನಿಮಾ ಜಪಾನ್ನ 114 ಸೆಂಟರ್ಗಳಲ್ಲಿ ಹಂಡ್ರೆಡ್ ಡೇಸ್ ಯಶಸ್ವಿ ಪ್ರದರ್ಶನ ಕಂಡಿರೋ ಏಕೈಕ ಭಾರತೀಯ ಚಿತ್ರ ಅನ್ನೋ ಹೆಗ್ಗಳಿಕೆಗೆ ಪಾತ್ರವಾಗಿದೆ. ರಾಜಮೌಳಿಯ ತ್ರಿಬಲ್ ಆರ್ ಸಿನಿಮಾ ಬರೀ ನಮ್ಮ ಇಂಡಿಯನ್ಸ್ಗಷ್ಟೇ ಅಲ್ಲ, ವಿದೇಶಿಯರಿಗೂ ಇಷ್ಟವಾಗಿದೆ. ರಾಜಮೌಳಿ ಸೃಷ್ಟಿ ಮಾಡಿದ ವಿಶೇಷ ಪ್ರಪಂಚ, ಪಾತ್ರಗಳು ಹಾಗೂ ಹುಬ್ಬೇರಿಸೋ ಅಂತಹ ಮೇಕಿಂಗ್ ಝಲಕ್ ಸಿನಿಪ್ರಿಯರನ್ನು ತನ್ನತ್ತ ಆಕರ್ಷಿಸಿದೆ.
ಅದ್ಧೂರಿ ತಾರಾಗಣದ ಚಿತ್ರ
ನಟ ರಾಮ್ ಚರಣ್ ತೇಜಾ ಹಾಗೂ ಜೂನಿಯರ್ ಎನ್ಟಿಆರ್ ಅಂತಹ ಗ್ರೇಟ್ ಌಕ್ಟರ್ಗಳ ಜೊತೆ ಆಲಿಯಾ ಭಟ್, ಅಜಯ್ ದೇವಗನ್ ಸೇರಿ ಅದ್ದೂರಿ ತಾರಾಗಣ ಚಿತ್ರದಲ್ಲಿತ್ತು. ಬ್ರಿಟಿಷರ ಆಳ್ವಿಕೆಯ ಕಾಲಘಟ್ಟದ ಕಥೆಯನ್ನು ನೋಡುಗರಿಗೆ ಕ್ಷಣ ಕ್ಷಣಕ್ಕೂ ರೋಮಾಂಚನಕಾರಿ ಆಗುವ ರೀತಿ ರಾಜಮೌಳಿ ಕಮಾಲ್ ಮಾಡಿದ್ದರು.
ಹೀಗಾಗಿಯೇ, ಅಮೆರಿಕಾದ ಲಾಸ್ ಏಂಜಲ್ಸ್ನ ಒಂದು ಮಲ್ಟಿಪ್ಲೆಕ್ಸ್ ಥಿಯೇಟರ್ನಲ್ಲಿ ಇಂದಿಗೂ ಹೌಸ್ಫುಲ್ ಪ್ರದರ್ಶನ ಕಾಣ್ತಿದೆ. ತ್ರಿಬಲ್ ಆರ್. ರಿಲೀಸ್ ಆದ ದಿನದಿಂದ ಇಲ್ಲಿಯವರೆಗೆ 342 ದಿನ ಕಳೆದಿದ್ದು, ಇಂದಿಗೂ ಜನ ಕ್ಯೂ ನಿಂತು ಟಿಕೆಟ್ ಖರೀದಿಸಿ, ಮುಗಿಬಿದ್ದು ಸಿನಿಮಾನ ಕಣ್ತುಂಬಿಕೊಳ್ತಿದ್ದಾರೆ. ಇದು ಒಂದು ಸಿನಿಮಾಗಿರೋ ಪವರ್, ಇದು ಒಬ್ಬ ಮೇಕರ್ಗಿರೋ ಖದರ್.
ತ್ರಿಬಲ್ ಆರ್ ಮುಡಿಗೆ ಹಲವು ಗರಿ
ತ್ರಿಬಲ್ ಆರ್ ಈಗಾಗಲೇ ಗೋಲ್ಡನ್ ಗ್ಲೋಬ್ ಅವಾರ್ಡ್, ಕ್ರಿಟಿಕ್ಸ್ ಸರ್ಕಲ್, ಹೆಚ್ಸಿಎ ಅವಾರ್ಡ್ಸ್ ಸೇರಿದಂತೆ ಸಾಲು ಸಾಲು ಹಾಲಿವುಡ್ನ ಪ್ರತಿಷ್ಠಿತ ಪ್ರಶಸ್ತಿಗಳನ್ನು ತನ್ನ ಮುಡಿಗೇರಿಸಿಕೊಂಡಿದೆ. ಸದ್ಯ ಆಸ್ಕರ್ ಅಂಗಳದಲ್ಲಿದೆ. ನಾಟು ನಾಟು ಹಾಡಿನ ಘಾಟು ಆಸ್ಕರ್ಗೂ ತಾಕಿದೆ. ಅಫಿಶಿಯಲಿ ಆ ಸಾಂಗ್ ನಾಮಿನೇಟ್ ಆಗಿದ್ದು, ಇದೇ ಮಾರ್ಚ್ 12ಕ್ಕೆ ನಡೆಯಲಿರೋ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಇಂಡಿಯಾಗೆ ಆಸ್ಕರ್ ಬರಲಿದೆ ಎನ್ನುವ ವಿಶ್ವಾಸ ಮೂಡಿದೆ.
ಒಟ್ಟಾರೆ ಆಸ್ಕರ್ ನೆಪದಲ್ಲಿ ಮತ್ತೊಮ್ಮೆ ಬಾಕ್ಸ್ ಆಫೀಸ್ ದೋಚೋಕೆ ರಾಜಮೌಳಿ ಮಾಸ್ಟರ್ ಪ್ಲಾನ್ ಮಾಡಿದ್ದಾರೆ. ಇದೇ ಮಾರ್ಚ್ 10ರಿಂದ ಆಂಧ್ರ ಹಾಗೂ ತೆಲಂಗಾಣದಲ್ಲಿ ತ್ರಿಬಲ್ ಆರ್ ರೀ- ರಿಲೀಸ್ ಆಗಲಿದೆಯಂತೆ. ರೀ ರಿಲೀಸ್ ಆದಮೇಲೆ ಸಿನಿ ಪ್ರೇಕ್ಷಕ ಯಾವ ರೀತಿ ಪ್ರತಿಕ್ರಿಯೆ ಕೊಡುತ್ತಾನೆ ಅಂತಾ ಕಾದುನೋಡಬೇಕಿದೆ.
- ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
