ಎಸ್ಎಲ್ವಿ ಹೋಟೆಲ್ ಹೆಸ್ರು ಕೇಳೇ ಇರ್ತೀರಾ.. ಅದೇ ಟೈಟಲ್ನಲ್ಲೊಂದು ಸಿನಿಮಾ ಕೂಡ ಬರ್ತಿದೆ. ಆದ್ರೆ ಅದು ಸಿರಿ ಲಂಬೋದರ ವಿವಾಹ. ಅದಕ್ಕೆ ಲೈಫ್ ಗುರು ರಮೇಶ್ ಅರವಿಂದ್ ಸಾಥ್ ನೀಡಿದ್ದು, ಸೃಜನಶೀಲ ಸಿನಿಮೋತ್ಸಾಹಿ ತಂಡಕ್ಕೆ ಬೆನ್ನು ತಟ್ಟಿದ್ದಾರೆ. ಟೀಸರ್ ಹೇಗಿದೆ..? ಟೀಂ ಹೇಳೋದೇನು ಅನ್ನೋದನ್ನ ಅವ್ರ ಬಾಯಿಂದಲೇ ಕೇಳಿ.
- ರಂಗಭೂಮಿ ಕಲಾವಿದರೇ ಕೂಡಿ ಮಾಡಿರೋ ಪ್ರಯೋಗ
- ವೇದಿಕೆಯಲ್ಲಿ ಅಪ್ಪ- ಮಗಳು.. ಹಿರಿಯ ನಟ ಹೇಳಿದ್ದೇನು..?
- ಇದು ಮೊದಲ ಆಮಂತ್ರಣ ಎಂದ ಆ್ಯಕ್ಟರ್ ಕಮ್ ಡೈರೆಕ್ಟರ್
ಇದು ರೀಸೆಂಟ್ ಆಗಿ ರಿಲೀಸ್ ಆದ ಎಸ್ಎಲ್ವಿ ಚಿತ್ರದ ಟೀಸರ್ ಝಲಕ್. ಎಸ್ಎಲ್ವಿ ಅಂದ್ರೆ ಸಿರಿ ಲಂಬೋದರ ವಿವಾಹ ಎಂದರ್ಥ. ಅಂದಹಾಗೆ ರಮೇಶ್ ಅರವಿಂದ್ ಕೈಯಲ್ಲಿ ಟೀಸರ್ ಲಾಂಚ್ ಮಾಡಿಸೋಕೆ ಹೋದ ಡೈರೆಕ್ಟರ್ ಸೌರಭ್ ಕುಲಕರ್ಣಿ, ಬಹಳ ಕ್ರಿಯೇಟೀವ್ ಆಗಿ ಅವ್ರನ್ನೂ ಸೇರಿದಂತೆ ಟೀಸರ್ನ ಬ್ಲೆಂಡ್ ಮಾಡಿ ರಿಲೀಸ್ ಮಾಡಿದ್ದಾರೆ.
ಎಲ್ಲಾ ರಂಗಭೂಮಿ ಕಲಾವಿದರೇ ಕೂಡಿ ಮಾಡಿರೋ ಈ ಸಿನಿಮಾದ ಟೀಸರ್ ಸಖತ್ ಇಂಪ್ರೆಸ್ಸೀವ್ ಆಗಿದೆ. ಬಾಲನಟನಾಗಿಯೇ ಕನ್ನಡಿಗರ ಮನಸ್ಸು ಗೆದ್ದಿದ್ದ ಸೌರಭ್ ಕುಲಕರ್ಣಿ, ಈ ಚಿತ್ರದ ಮೂಲಕ ಮೊದಲ ಬಾರಿ ನಿರ್ದೇಶಕನಾಗಿ ಹೊರಹೊಮ್ಮುತ್ತಿದ್ದಾರೆ. ರಮೇಶ್ ಅರವಿಂದ್ ಬರೀ ಟೀಸರ್ಗಷ್ಟೇ ಸೀಮಿತ. ಚಿತ್ರದ ಪೋಸ್ಟರ್ನಲ್ಲಿ ಹ್ಯಾಂಡ್ ಕಪ್ಸ್ ಹಾಗೂ ಡಾಲರ್ ಇರೋದ್ರಿಂದ ಅಸಲಿ ಮ್ಯಾಟರ್ ಬೇರೇನೇ ಇದೆ.
ಮಂಡ್ಯ ರಮೇಶ್ ಪುತ್ರಿ ದಿಶಾ ರಮೇಶ್ ಈ ಚಿತ್ರದ ನಾಯಕನಟಿ. ಈ ಹಿಂದೆ ಬಿ ಸುರೇಶ್ರ ದೇವರ ನಾಡಲ್ಲಿ ಚಿತ್ರದ ಮೂಲಕ ಬೆಳ್ಳಿತೆರೆಗೆ ಅಡಿಯಿಟ್ಟಿದ್ದ ಈ ಅಪ್ಪಟ ಕನ್ನಡತಿ, ಬಹಳ ಗ್ಯಾಪ್ನ ನಂತ್ರ ಇದೀಗ ಎಸ್ಎಲ್ವಿಯಿಂದ ಮತ್ತೆ ನೋಡುಗರ ಮುಂದೆ ಬರ್ತಿದ್ದಾರೆ. ಇನ್ನು ಅಂಜನ್ ಭಾರದ್ವಾಜ್ ನಾಯಕನಟನಾಗಿ ಪದಾರ್ಪಣೆ ಮಾಡ್ತಿದ್ದು, ಎಲ್ಲರಿಗೂ ಇದೊಂದು ವಿಶಿಷ್ಟ ಹಾಗೂ ಪ್ರಮುಖ ಸಿನಿಮಾ ಆಗಿದೆ.
ಮಗಳ ಕರಿಯರ್ನ ಸದಾ ಪೋಷಿಸುತ್ತಾ ಬರ್ತಿರೋ ಹಿರಿಯನಟ ಮಂಡ್ಯ ರಮೇಶ್, ದಿಶಾ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿದ್ರು. ಮಕ್ಕಳೆಲ್ಲಾ ಸೇರಿ ಮಾಡಿರೋ ಈ ಚಿತ್ರಕ್ಕೆ ನಿಮ್ಮ ಸಹಕಾರ ಬೇಕು ಎಂದರು. ಮಗಳು ಕೂಡ ದೊಡ್ಡ ಗ್ಯಾಪ್ ಆಗಿದ್ಯಾಕೆ ಅನ್ನೋದಕ್ಕೆ ಸ್ಪಷ್ಟನೆ ನೀಡಿದ್ರು.
ಹಿರಿಯನಟ ಸುಂದರ್, ಬಾಲರಾಜವಾಡಿ, ರೋಹಿತ್ ನಾಗೇಶ್, ಶಬರಿ ಮಂಜು, ಅಶೋಕ್ ಹೀಗೆ ದೊಡ್ಡ ತಾರಾಗಣದ ಈ ಸಿನಿಮಾ ಎಂಟರ್ಟೈನ್ಮೆಂಟ್ ಜೊತೆ ಸಸ್ಪೆನ್ಸ್ ಥ್ರಿಲ್ ಕೂಡ ನೀಡಲಿದೆ. ಸೌರಭ್ರ ಈ ಪ್ರಯೋಗ ಟೀಸರ್ನಿಂದಲೇ ಎಲ್ಲರ ಗಮನ ಸೆಳೆದಿದ್ದು, ಎನ್ನೆರಡು ತಿಂಗಳಲ್ಲಿ ಪ್ರಚಾರ ಕಾರ್ಯಗಳೊಂದಿಗೆ ಪ್ರೇಕ್ಷಕರನ್ನ ರಂಜಿಸೋಕೆ ಥಿಯೇಟರ್ ಅಂಗಳಕ್ಕೆ ಬರ್ತಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
