ಸ್ಯಾಂಡಲ್ವುಡ್ ಬ್ಯುಟಿ ಕ್ವೀನ್ ರಮ್ಯಾ ಎಂಟು ವರ್ಷಗಳ ನಂತ್ರ ಚಿತ್ರರಂಗಕ್ಕೆ ಕಂಬ್ಯಾಕ್ ಆಗಿದ್ದಾರೆ. ಯೆಸ್.. ಅಂತೂ ಪದ್ಮಾವತಿಯ ಫ್ಯಾನ್ಸ್ಗೆ ಲಡ್ಡು ಬಂದು ಬಾಯಿಗೆ ಬಿದ್ದಂತಾಗಿದೆ. ಡಾಲಿ ಜೊತೆ UK ಪಿಚ್ನಲ್ಲಿ ಬ್ಯಾಟಿಂಗ್ ಮಾಡೋಕೆ ರಮ್ಯಾ ಸಜ್ಜಾಗಿದ್ದಾರೆ. ಜೊತೆಗೆ ರಮ್ಯಾ ಕಂಡ ಕನಸು ಕೂಡ ನನಸಾಗಿದೆ. ಯೆಸ್.. ಮೋಹಕ ತಾರೆಯ ಎಕ್ಸ್ಕ್ಲೂಸಿವ್ ಸ್ಟೋರಿ ಜೊತೆಗೆ ಒಂದಿಷ್ಟು ಸ್ಯಾಂಡಲ್ವುಡ್ ಅಪ್ಡೇಟ್ಸ್ ಕೂಡ ನೋಡ್ಕಂಡು ಬರೋಣ.
- ಸ್ವಾತಿ ಮುತ್ತಿನ ಮಳೆಯ ವರ್ಷಧಾರೆ.. ಶೂಟಿಂಗ್ ಪ್ಯಾಕಪ್
ಬರಡಾದ ಭೂಮಿಗೆ ಸ್ವಾತಿ ಮಳೆಯ ಸಿಂಚನ ಹರಿಸಿದಂತೆ ರಮ್ಯಾ ಮತ್ತೆ ಸಿನಿ ಇಂಡಸ್ಟ್ರಿಗೆ ಕಾಲಿಟ್ರು. ಸದ್ಯಾ ಆ್ಯಪಲ್ ಬಾಕ್ಸ್ ನಿರ್ಮಾಣ ಸಂಸ್ಥೆಯ ಮೂಲಕ ರಾಜ್ .ಬಿ ಶೆಟ್ಟಿ ನಿರ್ದೇಶನದಲ್ಲಿ ಸ್ವಾತಿ ಮುತ್ತಿನ ಮಳೆಗೆ ಮುನ್ನುಡಿ ಬರೆದ್ರು. ಕನಸಿನ ದೇವತೆ ಮತ್ತೆ ಬಣ್ಣ ಹಚ್ಬೇಕು ಅನ್ನೋ ಅಬಿಮಾನಿಗಳ ಕನವರಿಕೆಯ ನಡುವೆ, ಗುಡ್ ನ್ಯೂಸ್ ಕೂಡ ಕೊಟ್ಟು ದಿಲ್ ಖುಷ್ ಮಾಡಿದ್ರು.
ಯೆಸ್.. ರಮ್ಯಾ ಡಾಲಿ ಜೊತೆ ಉತ್ತರಾಕಂಡ ಚಿತ್ರದಲ್ಲಿ ನಾಯಕಿಯಾಗಿಯೂ ನಟಿಸ್ತಿದ್ದಾರೆ. ಇದಲ್ಲದೇ ತಮ್ಮದೇ ಬ್ಯಾನರ್ನ ಸ್ವಾತಿ ಮುತ್ತಿನ ಮಳೆ ಹನಿಯೇ ಚಿತ್ರದ ಶೂಟಿಂಗ್ ಕಂಪ್ಲೀಟ್ ಮಾಡಿ ಕುಂಬಳಕಾಯಿ ಕೂಡ ಒಡೆದಿದ್ದಾರೆ. ಅಂತೂ ರಮ್ಯಾ ಸುವರ್ಣಯುಗ ಮತ್ತೆ ರಂಗೇರಿದೆ. ತೆರೆ ಮೇಲೆ ರಮ್ಯ ಚೈತ್ರಕಾಲ ಮರುಕಳಿಸ್ತಿದೆ. ಸ್ವಾತಿ ಮುತ್ತಿನ ಮಳೆ ಹನಿ ಚಿತ್ರದ ಕುರಿತು ಸ್ವತಃ ರಮ್ಯಾ ಟ್ವೀಟ್ ಮಾಡಿದ್ದು, ಚಿತ್ರತಂಡದ ಫೋಟೋ ಅಟ್ಯಾಚ್ ಮಾಡಿ ಶೂಟಿಂಗ್ ಱಪ್ ಅಪ್ ಎಂದು ಬರೆದುಕೊಂಡಿದ್ದಾರೆ.
