ನವದೆಹಲಿ: ಇಂದು ಆಸ್ಟ್ರೇಲಿಯಾದ ಮೇಲ್ಬೋರ್ನ್ನಲ್ಲಿ ನಡೆದ ಟಿ-20 ವಿಶ್ವಕಪ್ ಫೈನಲ್ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ ಪಾಕಿಸ್ತಾನ ತಂಡ ಸೋಲು ಅನುಭವಿಸಿ ಭಾರೀ ಮುಖಭಂಗ ಅನುಭವಿಸಿದೆ. ಈ ಹಿಂದೆ ಭಾರತಕ್ಕೆ ಕಾಲೆಳೆದಿದ್ದ ಶೋಯೆಬ್ ಅಖ್ತರ್ ಅವರಿಗೆ ಈಗ ಮೊಹಮ್ಮದ್ ಶಮಿ ಟಾಂಗ್ ನೀಡಿದ್ದಾರೆ.
ಇದಕ್ಕೂ ಮೊದಲು ಭಾರತ ತಂಡ ಇಂಗ್ಲೆಂಡ್ ತಂಡವನ್ನ ಸಮಿಫೈನಲ್ನಲ್ಲಿ ಎದುರಿಸಿತ್ತು. ಈ ವೇಳೆ ಭಾರತ ಭಾರೀ ಅಂತರದಿಂದ ಸೋಲು ಅನುಭವಿತ್ತು. ಇದಕ್ಕೆ ಪಾಕಿಸ್ತಾನ ವೇಗಿ ಶೋಯೆಬ್ ಅಖ್ತರ್ ಟ್ವೀಟ್ ಮಾಡಿ, ಭಾರತದ ಸೋಲು ಅತ್ಯಂತ ಮುಜುಗರ ತರಿಸಿದೆ. ಟೀಂ ಇಂಡಿಯಾ ಅತ್ಯಂತ ಭಯಂಕರವಾಗಿ ಆಡಿದರೂ ಸೋಲುವುದಕ್ಕೆ ಈ ತಂಡ ಅರ್ಹವಾಗಿತ್ತು. ಫೈನಲ್‌ಗೆ ಬರಲು ಭಾರತ ತಂಡ ಅರ್ಹರಾಗಿರಲಿಲ್ಲ. ಭಾರತ ತಂಡದಲ್ಲಿ ಎಕ್ಸ್‌ಪ್ರೆಸ್‌ ವೇಗಿ ಇರಲಿಲ್ಲ. ಒಂದು ಪಂದ್ಯದಲ್ಲೂ ಚಹಾಲ್ ಆಡಲಿಲ್ಲ. ಭಾರತದ ಬೌಲಿಂಗ್ ತುಂಬಾ ಕೆಟ್ಟದಾಗಿತ್ತು.
ಇದಕ್ಕೆ ಇಂದು ಟಿ-20 ಫೈನಲ್ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ ಪಾಕಿಸ್ತಾನ ತಂಡ ಸೋಲು ಅನುಭವಿಸಿದ ಹಿನ್ನಲೆಯಲ್ಲಿ ಮೊಹಮ್ಮದ್ ಶಮಿ ಪಾಕಿಸ್ತಾನದ ಮಾಜಿ ವೇಗಿಗೆ ಕಾಲೆಳೆದಿದ್ದಾರೆ.
ಪಾಕಿಸ್ತಾನ ಸೋಲು ಕಾಣುತ್ತಿದ್ದಂತೆ ಟ್ವೀಟ್ ಮಾಡಿದ ಶಮಿ, ಸ್ವಾರಿ ಬ್ರದರ್ ಇದು ನಿಮ್ಮ ಕರ್ಮ ಎಂದಿದ್ದಾರೆ. ಅಲ್ಲದೇ, ಫೈನಲ್ ಪಂದ್ಯದಲ್ಲಿ ಜಯ ಸಾಧಿಸಿದ ಇಂಗ್ಲೆಂಡ್ ತಂಡಕ್ಕೆ ಶುಭಕೋರಿದರು. ಫೈನಲ್ನಲ್ಲಿ ಗೆಲುವು ಕಂಡ ತಂಡ ಅರ್ಹವಾದದ್ದು, ಬೆನ್‌ಸ್ಟೋಕ್ಸ್ ಅದ್ಭುತ ಇನ್ನಿಂಗ್ಸ್ ಆಡಿದ್ದಕ್ಕೆ ಹಾಗೂ ಬೌಲಿಂಗ್ ಮಾಡಿದ್ದಕ್ಕೆ ಶುಭಕೋರಿದರು.
