Friday, March 29, 2024

ಪಾಕಿಸ್ತಾನ ಬಗ್ಗು ಬಡಿದ ಇಂಗ್ಲೆಂಡ್​​; 2 ನೇ ಬಾರಿಗೆ ಟಿ-20 ವಿಶ್ವಕಪ್​​ ಕಿರೀಟ

ಆಸ್ಟ್ರೇಲಿಯಾ: ಇಂದು ನಡೆದ ಐಸಿಸಿ ಟಿ-20 ಫೈನಲ್​ ಪಂದ್ಯದಲ್ಲಿ ಪಾಕಿಸ್ತಾನ ವಿರುದ್ಧ ಇಂಗ್ಲೆಂಡ್​ ತಂಡ ಭರ್ಜರಿ 5 ವಿಕೆಟ್​ಗಳಿಂದ ಭರ್ಜರಿ ಜಯಸಾಧಿಸಿತು. ಈ ಮೂಲಕ ಎರಡನೇ ಬಾರಿಗೆ ಇಂಗ್ಲೆಂಡ್​ ತಂಡ ಪ್ರಶಸ್ತಿಯನ್ನ ಎತ್ತಿ ಹಿಡಿದ ತಂಡ ಎನ್ನಿಸಿಕೊಂಡಿತು.

ಆಸ್ಟ್ರೇಲಿಯಾದ ಮೇಲ್ಬರ್ನ್​​ನಲ್ಲಿ ನಡೆದ ಟಿ-20 ವಿಶ್ವಕಪ್​ ಫೈನಲ್​ ಪಂದ್ಯದಲ್ಲಿ ಪಾಕಿಸ್ತಾನ ತಂಡವನ್ನ ಬಗ್ಗು ಬಡಿದು ಇಂಗ್ಲೆಂಡ್​ ತಂಡ ಎರಡನೇ ಬಾರಿಗೆ ಟಿ-20 ವಿಶ್ವಕಪ್​ ಪ್ರಶಸ್ತಿ ಕಿರೀಟವನ್ನ ಮುಡಿಗೇರಿಸಿಕೊಂಡಿತು. ಈ ಮೊದಲು 2010 ರಲ್ಲಿ ಇಂಗ್ಲೆಂಡ್​ ತಂಡ ವಿಶ್ವಕಪ್​ ಪ್ರಶಸ್ತಿಯನ್ನ ವಿಜೇತವಾಗಿತ್ತು.

ಮೊದಲು ಟಾಸ್​ ಗೆದ್ದ ಇಂಗ್ಲೆಂಡ್ ಬೌಲಿಂಗ್​ ಆಯ್ದುಕೊಂಡಿತು. ಪಾಕಿಸ್ತಾನ ತಂಡ ಮೊದಲು ಬ್ಯಾಟಿಂಗ್ ಮಾಡಿ ನಿಗದಿತ 20 ಓವರ್​​ಗಳಲ್ಲಿ 8 ವಿಕೆಟ್​ ನಷ್ಟಕ್ಕೆ 137 ರನ್​ ಕಲೆಹಾಕಿತು. ಈ ಗುರಿ ಬೆನ್ನತ್ತಿದ ಇಂಗ್ಲೆಂಡ್​ ತಂಡ 19 ಓವರ್​ಗಳಲ್ಲಿ 5 ವಿಕೆಟ್​ ನಷ್ಟಕ್ಕೆ 138 ರನ್​ ಗಳಿಸಿ ಪಾಕಿಸ್ತಾನ ನಿಡಿದ ಗುರಿ ತಲುಪಿತು. ಇಂಗ್ಲೆಂಡ್​ ಪರ ಬೆನ್​ ಸ್ಟ್ರೋಕ್​ ಅರ್ಧ ಶತಕ ಮಿಂಚಿ ಇಂಗ್ಲೆಂಡ್​ ಗೆಲುವಿಗೆ ಕಾರಣರಾದರು.

ಇನ್ನು ಅಪರೂಪ ಎಂಬತೆ ಸಮಿಫೈನಲ್​ಗೆ ಲಗ್ಗೆ ಇಟ್ಟು ನ್ಯೂಜಿಲೆಂಡ್​ ತಂಡವನ್ನ ಎದುರಿಸಿ ಗೆಲುವು ಕಾಣೋ ಮೂಲಕ ಪಾಕಿಸ್ತಾನ ತಂಡ ಫೈನಲ್​ಗೆ ಎಂಟ್ರಿಯಾಗಿತ್ತು. ಆದರೆ, ಇಂದು ನಡೆದ ಫೈನಲ್​ ಪಂದ್ಯದಲ್ಲಿ ಯಾವ ಆಟಗಾರರು ಹೇಳಿಕೊಳ್ಳುವಂತಹ ಪ್ರದರ್ಶನ ನೀಡದ ಕಾರಣಕ್ಕೆ ಮುಗ್ಗರಿಸಬೇಕಾಯಿತು. ಈ ಮೂಲಕ ಎರಡನೇ ಬಾರಿಗೆ ಪ್ರಶಸ್ತಿ ಮುಡಿಗೇರಿಕೊಳ್ಳಬೇಕೆಂಬ ಅದೆಷ್ಟೋ ಕನಸು ಕಂಡಿದ್ದ ಅಭಿಮಾನಿಗಳಿಗೆ ಪಾಕಿಸ್ತಾನ ಆಟಗಾರರು ತಣ್ಣೀರೆರಚಿದರು.

 

RELATED ARTICLES

Related Articles

TRENDING ARTICLES