ಬೆಂಗಳೂರು; ದಾವಣಗೆರೆ ಜಿಲ್ಲೆಯ ಹೊನ್ನಾಳಿ ಮತಕ್ಷೇತ್ರದ ಶಾಸಕ ಎಂಪಿ ರೇಣುಕಾಚಾರ್ಯ ಅವರ ಸಹೋದರ ಪುತ್ರ ಚಂದ್ರಶೇಖರ್ ಸಾವು ಹಿನ್ನಲೆಯಲ್ಲಿ ಕಾಣೆ ಆದ ದಿನವೇ ಒಂದೇ ಮೊಬೈಲ್ನಿಂದ ಹಲವಾರು ಬಾರಿ ಕರೆ ಹಾಗೂ ಮೆಸೇಜ್ ಬಂದಿವೆ.
ಕಾಣೆಯಾದ ದಿನಂದಿಂದ ಚಂದ್ರಶೇಖರ್ ಐದನೇ ದಿನಕ್ಕೆ ಭದ್ರ ಕಾಲುವೆಯೊಂದರಲ್ಲಿ ಕಾರಿನ ಜತೆಗೆ ಶವ ಪತ್ತೆಯಾಗಿತ್ತು. ಈ ಹಿನ್ನೆಲೆಯಲ್ಲಿ ಚಂದ್ರು ಮೊಬೈಲ್ಗೆ ಬಂದ ಕರೆ ಮಾಹಿತಿ ಪರಿಶೀಲನೆ ಮಾಡಿದ ವೇಳೆ ಚಿಕ್ಕಮಗಳೂರಿನ ಕೊಪ್ಪದ ವ್ಯಕ್ತಿಯೊಬ್ಬ ಹಲವು ಬಾರಿ ಕರೆ ಹಾಗೂ ಮೆಸೇಜ್ ಮಾಡಿದ್ದಾನೆ.
ಚಂದ್ರು ಕಾಣೆಯಾದ ದಿನದ ರಾತ್ರಿ 10 ಗಂಟೆಯಿಂದ ನಿರಂತರವಾಗಿ ಒಂದೇ ನಂಬರ್ ನಿಂದ ಕರೆ ಬಂದಿದೆ. ಆ ನಂಬರ್ ಬಗ್ಗೆ ಮಾಹಿತಿ ಪಡೆದು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ಮೊಮೈಲ್ ಕರೆಯ ಬಗ್ಗೆ ಸಿಡಿಆರ್ ತೆಗೆಸಿ ನೋಡಿದಾಗ ಅಂದು ರಾತ್ರಿ 10 ಗಂಟೆಯಿಂದ ಒಂದೇ ನಂಬರ್ ನಿಂದ ಕರೆ ಬಂದಿದೆ. ರಾತ್ರಿ 10 ಗಂಟೆವರೆಗೂ ಗೌರಿ ಗದ್ದೆಯ ವಿನಯ್ ಗುರೂಜಿ ಆಸ್ಪತ್ರೆಯಲ್ಲಿದ್ದ ಚಂದ್ರು. ಅ ಕರೆ ಮಾಡಿದವರಾದರೂ ಯಾರು ಆತನಿಗೂ ಚಂದ್ರುಗೆ ಏನು ವ್ಯವಹಾರ ಎನ್ನುವುದು ನಿಗೂಢವಾಗಿದೆ.
