ಇಸ್ಲಾಮಾಬಾದ್: ಪಾಕಿಸ್ತಾನದ ಮಾಜಿ ಪ್ರಧಾನಿ ಇಮ್ರಾನ್ ಖಾನ್ ಅವರ ಮಾಜಿ ಪತ್ನಿ ಜೆಮಿಮಾ ಗೋಲ್ಡ್ ಸ್ಮಿತ್, ಗುಜ್ರಾನ್‌ವಾಲಾದಲ್ಲಿ ಪಕ್ಷದ ಲಾಂಗ್ ಮಾರ್ಚ್‌ನಲ್ಲಿ ಮಾಜಿ ಪ್ರಧಾನಿಯ ಮೇಲಿನ ದಾಳಿಯನ್ನು ವಿಫಲಗೊಳಿಸಿದ ವ್ಯಕ್ತಿಯನ್ನು ಶ್ಲಾಘಿಸಿದರು.
ಇಮ್ರಾನ್ ಖಾನ್ ಅವರ ಹತ್ಯೆ ಯತ್ನದ ನಂತರ ಮೊನ್ನೆ ಸುರಕ್ಷಿತವಾದ ಸ್ಥಳಕ್ಕೆ ಕರೆದೊಯ್ದ ವ್ಯಕ್ತಿಯನ್ನ ಇಮ್ರಾನ್ ಖಾನ್ ಮಾಜಿ ಪತ್ನಿ ಹಾಡಿ ಹೊಗಳಿದ್ದಾರೆ.
ಈ ಬಗ್ಗೆ ಟ್ವೀಟ್ ಮಾಡಿದ ಇಮ್ರಾನ್ ಮಾಜಿ ಪತ್ನಿ, ದಾಳಿಕೋರನನ್ನು ಹಿಡಿದ ವ್ಯಕ್ತಿಗೆ ತಮ್ಮ ಕೃತಜ್ಞತೆ ತಿಳಿಸಿದರು. ನಾವು ಭಯಪಡುವ ಸುದ್ದಿ. ದೇವರಿಗೆ ದಯೆಯಿಂದ ಇಮ್ರಾನ್ ಅವರು ಬದುಕುಳಿದಿದ್ದಾರೆ. ಬಂದೂಕುಧಾರಿಗಳಿಂದ ಇಮ್ರಾನ್ ಪಾರು ಮಾಡಿದ ವ್ಯಕ್ತಿಗಳಿಗೆ ಧನ್ಯವಾದ ತಿಳಿಸಿದರು.
ಪಿಟಿಐ ಅಧ್ಯಕ್ಷ ಇಮ್ರಾನ್ ಖಾನ್ ಅವರ ಆರೋಗ್ಯ ಸ್ಥಿರವಾಗಿದೆ ಎಂದು ಪ್ರಧಾನಿಯವರ ಆರೋಗ್ಯದ ಮಾಜಿ ಸಹಾಯಕ ಡಾ ಫೈಸಲ್ ಸುಲ್ತಾನ್ ಹೇಳಿದ್ದಾರೆ. ಇಮ್ರಾನ್ ಖಾನ್ ಅವರ ಕಾಲುಗಳಲ್ಲಿ ಗುಂಡುಗಳ ತುಣುಕುಗಳಿದ್ದು, ಸದ್ಯ ಸುಧಾರಿಸಿಕೊಳ್ಳುತ್ತಿದ್ದಾರೆ ಎಂದು ಪಾಕಿಸ್ತಾನದ ಡಾನ್ ನ್ಯೂಸ್ ವರದಿ ಮಾಡಿದೆ.
