ಬಾಲಿವುಡ್ ಕಿಂಗ್ ಖಾನ್ ಶಾರೂಖ್ಗೆ ದೇಶದ ಮೂಲೆ ಮೂಲೆಗಳಿಂದ ಹುಟ್ಟು ಹಬ್ಬದ ಶುಭಾಶಯಗಳು ಹರಿದು ಬರ್ತಿವೆ. ಮಧ್ಯರಾತ್ರಿಯಿಂದ್ಲೆ ಶಾರೂಖ್ ಮನೆ ಮುಂದೆ ಬಿಗಿ ಬಂದೋಬಸ್ತ್ ಹಾಕಲಾಗಿದೆ. ಮೆಚ್ಚಿನ ನಟನಿಗೆ ಅಭಿಮಾನಿ ದೇವರುಗಳಿಂದ ಉಡುಗೊರೆಗಳು ಹರಿದು ಬರ್ತಿವೆ. ಈ ಶುಭ ಸಂದರ್ಭದಲ್ಲಿ ಕಿಂಗ್ ಖಾನ್ ಕಡೆಯಿಂದ ಸರ್ಪ್ರೈಸಿಂಗ್ ಗಿಫ್ಟ್ ಸಿಕ್ಕಿದೆ. ಏನದು ಅಂತೀರಾ..? ಮಿಸ್ ಮಾಡದೇ ಈ ಸ್ಟೋರಿ ನೋಡಿ.
- ಹೈವೋಲ್ಟೇಜ್ ಆ್ಯಕ್ಷನ್ ವೆಂಚರ್ನಲ್ಲಿ ಖಡಕ್ ರೋಲ್..!
ಪ್ರತಿ ವರ್ಷದಂತೆ ಈ ಬಾರಿಯೂ ಕಿಂಗ್ ಖಾನ್ ಶಾರೂಖ್ ಬರ್ತ್ಡೇ ಸೆಲೆಬ್ರೇಷನ್ ಜೋರಾಗಿದೆ. ಸಿನಿಮಾ, ರಾಜಕೀಯ, ಅಭಿಮಾನಿ ಬಳಗ, ಫ್ಯಾಮಿಲಿ ಕಡೆಯಿಂದ ಶುಭಾಶಯಗಳ ಸುರಿಮಳೆಯಾಗ್ತಿದೆ. ಇತ್ತ ರಾತ್ರಿಯಿಂದ್ಲೇ ಮನೆ ಬಳಿ ಜಮಾಯಿಸಿದ್ದ ಅಭಿಮಾನಿಗಳಿಗೆ ಫ್ಲೈಯಿಂಗ್ ಕಿಸ್ ಕೊಟ್ಟಿದ್ದಾರೆ ಶಾರೂಖ್. ಇದ್ರ ಜತೆಗೆ ಪಠಾಣ್ ಚಿತ್ರದ ಟೀಸರ್ ರಿಲೀಸ್ ಮಾಡೋ ಮೂಲಕ ಶಾರೂಖ್ ಖಾನ್ ಕಡೆಯಿಂದ ಗುಡ್ನ್ಯೂಸ್ ಸಿಕ್ಕಿದೆ.
54 ರ ಹರೆಯದಲ್ಲೂ ಕಟ್ಟು ಮಸ್ತಾದ ಸಿಕ್ಸ್ ಪ್ಯಾಕ್ ಹೊಂದಿರುವ ಜಬರ್ದಸ್ತ್ ಹೀರೋ ಶಾರೂಖ್. ಜಗತ್ತಿನಾದ್ಯಂತ ಕ್ರೇಜಿ ಫ್ಯಾನ್ಸ್ ಫಾಲ್ಲೋಯಿಂಗ್ ಹೊಂದಿರುವ ಶ್ರೀಮಂತ ನಟ. ಪ್ರಾಣಕ್ಕೆ ಪ್ರಾಣ ಕೊಡೋ ಅಭಿಮಾನಿ ಬಳಗ ಹೊಂದಿರುವ ಜನಪ್ರಿಯ ನಟರಲ್ಲೊಬ್ಬರು ಶಾರೂಖ್. ಈ ನಡುವೆ ರಿಲೀಸ್ ಆಗಿರೋ ಪಠಾಣ್ ಚಿತ್ರದಲ್ಲಿ ಶಾರೂಖ್ ಗ್ರ್ಯಾಂಡ್ ಎಂಟ್ರಿ ಕಂಡು ಫ್ಯಾನ್ಸ್ ಥ್ರಿಲ್ ಆಗಿದ್ದಾರೆ.
22 ವರ್ಷಗಳ ಸುದೀರ್ಘ ಜರ್ನಿಯಲ್ಲಿ ಇಂದಿಗೂ ಅದೇ ಚಾರ್ಮ್ ಹೊಂದಿರುವ ನಟ ಶಾರೂಖ್. ಇಂದಿಗೂ ಕಿಂಗ್ ಖಾನ್ ಟಾಪ್ ಮೋಸ್ಟ್ ನಟರಲ್ಲೊಬ್ಬರು. ಪಠಾಣ್ ಚಿತ್ರದಲ್ಲಿ ಮಾಸ್ ರಗಡ್ ಅವತಾರದಲ್ಲಿ ಮಿಂಚ್ತಿರುವ ಶಾರೂಖ್ ಟೀಸರ್ ಝಲಕ್ ಮೂಲಕ ಧೂಳೆಬ್ಬಿಸ್ತಿದ್ದಾರೆ.
ಮೈ ನವಿರೇಳಿಸುವ ಡೈಲಾಗ್ಸ್ ಎಲ್ಲರನ್ನು ಅಟ್ರ್ಯಾಕ್ಟ್ ಮಾಡ್ತಿವೆ. ನಾನಿನ್ನು ಬದುಕಿದ್ದೇನೆ ಎನ್ನುವ ಡೈಲಾಗ್ಸ್ ಎಲ್ಲರನ್ನು ರೋಮಾಂಚನಗೊಳಿಸುತ್ತದೆ. ಅಂತೂ ಪಠಾಣ್ ಟೀಸರ್ ಬರ್ತ್ ಡೇ ದಿನದ ಸಂಭ್ರಮವನ್ನು ನೂರು ಪಟ್ಟು ಜಾಸ್ತಿ ಮಾಡಿದೆ. ರಿಲೀಸ್ ಆದ ಕೆಲವೇ ಕ್ಷಣಗಳಲ್ಲಿ ಮಿಲಿಯನ್ಸ್ಗಟ್ಟಲೆ ವೀವ್ಸ್ ಸಂಪಾದಿಸಿ ದಾಖಲೆ ಬರಿತಿದೆ.
ಜಾನ್ ಅಬ್ರಾಹಂ, ದೀಪಿಕಾ ಪಡುಕೋಣೆ ಚಿತ್ರದ ಟೀಸರ್ನಲ್ಲಿ ಕಾಣಿಸಿಕೊಂಡು ಎಕ್ಸ್ಟ್ರಾ ಕಿಕ್ ಕೊಟ್ಟಿದ್ದಾರೆ. 2023 ರ ಜನವರಿಗೆ ತೆರೆಗೆ ಬರಲಿರೋ ಪಠಾಣ್ ಸಿನಿಮಾ ರಿಲೀಸ್ಗೂ ಮುನ್ನವೇ ಹೈಪ್ ಕ್ರಿಯೇಟ್ ಮಾಡಿದೆ. ಡಂಕಿ, ಜವಾನ್ ಸಿನಿಮಾಗಳ ನಿರೀಕ್ಷೆಯಲ್ಲಿರೋ ಕಿಂಗ್ ಖಾನ್ ಫ್ಯಾನ್ಸ್ಗೆ ಪಠಾಣ್ ಭರ್ಜರಿ ಮನರಂಜನೆ ಕೊಡೋ ಮುನ್ಸೂಚನೆ ಕೊಟ್ಟಿದೆ. ಎನಿವೇ ಹ್ಯಾಪಿ ಬರ್ತ್ ಡೇ ಶಾರೂಖ್ ಖಾನ್.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯುರೋ, ಪವರ್ ಟಿವಿ.
