ಮಾರ್ಟಿನ್ ಸಿನಿಮಾ ತೆರೆಗೆ ಬರೋಕೂ ಮುನ್ನ ಜೋಗಿ ಪ್ರೇಮ್, ಧ್ರುವ ಸರ್ಜಾ ಕಾಂಬಿನೇಷನ್ನಲ್ಲಿ ಹೈ ವೋಲ್ಟೇಜ್ ಸಿನಿಮಾ ಸೆಟ್ಟೇರಿದೆ. ಪ್ರೇಮ್ ಸಿನಿಮಾ ಅಂದ್ಮೇಲೆ ಅಬ್ಬರ, ಆಡಂಭರ ಕೇಳ್ಬೇಕಾ..? ಯೆಸ್.. ಘಟಾನುಘಟಿ ಸ್ಟಾರ್ಗಳು ಈ ಸಿನಿಮಾಗೆ ಬಣ್ಣ ಹಚ್ಚೋಕೆ ಸಜ್ಜಾಗಿದ್ದಾರೆ. ಕೋಟಿ ಕೋಟಿ ವೆಚ್ಚದಲ್ಲಿ ಮೂಡಿ ಬರ್ತಿರೋ ಅದ್ಧೂರಿ ಚಿತ್ರದಲ್ಲಿ ಯಾರೆಲ್ಲಾ ಇರ್ತಾರೆ ಗೊತ್ತಾ..? ನೀವೇ ಓದಿ.
ಏಳು ಭಾಷೆಗಳಲ್ಲಿ ಜೋಗಿ ಪ್ರೇಮ್ ಹೈ ಬಜೆಟ್ ಸಿನಿಮಾ..!
ಕನ್ನಡದ ಸ್ಟಾರ್ ಡೈರೆಕ್ಟರ್ಗಳಲ್ಲಿ ಪ್ರೇಮ್ ಮೊದಲ ಸಾಲಿನಲ್ಲಿ ನಿಲ್ತಾರೆ. ಕಥೆಯ ಆಯ್ಕೆ ಇಂದ ಹಿಡಿದು ಮೇಕಿಂಗ್ ಸ್ಟೈಲ್ನಲ್ಲೂ ಎಲ್ಲೂ ರಾಜಿಯಾಗದ ಕಾಸ್ಟ್ಲಿ ನಿರ್ದೇಶಕ. ಪ್ರಚಾರದ ವಿಚಾರದಲ್ಲೂ ಕೋಟಿ ಕೋಟಿ ಹಣವನ್ನು ನೀರಿನಂತೆ ಚೆಲ್ಲೋ ನಿಸ್ಸೀಮ. ಯೆಸ್.. ಜೋಗಿ ಪ್ರೇಮ್ ನಿರ್ದೇಶನದ ಹೊಸ ಸಿನಿಮಾ ರಿಲೀಸ್ಗೂ ಮುನ್ನವೇ ಕುತೂಹಲದ ಕಿಡಿ ಹಾರಿಸಿದೆ. ಅಬ್ಬಬ್ಬಾ..! ಇಷ್ಟೊಂದು ಸ್ಟಾರ್ ಕಲಾವಿದ್ರು ಸಿನಿಮಾದಲ್ಲಿ ಇರ್ತಾರಾ ಅಂತಾ ಅಚ್ಚರಿ ಮೂಡಿಸಿದೆ.
ಧ್ರುವ ಸರ್ಜಾ ಅಭಿನಯದ ಮೋಸ್ಟ್ ಎಕ್ಸ್ಪೆಕ್ಟೆಡ್ ಸಿನಿಮಾ ಮಾರ್ಟಿನ್ ಸ್ಯಾಂಪಲ್ ವೀಡಿಯೋಗಳ ಮೂಲಕ ಕಮಾಲ್ ಮಾಡ್ತಿದೆ. ಈ ನಡುವೆ ಮಾರ್ಟಿನ್ ನೆಕ್ಸ್ಟ್ ಪ್ರಾಜೆಕ್ಟ್ ಬಗ್ಗೆ ಎಲ್ಲರ ಚಿತ್ತ ನೆಟ್ಟಿದೆ. ಯೆಸ್.. ಬರೋಬ್ಬರಿ ಏಳು ಭಾಷೆಗಳಲ್ಲಿ ಮೂಡಿ ಬರ್ತಿರೋ ಪ್ಯಾನ್ ಇಂಡಿಯಾ ಚಿತ್ರದಲ್ಲಿ ಅಧೀರ ಸಂಜಯ್ ದತ್, ಮೋಹನ್ಲಾಲ್, ಬಳುಕೋ ಬಳ್ಳಿ ಶಿಲ್ಪಾ ಶೆಟ್ಟಿ ಆ್ಯಕ್ಟ್ ಮಾಡ್ತಿದ್ದಾರೆ. ಈ ಸುದ್ದಿ ಕೇಳ್ತಿದ್ದ ಹಾಗೆ ಚಿತ್ರರಸಿಕರ ಎದೆಯಲ್ಲಿ ಕುತೂಹಲದ ಕಿಚ್ಚು ಹೊತ್ತಿದೆ.
- ಸಿನಿ ಇತಿಹಾಸದಲ್ಲಿ ಸೆನ್ಸೇಷನಲ್ ದಾಖಲೆಗೆ ಕೌಂಟ್ಡೌನ್..!
- ಅಕ್ಟೋಬರ್ 21ಕ್ಕೆ ಅದ್ಧೂರಿ ಟೈಟಲ್ ಲಾಂಚ್ ಕಾರ್ಯಕ್ರಮ
ಯೆಸ್.. ಪ್ರೇಮ್ ಸಿನಿಮಾಗಳಂದ್ರೆ ಅದ್ಧೂರಿತನಕ್ಕೆ ಕೊರತೆ ಇಲ್ಲ. ಜೋಗಯ್ಯ, ದಿ ವಿಲನ್, ಏಕ್ ಲವ್ ಯಾ ಸಿನಿಮಾಗಳಲ್ಲೂ ಪ್ರೇಮ್ ಪ್ರಾಮಿಸಿಂಗ್ ಡೈರೆಕ್ಟರ್ ಆಗಿ ಗುರುತಿಸಿಕೊಂಡಿದ್ದಾರೆ. ಈ ಬಾರಿ ಕೆವಿಎನ್ ಪ್ರೊಡಕ್ಷನ್ ಜತೆ ಕೈಜೋಡಿಸಿರುವ ಜೋಗಿ ಪ್ರೇಮ್ ಸೌತ್ ಟು ನಾರ್ಥ್ ಆರು ಬಿಗ್ ಸ್ಟಾರ್ಗಳಿಗೆ ಬಲೆ ಬೀಸಿದ್ದಾರೆ. ಈಗಾಗ್ಲೇ ಸಂಜಯ್ ದತ್, ಮೋಹನ್ಲಾಲ್, ಶಿಲ್ಪಾ ಶೆಟ್ಟಿ ಟೈಟಲ್ ಲಾಂಚ್ ಸಮಾರಂಭದಲ್ಲಿ ಗೆಸ್ಟ್ಗಳಾಗಿ ಆಗಮಿಸಲಿದ್ದಾರೆ.
ಕೆವಿಎನ್ ಸಂಸ್ಥೆಯಲ್ಲಿ ಮೂಡಿ ಬರ್ತಿರೋ ಮತ್ತೊಂದು ಹೈ ಬಜೆಟ್ ಸಿನಿಮಾ ಇದಾಗಿದ್ದು ಸಖತ್ ರಿಚ್ ಆಗಿ ತೆರೆಗೆ ತರೋ ಪ್ಲಾನ್ ನಡಿತಿದೆ. ಜತೆಗೆ ಕನ್ನಡದ ರಮೇಶ್ ಅರವಿಂದ್, ವಿ. ರವಿಚಂದ್ರನ್ ಕೂಡ ಪ್ರೇಮ್ ಟೀಮ್ ಸೇರಿಕೊಳ್ಳಲಿದ್ದಾರೆ. ಬಜೆಟ್ ವಿಚಾರದಲ್ಲಿ ಕಾಂಪ್ರಮೈಸ್ ಆಗದೆ ಕಟ್ಟು ಮಸ್ತಿನ ಮಸ್ತ್ ಪೈಲ್ವಾನ್ ದ್ರುವ ಸರ್ಜಾ ಸಿನಿಮಾ ತಯರಾಗಲಿದೆ.
ಆರು ವರ್ಷಗಳ ಹಿಂದೆ ಜೋಗಿ ಪ್ರೇಮ್ ಅಭಿಮಾನಿಗಳಿಗೆ ಒಂದು ವಚನ ಕೊಟ್ಟಿದ್ದು ಎಲ್ರಿಗೂ ನೆನಪಿದೆ. ಅರು ಬಿಗ್ ಸ್ಟಾರ್ಗಳ ಜತೆಗೆ ಹೈ ಬಜೆಟ್ನಲ್ಲಿ ಒಂದು ಸಿನಿಮಾ ಮಾಡ್ತೀನಿ, ಅದೊಂದು ಹೊಸ ಇತಿಹಾಸಕ್ಕೆ ಮುನ್ನುಡಿ ಬರೆಯುತ್ತೆ ಅಂತಾ. ಯೆಸ್.. ಇದೀಗ ಆ ಮಾತು ಸತ್ಯವಾಗಿದೆ. ಅದ್ಧೂರಿಯಾಗಿ ಮುಹೂರ್ತ ಮುಗಿಸಿರೋ ಚಿತ್ರತಂಡ ಸದ್ಯದಲ್ಲೇ ಮತ್ತಷ್ಟು ಗುಡ್ ನ್ಯುಸ್ ಕೊಡೋ ತವಕದಲ್ಲಿದೆ. ಎನಿವೇ ಆಲ್ ದಿ ಬೆಸ್ಟ್ ಟೀಮ್.
ರಾಕೇಶ್ ಆರುಂಡಿ , ಫಿಲ್ಮ್ ಬ್ಯೂರೋ, ಪವರ್ ಟಿವಿ
