ಆಲ್ ಇಂಡಿಯನ್ ಸಿನಿಮಾಗಳು ಒಂದೇ ಅನ್ನೋ ಕಾನ್ಸೆಪ್ಟ್ ಬಂದಿದೆ. ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ಕನ್ನಡದ ಸ್ಟಾರ್ ನಟರು ಮಿಂಚ್ತಿದ್ದ ಹಾಗೆ ಪರಬಾಷಾ ನಿರ್ಮಾಪಕರು ಕನ್ನಡಿಗರಿಗೆ ಮಣೆ ಹಾಕ್ತಿದ್ದಾರೆ. ಇದೀಗ ಹ್ಯಾಟ್ರಿಕ್ ಹೀರೋ ಶಿವಣ್ಣ ಜೈಲರ್ ನಂತ್ರ ಮತ್ತೊಂದು ಚಿತ್ರಕ್ಕೆ ಯೆಸ್ ಅಂದಿದ್ದಾರೆ. ತಮಿಳಿನ ಸೂಪರ್ ಸ್ಟಾರ್ ಜತೆ ಶಿವಣ್ಣ ಓಕೆ ಮಾಡಿರೋ ಪ್ರಾಜೆಕ್ಟ್ ಯಾವುದು ಗೊತ್ತಾ..? ನೀವೇ ಓದಿ.
- ರಜನಿಕಾಂತ್ ಫ್ಯಾಮಿಲಿ ಜತೆ ಹ್ಯಾಟ್ರಿಕ್ ಹೀರೋ ಮಿಂಚು
ಸ್ಟ್ರಾಂಗ್ ಇತ್ತು ನನ್ ಬಾಡಿ, ವೀಕ್ ಆಯ್ತು ನನ್ ನೋಡಿ ಸಾಂಗ್ ನಿಮಗೆಲ್ಲಾ ನೆನಪಿರಬಹುದು. ಯೆಸ್.. ವಜ್ರಕಾಯ ಚಿತ್ರದ ಈ ಹಾಡಿಗೆ ವಾಯ್ಸ್ ನೀಡಿದ್ದು ತಮಿಳಿನ ಸೂಪರ್ ಸ್ಟಾರ್ ಧನುಷ್. ಹ್ಯಾಟ್ರಿಕ್ ಹೀರೋ ಶಿವಣ್ಣ ಹಾಗೂ ಧನುಷ್ ಸ್ನೇಹ ಇಲ್ಲಿಂದ ಚೆನ್ನಾಗಿ ಚಿಗುರಿತ್ತು. ಇದೀಗ ಈ ಸ್ನೇಹದ ಸಂಕೇತವಾಗಿ ಶಿವಣ್ಣ ಧನುಷ್ ಜತೆ ಸ್ಕ್ರೀನ್ ಶೇರ್ ಮಾಡ್ತಿದ್ದಾರೆ.
ದೊಡ್ಮನೆ ಫ್ಯಾಮಿಲಿ ಸ್ಯಾಂಡಲ್ವುಡ್ನಿಂದ ಹಿಡಿದು ಬಾಲಿವುಡ್ವರೆಗೂ ಎಲ್ಲಾ ಸೂಪರ್ ಸ್ಟಾರ್ಗಳ ಜತೆಗೆ ಉತ್ತಮ ಒಡನಾಟ ಹೊಂದಿದ್ದಾರೆ. ಈ ಹಿಂದೆಯೂ ಬಾಲಕೃಷ್ಣ ಅಭಿನಯದ ಗೌತಮಿ ಪುತ್ರ ಶಾತಕರ್ಣಿ ಚಿತ್ರದ ಸ್ಪೆಷಲ್ ಸಾಂಗ್ನಲ್ಲಿ ಶಿವಣ್ಣ ಬಣ್ಣ ಹಚ್ಚಿದ್ದರು. ಇತ್ತೀಚೆಗೆ ಜೈಲರ್ ಚಿತ್ರದಲ್ಲಿ ರಜಿನಿಕಾಂತ್ ಜತೆ ಭಜರಂಗಿ ಆ್ಯಕ್ಟ್ ಮಾಡ್ತಾರೆ ಅನ್ನೋ ಸುದ್ದಿ ಕೇಳಿ ಸ್ಯಾಂಡಲ್ವುಡ್ ಥ್ರಿಲ್ ಆಗಿತ್ತು. ಇದೀಗ, ಡಾ. ಶಿವಣ್ಣ ಕ್ಯಾಪ್ಟನ್ ಮಿಲ್ಲರ್ ಚಿತ್ರದಲ್ಲಿ ಕೈ ಮಿಲಾಯಿಸಲಿದ್ದಾರೆ.
- ಧನುಷ್ ಸಿನಿ ಕರಿಯರ್ನ ಅದ್ಧೂರಿ ಹೈ ಬಜೆಟ್ ಸಿನಿಮಾ
- 1930 ರ ಪೀರಿಯಡ್ ಡ್ರಾಮಾ ‘ಕ್ಯಾಪ್ಟನ್ ಮಿಲ್ಲರ್’..!
ನ್ಯಾಷನಲ್ ಅವಾರ್ಡ್ ವಿನ್ನರ್ ಧನುಷ್ ಕ್ಯಾಪ್ಟನ್ ಮಿಲ್ಲರ್ ಸಿನಿಮಾದಲ್ಲಿ ನಟಿಸ್ತಿದ್ದಾರೆ. ಹಾಲಿವುಡ್ನಲ್ಲೂ ಮಿಂಚಿದ ಮೋಸ್ಟ್ ಟ್ಯಾಲೆಂಟೆಡ್ ಆ್ಯಕ್ಟರ್ ಧನುಷ್ ಸಿನಿಕರಿಯರ್ನ ಅದ್ಧೂರಿ ಸಿನಿಮಾ ಇದು. 1930 ರ ಕಾಲಘಟ್ಟದ ಕಥೆಯನ್ನು ನಿರ್ದೇಶಕ ಅರುಣ್ ಮತೇಶ್ವರನ್ ಹೇಳೊಕೆ ಹೊರಟಿದ್ದಾರೆ. ಇತ್ತೀಚೆಗೆ ಈ ಚಿತ್ರದ ಮುಹೂರ್ತ ಸಮಾರಂಭ ಅದ್ಧೂರಿಯಾಗಿ ನಡೆದಿತ್ತು. ಸದ್ಯ ಈ ಸಿನಿಮಾದಲ್ಲಿ ಶಿವಣ್ಣ ಆ್ಯಕ್ಟ್ ಮಾಡೋ ಸುದ್ದಿ ಹೊಸ ಬಿರುಗಾಳಿ ಎಬ್ಬಿಸಿದೆ.
ಕ್ಯಾಪ್ಟನ್ ಮಿಲ್ಲರ್ ಚಿತ್ರದಲ್ಲಿ ದನುಷ್ ಜೋಡಿಯಾಗಿ ಪ್ರಿಯಾಂಕ ಮೋಹನ್ ಮಿಂಚಲಿದ್ದಾರೆ. ಜತೆಗೆ ಟಾಲಿವುಡ್ ಸ್ಟಾರ್ ನಟ ಸಂದೀಪ್ ಕೃಷ್ಣನ್ ಕೂಡ ಕಾಣಿಸಿಕೊಳ್ಳಲಿದ್ದಾರೆ. ಬಿಗ್ ಸ್ಟಾರ್ ಕಾಸ್ಟಿಂಗ್ನಲ್ಲಿ ಮಿಲ್ಲರ್ ಸಿನಿಮಾ ಸೌಂಡ್ ಮಾಡಲಿದೆ. ಇನ್ನೂ ಈ ಚಿತ್ರದಲ್ಲಿ ಶಿವಣ್ಣನ ರೋಲ್ ಏನು. ಯಾವ ಗೆಟಪ್ನಲ್ಲಿ ಕಾಣಿಸಿಕೊಳ್ತಾರೆ ಅನ್ನೋ ಕುತೂಹಲ ಮನೆ ಮಾಡಿದೆ.
ಬಹುಕೋಟಿ ವೆಚ್ಚದ ಕ್ಯಾಪ್ಟನ್ ಮಿಲ್ಲರ್ ಚಿತ್ರದಲ್ಲಿ ಸೆಂಚುರಿ ಸ್ಟಾರ್ ಶಿವಣ್ಣ ಕಮಾಲ್ ಮಾಡ್ತಾರಾ ಕಾದು ನೋಡ್ಬೇಕು. ಈಗಾಗ್ಲೇ ರಜನಿಕಾಂತ್ ಜತೆಗೆ ಜೈಲರ್ ಸಿನಿಮಾದಲ್ಲಿ ಶಿವಣ್ಣ ನಟಿಸೋದು ಕನ್ಫರ್ಮ್ ಆಗಿದೆ. ಆದ್ರೆ, ತಲೈವಾ ಫಸ್ಟ್ ಲುಕ್ಗೆ ಫ್ಯಾನ್ಸ್ ಫಿದಾ ಆಗಿದ್ದಾರೆ. ಶಿವಣ್ಣನ ಫಸ್ಟ್ ಲುಕ್ ಪೋಸ್ಟರ್ಗೆ ಫ್ಯಾನ್ಸ್ ಕಾಯ್ತಿದ್ದ ಸದ್ಯದಲ್ಲೇ ಅಪ್ಟೇಟ್ಸ್ ಸಿಗಲಿದೆ. ಎನಿವೇ ಟಾಲಿವುಡ್, ಕಾಲಿವುಡ್ನಲ್ಲೂ ಕನ್ನಡಿಗರು ಮ್ಯಾಜಿಕ್ ಮಾಡ್ತಿರೋದು ಹೆಮ್ಮೆಯ ವಿಷ್ಯ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
