ಲವ್ ಮಾಕ್ಟೇಲ್ನಿಂದ ಗೆಲುವಿನ ಓಟ ಮುಂದುವರೆಸಿರೋ ಡಾರ್ಲಿಂಗ್ ಕೃಷ್ಣ, ಸದ್ಯ ದಿಲ್ಪಸಂದ್ ಉಣಬಡಿಸೋಕೆ ಸಜ್ಜಾಗಿದ್ದಾರೆ. ಆ ಮೂಲಕ ಹ್ಯಾಟ್ರಿಕ್ ಹಿಟ್ನ ನಿರೀಕ್ಷೆಯಲ್ಲಿದ್ದಾರೆ. ಇಷ್ಟಕ್ಕೂ ದಿಲ್ಪಸಂದ್ನ ಟೇಸ್ಟ್ ಹೆಚ್ಚಿಸಿರೋ ಬೊಂಬಾಟ್ ಬೆಡಗಿಯರು ಯಾರು..? ಅದ್ರ ಕಲರ್ಫುಲ್ ಝಲಕ್ ಹೇಗಿದೆ ಅನ್ನೋದ್ರ ರಿಪೋರ್ಟ್ ನಿಮಗಾಗಿ.
- ಹ್ಯಾಟ್ರಿಕ್ ಹಿಟ್ನತ್ತ ಮಾಕ್ಟೇಲ್ ಕ್ಯಾಪ್ಟನ್ ಕೃಷ್ಣನ ನಾಗಾಲೋಟ
- ಪಕ್ಕಾ ಯೂತ್ಫುಲ್ ಎಂಟರ್ಟೈನರ್ನಲ್ಲಿ ಸಂತು & ಐಶು
- ರಂಗಾಯಣ ರಘು, ತಬಲಾ ನಾಣಿ ಕಾಮಿಡಿ ಟ್ರ್ಯಾಕ್ ಮಸ್ತ್
ಯೆಸ್.. ಕಾಲೇಜ್ ಹುಡ್ಗಿಯರ ಕ್ರಶ್ ಡಾರ್ಲಿಂಗ್ ಕೃಷ್ಣಗೆ ಗುಡ್ ಟೈಂ ಬಂದಾಯ್ತು. ಯಾವಾಗ ಲವ್ ಮಾಕ್ಟೇಲ್ ಸಿನಿಮಾನ ಅವ್ರೇ ನಿರ್ದೇಶಿಸಿ, ನಟಿಸಿ, ನಿರ್ಮಿಸಿದ್ರೋ ಆಗ್ಲೇ ಸಕ್ಸಸ್ ಟ್ರ್ಯಾಕ್ಗೆ ಬಂದಾಯ್ತು. ಅದಾದ ಬಳಿಕ ರೆಮ್ಯುನರೇಷನ್ ಜೊತೆ ಆಫರ್ಗಳೂ ಹೆಚ್ಚಾದವು. ಅವ್ರೇ ಮಾಡಿದ ಲವ್ ಮಾಕ್ಟೇಲ್ ಸೀಕ್ವೆಲ್ ಕೂಡ ಬಾಕ್ಸ್ ಅಫೀಸ್ ಬ್ಯಾಂಗ್ ಮಾಡಿತು.
ನಂತ್ರ ರೀಸೆಂಟ್ ಆಗಿ ತೆರೆಕಂಡ ಲಕ್ಕಿಮ್ಯಾನ್ ನಿರೀಕ್ಷೆಗೂ ಮೀರಿ ಬ್ಲಾಕ್ ಬಸ್ಟರ್ ಹಿಟ್ ಆಯ್ತು. ಪರಮಾತ್ಮನ ಜೊತೆ ಕೃಷ್ಣನ ಜರ್ನಿಯ ಆ ಸಿನಿಮಾ ಅವ್ರ ಕರಿಯರ್ನ ಬೆಸ್ಟ್ ಸಿನಿಮಾ ಆಗಿ ಉಳಿದುಕೊಳ್ತು. ಇದೀಗ ಮುಂದಿನ ಸಿನಿಮಾ ದಿಲ್ಪಸಂದ್ ಮೂಲಕ ಹ್ಯಾಟ್ರಿಕ್ ಹಿಟ್ನ ನಿರೀಕ್ಷೆಯಲ್ಲಿದ್ದಾರೆ ಡಾರ್ಲಿಂಗ್.
ದಸರಾ ವಿಶೇಷ ದಿಲ್ಪಸಂದ್ ಟೀಸರ್ ಲಾಂಚ್ ಆಗಿದ್ದು, ಟೈಟಲ್ನಂತೆ ಕಥೆ ಕೂಡ ಇಂಪ್ರೆಸ್ಸೀವ್ ಅನಿಸಿದೆ. ಔಟ್ ಅಂಡ್ ಔಟ್ ಯೂತ್ಫುಲ್ ಎಂಟರ್ಟೈನರ್ ಆಗಿರೋ ದಿಲ್ಪಸಂದ್, ಹೆಂಗೆಳೆಯರ ಹಾರ್ಟ್ಗೆ ಬಾಣ ಬಿಟ್ಟಿದೆ. ಈಗಿನ ಟ್ರೆಂಡ್ಗೆ ತಕ್ಕನಾಗಿ ಸಿನಿಮಾ ಇರಲಿದ್ದು, ಹದಿಹರೆಯದ ಮನಸ್ಸುಗಳ ಲವ್, ರೊಮ್ಯಾನ್ಸ್, ಫ್ರೆಂಡ್ಶಿಪ್ ಹಾಗೂ ಅಚಾತುರ್ಯಗಳನ್ನ ತೋರುವಂತಹ ಕಥೆಯಾಗಿದೆ.
ಇಲ್ಲಿ ಡಾರ್ಲಿಂಗ್ ಕೃಷ್ಣ ಜೊತೆ ಇಬ್ಬರಿಬ್ಬರು ನಟೀಮಣಿಯರಿದ್ದು, ಒಂದ್ಕಡೆ ನಿಶ್ವಿಕಾ ನಾಯ್ಡು ಮತ್ತೊಂದ್ಕಡೆ ಮೇಘಾ ಶೆಟ್ಟಿ ಸಿನಿಮಾದ ಗ್ಲಾಮರ್ ಹೆಚ್ಚಿಸಲಿದ್ದಾರೆ. ಲವ್ ಮಾಕ್ಟೇಲ್ ಕೂಡ ಯೂತ್ಸ್ಗೆ ಬೇಗ ಕನೆಕ್ಟ್ ಆಗಿತ್ತು. ಅದ್ರಂತೆ ಶಿವತೇಜಸ್ ನಿರ್ದೇಶನದ ದಿಲ್ಪಸಂದ್ ಪ್ರೇಕ್ಷಕರಿಗೆ ಮಸ್ತ್ ಟೇಸ್ಟ್ ಕೊಡೋ ಲಕ್ಷಣಗಳನ್ನು ತೋರಿದೆ.
ನಿರ್ದೇಶಕ ಸುಮಂತ್ ಕ್ರಾಂತಿ ನಿರ್ಮಾಣದ ದಿಲ್ಪಸಂದ್, ನವೆಂಬರ್ನಲ್ಲಿ ತೆರೆಗೆ ಬರ್ತಿದ್ದು, ಕೃಷ್ಣ- ನಿಶ್ವಿಕಾ- ಮೇಘಗೆ ಹಿರಿಯ ಕಲಾವಿದರು ಕೂಡ ಸಾಥ್ ನೀಡಿದ್ದಾರೆ. ರಂಗಾಯಣ ರಘು ಹಾಗೂ ತಬಲಾ ನಾಣಿ ಕಾಮಿಡಿ ಟ್ರ್ಯಾಕ್ ಚಿತ್ರಕ್ಕೆ ಪ್ಲಸ್ ಆಗಲಿದ್ದು, ರೀಸೆಂಟ್ ಆಗಿ ಟೀಸರ್ ಲಾಂಚ್ ಕಾರ್ಯಕ್ರಮ ಅರ್ಥಪೂರ್ಣವಾಗಿ ನಡೀತು.
ಒಟ್ಟಾರೆ ಡಾರ್ಲಿಂಗ್ ಕೃಷ್ಣ- ನಿಶ್ವಿಕಾ ಜೋಡಿಯ ದಿಲ್ಪಸಂದ್ ಮ್ಯಾಜಿಕ್ ಮಾಡೋ ಮನ್ಸೂಚನೆ ನೀಡಿದೆ. ಟೀಸರ್ ನೋಡಿ ಸಖತ್ ಟೇಸ್ಟ್ ಗುರು ಅಂತ ಹೇಳ್ತಿರೋರಿಗೆ ಅಸಲಿ ಪಿಕ್ಚರ್ನಲ್ಲಿ ಮತ್ತಷ್ಟು ಟೇಸ್ಟ್ನ ಉಣಬಡಿಸೋದು ಕನ್ಫರ್ಮ್.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
