ರತ್ನನ್ ಪ್ರಪಂಚ ಚಿತ್ರದಿಂದ ಲೈಮ್ಲೈಟ್ಗೆ ಬಂದ ಉಡಾಳ್ ಬಾಬು, ಇದೀಗ ರೀಲ್ ಹಾಗೂ ರಿಯಲ್ ಲೈಫ್ನಲ್ಲಿ ರಾಜರತ್ನ ಅಪ್ಪು ಅಭಿಮಾನಿಯಾಗಿ ಮಿಂಚು ಹರಿಸ್ತಿದ್ದಾರೆ. ಬಾಂಡ್ ರವಿಯ ಮಾಸ್ ಖದರ್ಗೆ ಇಂಡಸ್ಟ್ರಿಯೇ ಕ್ಲೀನ್ ಬೋಲ್ಡ್ ಆಗಿದೆ. ಇಷ್ಟಕ್ಕೂ ನಟಸಾರ್ವಭೌಮನ ಬಗ್ಗೆ ಬಾಂಡ್ ರವಿ ಹೇಳಿದ್ದೇನು ಅಂತೀರಾ..? ನೀವೇ ಓದಿ.
- ಎದೆ ಕೊಟ್ಟು ಎದೆ ಸೀಳೋಕೆ ಆಖಾಡಕ್ಕೆ ಇಳಿದ ಜಗಜಟ್ಟಿ..!
ಮೈ ಬೆವರಿಳಿಸೋ ಆ್ಯಕ್ಷನ್ ಸೀನ್ಗಳು, ಬೆಚ್ಚಿ ಬೆದರಿಸೋ ಖಡಕ್ ಡೈಲಾಗ್ಗಳು. ಯೆಸ್. ಇದು ಬಾಂಡ್ ರವಿ ಸಿನಿಮಾದ ಮೇನ್ ಹೈಲೈಟ್ಸ್. ಒಂದು ನಿಮಿಷ 56 ಸೆಕೆಂಡುಗಳ ಕಾಲ ನಿಮ್ಮ ಅಟೆನ್ಷನ್ ಅತ್ತಿತ್ತ ಹೋಗದಂತೆ ಮೈ ಜುಮ್ಮೆನ್ನಿಸಿದ ಪವರ್ಫುಲ್ ಟೀಸರ್ ಬಾಂಡ್ ರವಿ ಚಿತ್ರದ್ದು. ಅಣ್ಣಾ ಬಾಂಡ್ ಚಿತ್ರದಲ್ಲಿ ಬಾಂಡ್ ರವಿ ಹೆಸರಿನ ಮೇಲೆ ಅಪ್ಪು ಅಭಿಮಾನಿಯಾಗಿ ನಟ ಪ್ರಮೋದ್ ಅಬ್ಬರಿಸೋಕೆ ಸಜ್ಜಾಗಿದ್ದಾರೆ.
ರತ್ನನ್ ಪ್ರಪಂಚ ಹಿಟ್ ಸಿನಿಮಾ ಮೂಲಕ ಚಿತ್ರರಸಿಕರ ಹೃದಯದಲ್ಲಿ ಅಳಿಸದ ಟ್ಯಾಟು ಆಗಿ ಉಳಿದುಕೊಂಡ ಪ್ರಾಮಿಸಿಂಗ್ ಆ್ಯಕ್ಟರ್ ಪ್ರಮೋದ್. ಇದೀಗ ಮೊದಲ ಬಾರಿಗೆ ಉಡಾಳ್ ಬಾಬು ಬಾಂಡ್ ರವಿಯಾಗಿ ಎಲ್ಲರ ಮನಸೂರೆಗೊಳ್ಳಲು ಸಜ್ಜಾಗಿದ್ದಾರೆ. ಸದ್ಯದಲ್ಲೇ ಪ್ರಮೋದ್, ಬಾಂಡ್ ರವಿ ಟೈಟಲ್ಗೆ ಬ್ರ್ಯಾಂಡ್ ಅಂಬಾಸಿಡರ್ ಆಗೋದ್ರಲ್ಲಿ ಡೌಟೆ ಇಲ್ಲ ಅನ್ನುವಂತೆ ನಟಿಸಿದ್ದಾರೆ. ಚಿತ್ರದ ಟೈಟಲ್ಗೂ ದೇವತಾ ಮನುಷ್ಯ ಅಪ್ಪು ಸಿಂಕ್ ಅಗೋ ಎಮೋಷನ್ಸ್ ಬಗ್ಗೆ ಪ್ರಮೋದ್ ಮನ್ಸು ಬಿಚ್ಚಿ ಮಾತನಾಡಿದ್ದಾರೆ
ಒಳ್ಳೆಯವನು ಕೆಟ್ಟವ್ನಾದ್ರೆ ಎಲ್ಲರೂ ನಂಬ್ತಾರೆ. ಆದ್ರೆ ಕೆಟ್ಟೋನು ಒಳ್ಳೆಯವಾದ್ರೆ ಅನ್ನೋ ಹಾರ್ಟ್ ಟಚಿಂಗ್ ಡೈಲಾಗ್ ಮೂಲಕ ಮಾಸ್ ಗೆಟಪ್ನಲ್ಲಿ ಬಾಂಡ್ ರವಿ ಮಿಂಚಿದ್ದಾರೆ. ಪಾತಕ ಲೋಕದೊಳಗೆ ಮೊದಲ ಬಾರಿಗೆ ರವಿ ತೊಡೆ ತಟ್ಟಲಿದ್ದಾರೆ. ಅಪ್ಪು ಹೆಸರಲ್ಲೇ ಸಿನಿಮಾ ಮಾಡ್ತಿದ್ದೀನಿ. ಒಟ್ಟು 20 ನಿಮಿಷ ನನ್ ಜತೆ ಮಾತನಾಡಿದ್ರು. ನಿನ್ ನೋಡ್ತಾನೆ ಇರಬೇಕು ಅಂದಿದ್ರು. ಹಂಬಲ್ ವ್ಯಕ್ತಿ ಅಪ್ಪು ಗ್ರೇಟ್. ಅವ್ರು ಇದ್ದಿದ್ರೆ ಈ ಸಿನಿಮಾ ನೋಡಿ ತುಂಬಾ ಖುಷಿ ಪಡ್ತಿದ್ರಂತೆ.
ಗೀತಾ ಬ್ಯಾಂಗಲ್ ಸ್ಟೋರ್ನಿಂದ ಚಿರಪರಿಚಿತನಾದ ಪ್ರಮೋದ್ ಜನಮನ್ನಣೆ ಪಡೆದ ಪ್ರತಿಭಾನ್ವಿತ ಕಲಾವಿದ. ಈ ಸಿನಿಮಾದಲ್ಲಿ ಅದ್ಭುತ ಕಂಟೆಂಟ್ ಇದೆಯಂತೆ. ಇಂಟ್ರಡಕ್ಷನ್ಗೆ ಎಲ್ಲರೂ ಸ್ಟನ್ ಆಗ್ತಾರಂತೆ. ಐದು ನಿಮಿಷಗಳ ಕಾಲ ಚಪ್ಪಾಳೆಯ ಸುರಿಮಳೆಯಾಗಲಿದೆಯಂತೆ.
ಅಂತೂ ಸಿಕ್ಕಾಪಟ್ಟೆ ಭರವಸೆ ಮೂಡಿಸಿರೋ ಪ್ರಮೋದ್ಗೆ ಡಾ.ರಾಜ್ಕುಮಾರ್ ಸಖತ್ ಇನ್ಸ್ಪೈರ್ ಆಗಿದ್ದಾರೆ. ಇದು ಪಕ್ಕಾ ಆ್ಯಕ್ಷನ್ ಅಂಡ್ ಲವ್ ಸಿನಿಮಾ. ಜತಗೆ ನವಿರಾದ ಪ್ರೇಮಕಥೆಯಲ್ಲಿ ರಕ್ತಸಿಕ್ತ ಕದನಗಳ ಕಲೆಯೂ ಬೆರೆತುಕೊಂಡಿದೆ. ನಿರ್ಮಾಪಕರಾದ ನರಸಿಂಹ ಮೂರ್ತಿ, ಮಲ್ಲಿಕಾರ್ಜುನ ಕಾಶಿ ಕಾನ್ಫಿಡೆಂಟ್ ಆಗಿ ಹಣ ಸುರಿದಿದ್ದಾರೆ. ನಿರ್ದೇಶಕ ಪ್ರಜ್ವಲ್ ಎಸ್.ಎಸ್ ಭರವಸೆಯ ಟೀಸರ್ ಕೊಟ್ಟಿದ್ದು ಸಿನಿಮಾ ಕೂಡ ಸಖತ್ ಪ್ರಾಮಿಸಿಂಗ್ ಆಗಿದೆ.
ಮುಂಗಾರು ಮಳೆಯ ಸದ್ದಿನಲ್ಲೇ ಸಂಗೀತದ ಅಲೆ ಎಬ್ಬಿಸಿದ್ದ ಮ್ಯೂಸಿಕ್ ಕಂಪೋಸರ್ ಮನೋಮೂರ್ತಿ ಬಾಂಡ್ ರವಿಗೆ ಸಾಥ್ ನೀಡಿದ್ದಾರೆ. ಕೆ.ಎಸ್ ಚಂದ್ರಶೇಖರ್ ಕ್ಯಾಮೆರಾ ಎಲ್ಲರ ಕಣ್ಣರಳಿಸುವಂತೆ ಮಾಡಿದೆ.
ಮಂಡ್ಯ ಹೈದನ ಮನೋಘ್ಞ ಅಭಿನಯ ಇಲ್ಲೂ ಕಂಟಿನ್ಯೂ ಆಗುತ್ತಾ..? ಬಾಂಡ್ ರವಿಯನ್ನ ಪ್ರೇಕ್ಷಕ ಮೆಚ್ಚಿಕೊಳ್ತಾನಾ ಅನ್ನೋದನ್ನ ಕಾದು ನೋಡ್ಬೇಕು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
