ಸಲಗನ ಕೈಗೆ ಸಿಕ್ಕರೆ ಬೀ ಕೇರ್ಫುಲ್. ಅಪ್ಪಿ ತಪ್ಪಿ ಸಿಕ್ಕರೆ, ಆಗಿ ಹೋಗ್ತಿಯಾ ಕಣ್ಮರೆ. ಯೆಸ್.. ಸ್ಯಾಂಡಲ್ವುಡ್ ಸಲಗ ಎಲ್ಲೇ ಇದ್ರೂ ಅಲ್ಲಿ ಜಾತ್ರೆ. ಭೀಮನಾಗಿ ರೌದ್ರಾವತಾರ ತಾಳಿರೋ ದುನಿಯಾ ವಿಜಯ್, ಟರ್ಕಿ ಟೂರ್ನಲ್ಲಿದ್ದಾರೆ. ಬಾಲಯ್ಯನ ಅಡ್ಡಾದಲ್ಲಿ ಸಖತ್ ಬ್ಯುಸಿಯಾಗಿದ್ದಾರೆ. ಸದ್ಯ ಊರ ಕಣ್ಣು, ಮಾರಿ ಕಣ್ಣು ಇವ್ರ ಮ್ಯಾಲಿದೆ. ಘೋರ, ಅಘೋರನ ಹವಾ ಹೇಗಿದೆ ಗೊತ್ತಾ..? ನೀವೇ ಓದಿ.
- ಟಾಲಿವುಡ್ನಲ್ಲಿ ಹಬ್ಬ ಮಾಡೋಕೆ ಸಜ್ಜಾದ ಟೆರಿಫಿಕ್ ಟೈಗರ್
ಸದ್ಯ ಟಾಲಿವುಡ್ನಲ್ಲಿ ಬಾಲಯ್ಯನ ದುನಿಯಾ ಹೈಪ್ ಕ್ರಿಯೇಟ್ ಮಾಡ್ತಿದೆ. ಮಫ್ತಿ ಗೆಟಪ್ನಲ್ಲಿ ಬಾಲಯ್ಯನ ಸಿನಿಮಾ ಪೋಸ್ಟರ್ ಕಂಡವ್ರೆಲ್ಲಾ ಬೆಚ್ಚಿ ಬೆವರಿಳಿಸಿದ್ದಾರೆ. ಯೆಸ್.. ಇದೊಂದು ಪಕ್ಕಾ ಮಾಸ್ ವೆಂಚರ್ನಲ್ಲಿ ಮೂಡಿ ಬರ್ತಿರೋ ಅಖಂಡನ ರಣರೋಚಕ ಸಿನಿಮಾ. ಈ ಚಿತ್ರಕ್ಕೆ ಸ್ಯಾಂಡಲ್ವುಡ್ ಸಲಗನ ಮಾಸ್ ಅವತಾರ ಕೂಡ ಜತೆಯಾಗ್ತಿರೋದು ಅಚ್ಚರಿ ವಿಚಾರ
ದಿ ಫೇಮಸ್ ಮೈತ್ರಿ ಮೂವಿ ಮೇಕರ್ಸ್ ಬ್ಯಾನರ್ ಅಡಿಯಲ್ಲಿ ಬಾಲಯ್ಯನ ಸಿನಿಮಾ ತಯಾರಾಗ್ತಿದೆ. ಇಲ್ಲಿ ಬಾಲಯ್ಯನಿಗೆ ಸೆಡ್ಡು ಹೊಡೆಯೋಕೆ ಖಡಕ್ ವಿಲನ್ ರೋಲ್ನಲ್ಲಿ ಬ್ಲಾಕ್ ಕೋಬ್ರಾ ವಿಜಯ್ ಬಣ್ಣ ಹಚ್ಚಿದ್ದಾರೆ. ಮಫ್ತಿ ಸಿನ್ಮಾದ ಬೈರತಿ ರಣಗಲ್ಲು ಗೆಟಪ್ನಲ್ಲಿ ಬಾಲಯ್ಯ ಥ್ರಿಲ್ಲಿಂಗ್ ಫೀಲ್ ಕೊಟ್ಟಿದ್ದಾರೆ. ಇದೀಗ ದುನಿಯಾ ವಿಜಯ್ ಟರ್ಕಿಯ ಇಸ್ತಾನ್ಬುಲ್ಗೆ ಹಾರಿದ್ದು ಬಾಲಯ್ಯನ ಟೀಮ್ ಸೇರಿಕೊಂಡಿದ್ದಾರೆ. ಜತೆಗೆ ವಿಜಿಯ ಕಾಲ ಕಾಲ ಕರಾಬು ಮಾಮ ರೀಲ್ಸ್ ಸಿಕ್ಕಾಪಟ್ಟೆ ಕ್ರೇಜ್ ಕ್ರಿಯೇಟ್ ಮಾಡಿದೆ.
ಜೈ ಬಾಲಯ್ಯನ 107 ಸಿನಿಮಾ ಇದಾಗಿದ್ದು ಈ ಸಿನಿಮಾದ ಚಿತ್ರೀಕರಣ ಟರ್ಕಿಯಲ್ಲಿ ನೆಡಿತಿದೆ. ಇತ್ತ ಭೀಮನಾಗಿ ಅಬ್ಬರಿಸಿ ಬೊಬ್ಬಿರಿಯೋಕೆ ಸಜ್ಜಾಗಿರೋ ದುನಿಯಾ ವಿಜಿ ಮಗನ ಜತೆಗೆ ಟರ್ಕಿಗೆ ಹಾರಿದ್ದಾರೆ. ಶೂಟಿಂಗ್ ವೇಳೆ ಬಾಲಯ್ಯನ ಜತೆ ಫೋಟೋ ಕ್ಲಿಕ್ಕಿಸಿಕೊಂಡು ಜೈ ಬಾಲಯ್ಯ ಎಂದು ಬರೆದುಕೊಂಡಿದ್ದಾರೆ. ರೋಷ, ಆಕ್ರೋಶ, ಕ್ರೂರ, ಅಘೋರ ಈ ಸಲಗ. ಹಾಗಾಗಿ ವಿಲನ್ ರೋಲ್ಗೆ ಪಕ್ಕಾ ರಗಡ್ ಆಗಿ ಬಾಲಯ್ಯನ ವಿರುದ್ಧ ಜಿದ್ದಿಗೆ ಬೀಳಲಿದ್ದಾರೆ.
ನಿರ್ದೇಶಕ ಗೋಪಿಚಂದ್ ಮಲ್ಲಿನೇನಿ ನಿರ್ದೇಶನದಲ್ಲಿ ಬಾಲಯ್ಯನ 107 ಸಿನಿಮಾ ಇದಾಗಿದೆ. ಇನ್ನು ಟೈಟಲ್ ಫೈನಲ್ ಆಗದೇ ಇರೋ ಕಥೆಯಲ್ಲಿ ಪಕ್ಕಾ ಸುಕ್ಕಾ ರೋಲ್ನಲ್ಲಿ ವಿಜಯ್ ಮಿಂಚಲಿದ್ದಾರೆ. ಬಾಲಯ್ಯನಿಗೆ ಜೋಡಿಯಾಗಿ ಚೆಂದುಳ್ಳಿ ಚೆಲುವೆ ಶೃತಿ ಹಾಸನ್ ಜತೆಯಾಗಿದ್ದಾರೆ. ಮಗ ಸಾಮ್ರಾಟ್ ಕೂಡ ಅಪ್ಪನ ಆ್ಯಕ್ಟಿಂಗ್ ಕಣ್ತುಂಬಿಕೊಳ್ಳೋ ಛಾನ್ಸ್ ಸಿಕ್ಕಿದೆ. ಅಂತೂ ಅದ್ಧೂರಿ ಕಥೆಯಲ್ಲಿ ಕನ್ನಡಿಗ ದುನಿಯಾ ವಿಜಯ್ ಅಬ್ಬರಿಸ್ತಿರೋದು ಹೆಮ್ಮೆಯ ವಿಷಯವಾಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
