ಕನ್ನಡದಿಂದ ಬರ್ತಿರೋ ಈ ವರ್ಷದ ಮೋಸ್ಟ್ ಎಕ್ಸ್ಪೆಕ್ಟೆಡ್ ಪ್ಯಾನ್ ಇಂಡಿಯಾ ಮೂವಿ ಕಬ್ಜ ಟೀಸರ್ ಲಾಂಚ್ಗೆ ಕೌಂಟ್ಡೌನ್ ಶುರುವಾಗಿದೆ. ಶೋ ರೀಲ್ ನೋಡಿ ದಂಗಾಗಿರೋ ಪರಭಾಷಾ ಫಿಲ್ಮ್ ಮೇಕರ್ಸ್, ಇದ್ರ ಡಿಸ್ಟ್ರಿಬ್ಯೂಷನ್ಗೆ ಮುಗಿ ಬೀಳ್ತಿದ್ದಾರೆ. ಈ ಮಧ್ಯೆ ಪ್ಯಾನ್ ಇಂಡಿಯಾ ಪ್ರೆಸ್ಮೀಟ್ನ ಹೋಸ್ಟ್ ಮಾಡೋಕೆ ಬಾಹುಬಲಿ ಸ್ಟಾರ್ ಬರ್ತಿದ್ದಾರೆ.
- ಹೈ ವೋಲ್ಟೇಜ್ ಟೀಸರ್ ಬಗ್ಗೆ ಆಲ್ ಇಂಡಿಯಾ ಕಟೌಟ್ ಟಾಕ್
- ಅಂದು ಕರಣ್ ಜೋಹರ್.. ಇಂದು ರಾಣಾ ದಗ್ಗುಬಾಟಿ ಹೋಸ್ಟ್
- ಪ್ಯಾನ್ ಇಂಡಿಯಾ ಚಿತ್ರದ ಫಸ್ಟ್ ಪ್ಯಾನ್ ಇಂಡಿಯಾ ಸುದ್ದಿಗೋಷ್ಠಿ
ದಿ ವೆಯ್ಟ್ ಈಸ್ ಓವರ್. ಇಡೀ ಉಪ್ಪಿ ಅಭಿಮಾನಿ ಸಮೂಹ ಬಹಳ ಕಾತರದಿಂದ ಕಾಯ್ತಿರೋ ಕಬ್ಜ ಟೀಸರ್ ಲಾಂಚ್ಗೆ ಕೆಲ ಗಂಟೆಗಳಷ್ಟೇ ಬಾಕಿಯಿದೆ. ಮೋಸ್ಟ್ ಪ್ಯಾಷನೇಟ್ ಡೈರೆಕ್ಟರ್ ಆರ್ ಚಂದ್ರು ತಮ್ಮ ಡ್ರೀಮ್ ಪ್ರಾಜೆಕ್ಟ್ನ ಎಷ್ಟೊಂದು ಇಷ್ಟ ಮತ್ತು ಕಷ್ಟ ಪಟ್ಟು ಮಾಡ್ತಿದ್ದಾರೋ, ಅದ್ರ ಪ್ರೊಮೋಷನ್ಸ್ಗೂ ಅಷ್ಟೇ ಪ್ರಮಾಣದಲ್ಲಿ ತಲೆ ಕೆಡಿಸಿಕೊಳ್ತಿದ್ದಾರೆ. ಸೆಪ್ಟೆಂಬರ್ 17ರ ಸಂಜೆ ಆಗಲಿರೋ ಕಬ್ಜ ಟೀಸರ್ ಲಾಂಚ್ ನೂತನ ದಾಖಲೆ ಬರೆಯಲಿದೆ.
ಯೆಸ್.. ಈ ವರ್ಷದ ಬಹುನಿರೀಕ್ಷಿತ ಸಿನಿಮಾ ಕಬ್ಜ, ಇಲ್ಲಿಯವರೆಗೂ ಸ್ಟಿಲ್ ಫೋಟೋಸ್ ಹಾಗೂ ಮೇಕಿಂಗ್ನಿಂದಲೇ ನೋಡುಗರ ನಾಡಿಮಿಡಿತ ಹೆಚ್ಚಿಸಿದೆ. ಅದ್ರಲ್ಲೂ ಅಭಿಮಾನಿಗಳ ಚಕ್ರವರ್ತಿ ಉಪೇಂದ್ರ ಹಾಗೂ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಮೆಗಾ ಮಲ್ಟಿಸ್ಟಾರ್ ಕಾಂಬೋ ಇದಾಗಿದ್ದು, ಶಿವಾಜಿ ಕಾ ಜಾನ್ ಶ್ರಿಯಾ ಸರಣ್ ಕೂಡ ಕ್ವೀನ್ ಖದರ್ ತೋರಲಿದ್ದಾರೆ. ಭಾರ್ಗವ್ ಭಕ್ಷಿಯಾಗಿ ಕಿಚ್ಚನ ಮೀಸೆ ಜಬರ್ದಸ್ತ್ ಆಗಿದ್ದು, ಮುಕ್ತವಾಗಿ ಮಾತನಾಡಿದ್ದಾರೆ ಆಲ್ ಇಂಡಿಯಾ ಕಟೌಟ್.
ನೂರು ಕೋಟಿ ಬೃಹತ್ ವೆಚ್ಚದಲ್ಲಿ ಏಳು ಇಂಡಿಯನ್ ಲಾಂಗ್ವೇಜಸ್ನಲ್ಲಿ ತಯಾರಾಗ್ತಿರೋ ಈ ಸಿನಿಮಾ ಮೇಕಿಂಗ್ ಹಂತದಲ್ಲೇ ಪರಭಾಷಾ ಮೇಕರ್ಸ್ನ ಹುಬ್ಬೇರಿಸ್ತಿದೆ. ಪಕ್ಕದ ಟಾಲಿವುಡ್ನಲ್ಲಿ ತ್ರಿಬಲ್ ಆರ್ ಚಿತ್ರದ ನಿರ್ಮಾಪಕ ಡಿವಿವಿ ದಾನಯ್ಯ ಅವ್ರನ್ನ ಇಂಪ್ರೆಸ್ ಮಾಡಿರೋ ಕಬ್ಜ ಶೋ ರೀಲ್, ದೊಡ್ಡ ಮೊತ್ತಕ್ಕೆ ಚಿತ್ರದ ಡಿಸ್ಟ್ರಿಬ್ಯೂಷನ್ ರೈಟ್ಸ್ ಖರೀದಿಸೋಕೆ ಮುಂದಾಗುವಂತೆ ಮಾಡಿದೆ.
ಆದ್ರೆ ಇದೇ ಶನಿವಾರ ಸಂಜೆ ನಡೆಯಲಿರೋ ಟೀಸರ್ ಲಾಂಚ್ ಇವೆಂಟ್ ಒರಾಯನ್ ಮಾಲ್ನಲ್ಲಿ ರಂಗೇರಲಿದ್ದು, 200ಕ್ಕೂ ಅಧಿಕ ಪ್ಯಾನ್ ಇಂಡಿಯಾದ ಫಿಲ್ಮ್ ರಿಪೋರ್ಟರ್ಸ್ ನಮ್ಮ ಸಿಲಿಕಾನ್ ಸಿಟಿಗೆ ಬರಲಿದ್ದಾರೆ. ಕಾರ್ಯಕ್ರಮಕ್ಕೆ ಕರುನಾಡ ಚಕ್ರವರ್ತಿ ಶಿವಣ್ಣ ಚೀಫ್ ಗೆಸ್ಟ್ ಆಗಿ ಆಗಮಿಸುತ್ತಿದ್ದು, ಉಪ್ಪಿ- ಕಿಚ್ಚ, ಶ್ರಿಯಾ ಸರಣ್ ಇರಲಿದ್ದಾರೆ. ಇನ್ನು ಈ ಕಾರ್ಯಕ್ರಮವನ್ನು ಅನುಶ್ರೀ ಜೊತೆ ಬಾಹುಬಲಿಯ ಬಲ್ಲಾಳದೇವ ರಾಣಾ ಗದ್ದುಬಾಟಿ ಹೋಸ್ಟ್ ಮಾಡ್ತಿದ್ದಾರೆ ಅನ್ನೋದು ಇಂಟರೆಸ್ಟಿಂಗ್.
ಅಂದು ಕೆಜಿಎಫ್-2 ಟ್ರೈಲರ್ ಲಾಂಚ್ಗಾಗಿ ಬಾಲಿವುಡ್ನಿಂದ ಕರಣ್ ಜೋಹರ್ ಬಂದಿದ್ರು. ಇಂದು ಟಾಲಿವುಡ್ನಿಂದ ಬಾಲಿವುಡ್ನಲ್ಲೂ ಛಾಪು ಮೂಡಿಸಿರೋ ರಾಣಾ ಬರ್ತಿರೋದು ನಿಜಕ್ಕೂ ಹೆಮ್ಮೆಯ ವಿಷ್ಯ. ಅದೇನೇ ಇರಲಿ ಆರ್ ಚಂದ್ರು ಅವ್ರು ಇಂತಹ ಮೆಗಾ ಪ್ರಾಜೆಕ್ಟ್ಗೆ ಕೈ ಹಾಕಿ, ಅದನ್ನ ಬಾಲಿವುಡ್ ಮಂದಿ ಕೂಡ ಕಣ್ಣು, ಬಾಯಿ ಬೊಟ್ಕೊಂಡು ನೋಡೋ ಅಂತಹ ಪ್ರಾಡಕ್ಟ್ ಆಗಿ ನೀಡ್ತಿರೋದು ಖುಷಿಯ ವಿಚಾರ. ಇನ್ನು ಬಾಕ್ಸ್ ಆಫೀಸ್ ಕಬ್ಜ ಮಡೋಕೆ ಈ ರೆಟ್ರೋ ಸಾಗಾ ಎಂಟರ್ಟೈನರ್ ಈಗಲೇ ಕ್ರೇಜ್, ಹವಾ ಹುಟ್ಟಿಸಿದ್ದು, ಇತಿಹಾಸದ ಪುಟಗಳಲ್ಲಿ ಉಳಿಯೋ ಅಂತಹ ದಾಖಲೆ ಬರೆಯಲಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
