ಬೆಂಗಳೂರು : ಮುಂದಿನ ತಿಂಗಳ 1ನೇ ತಾರೀಖಿನಂದೇ KSRTC ನೌಕರರಿಗೆ ವೇತನ ಸಿಗಲಿದೆ .
ಕೋವಿಡ್ ಕಾರಣದಿಂದ ಕಳೆದ ಎರಡು ವರ್ಷದಿಂದ ನೌಕರರಿಗೆ ವೇತನ ವಿಳಂಬವಾಗ್ತಿತ್ತು. ಇದೀಗ ನಿಗಮ ಸಹಜ ಸ್ಥಿತಿಗೆ ಮರುಕಳಿಸಿದ ಹಿನ್ನೆಲೆಯಲ್ಲಿ ನೌಕರರ ವೇತನವನ್ನು ತಿಂಗಳ ಮೊದಲ ದಿನವೇ ಪಾವತಿಸಲು ತೀರ್ಮಾನ ಮಾಡಲಾಗಿದೆ.
ಅದಲ್ಲದೇ, ಅಕ್ಟೋಬರ್ 1ನೇ ತಾರೀಖು ಸಂಬಳ ಪಾವತಿ ಮಾಡುವಂತೆ KSRTC ಎಂ.ಡಿ ವಿ. ಅನ್ಬುಕುಮಾರ್ ಆದೇಶ ಮಾಡಿದ್ದಾರೆ. ಪ್ರತಿ ತಿಂಗಳ 1ನೇ ತಾರೀಖಿನಂದು ಚಾಲಕ , ನಿರ್ವಾಹಕ, ತಾಂತ್ರಿಕ ಸಿಬ್ಬಂದಿ ಸೇರಿದಂತೆ ಎಲ್ಲಾ ಸಿಬ್ಬಂದಿಗೆ ವೇತನ ಪಾವತಿ ಮಾಡುವಂತೆ ಸೂಚನೆ ನೀಡಲಾಗಿದೆ.
