ದಿ ವೆಯ್ಟ್ ಈಸ್ ಓವರ್. ದೇವತಾ ಮನುಷ್ಯ ರಾಜರತ್ನ ಪುನೀತ್ ರಾಜ್ಕುಮಾರ್ ದರ್ಶನಕ್ಕೆ ಇನ್ನೊಂದೇ ದಿನ ಬಾಕಿ. ಈಗಾಗ್ಲೇ ದೇವರಂತೆ ಪೂಜಿಸಲ್ಪಟ್ಟಿರೋ ಅಪ್ಪು, ದೇವರಾಗಿಯೇ ಬಿಗ್ಸ್ಕ್ರೀನ್ ಎಂಟ್ರಿ ಕೊಡ್ತಿದ್ದಾರೆ. ಈ ಕುರಿತ ಲೇಟೆಸ್ಟ್ ಅಪ್ಡೇಟ್ಸ್ ಈ ಸ್ಪೆಷಲ್ ಪ್ಯಾಕೇಜ್ನಲ್ಲಿದೆ.ನೀವೇ ಓದಿ.
- ರಾಜರತ್ನ ಪುನೀತ್ ರಾಜ್ಕುಮಾರ್ ದೇವರಾಗಿಯೇ ದರ್ಶನ
- ಪ್ರೀಮಿಯರ್ ಶೋಗೆ ಬುಕಿಂಗ್ ಶುರು.. ಎಮೋಷನಲ್ ಟೈಂ
ಬೊಂಬೆ ಹೇಳುತೈತೆ, ಮತ್ತೆ ಹೇಳುತೈತೆ ಅಪ್ಪು ಆಲ್ಟೈಂ ದೇವತಾ ಮನುಷ್ಯ. ಯೆಸ್.. ಅಣ್ಣಾವ್ರ ಮುದ್ದಿನ ಮಗ, ದೊಡ್ಮನೆಯ ರಾಜಕುಮಾರ ಪುನೀತ್ ರಾಜ್ಕುಮಾರ್ ಇನ್ನಿಲ್ಲ ಅನ್ನೋ ಮಾತನ್ನ ಇಂದಿಗೂ ಅರಗಿಸಿಕೊಳ್ಳೋದು ತುಸು ಕಷ್ಟವೇ ಸರಿ. ಆದ್ರೆ ಅವ್ರಿಲ್ಲ ಅನ್ನೋ ಕೊರಗನ್ನ ಅಭಿಮಾನಿ ದೇವರುಗಳು ಎಂದಿಗೂ ತೋರಿಸಿಕೊಳ್ತಿಲ್ಲ. ಸಾಕ್ಷಾತ್ ಪರಮಾತ್ಮನಂತೆ ಅವ್ರನ್ನ ಆರಾಧಿಸ್ತಿದ್ದಾರೆ.
ಹೀಗಿರುವಾಗ ಅರ್ಥಾತ್ ದೇವರಾಗಿಯೇ ಕನ್ನಡಿಗರಿಗೆ ದರ್ಶನ ಕೊಡ್ತಿದ್ದಾರೆ ಪುನೀತ್ ರಾಜ್ಕುಮಾರ್. ಹೌದು, ಲಕ್ಕಿಮ್ಯಾನ್ ಸಿನಿಮಾ ರಿಲೀಸ್ಗೆ ಇನ್ನೊಂದು ದಿನವಷ್ಟೇ ಬಾಕಿಯಿದೆ. ನಾಗೇಂದ್ರ ಪ್ರಸಾದ್ ನಿರ್ದೇಶನದ, ಪುನೀತ್ ರಾಜ್ಕುಮಾರ್, ಪ್ರಭುದೇವ, ಡಾರ್ಲಿಂಗ್ ಕೃಷ್ಣ, ಸಂಗೀತಾ ಶೃಂಗೇರಿ, ರೋಶಿನಿ ಪ್ರಕಾಶ್ ನಟನೆಯ ಲಕ್ಕಿಮ್ಯಾನ್ ಈ ಶುಕ್ರವಾರ ಸಿನಿರಸಿಕರ ಮುಂದೆ ಬರ್ತಿದೆ.
ರಿಲೀಸ್ಗೂ ಒಂದು ದಿನ ಮೊದಲೇ ಪೇಯ್ಡ್ ಪ್ರೀಮಿಯರ್ ಶೋ ಕೂಡ ನಡೆಸ್ತಿರೋ ಚಿತ್ರತಂಡ, ಈಗಾಗ್ಲೇ ಆನ್ಲೈನ್ನಲ್ಲಿ ಟಿಕೆಟ್ಸ್ ಬುಕಿಂಗ್ಗೆ ಅವಕಾಶ ಕಲ್ಪಿಸಿದೆ. ಇದೊಂದು ಪಕ್ಕಾ ಯೂತ್ಫುಲ್ ಎಂಟರ್ಟೈನರ್ ಆಗಿದ್ದು, ಫ್ರೆಂಡ್ಶಿಪ್ ಕುರಿತ ಮೌಲ್ಯವನ್ನು ಸಾರಲಿದೆ. ರೀಸೆಂಟ್ ಆಗಿ ಕೃಷ್ಣ-ಸಂಗೀತ ಮತ್ತು ನಾಗಭೂಷಣ್ ಕಾಂಬೋನ ಫ್ರೆಂಡ್ಶಿಪ್ ಸಾಂಗ್ ರಿಲೀಸ್ ಆಗಿದ್ದು, ಎಲ್ಲೆಡೆಯಿಂದ ಉತ್ತಮ ಪ್ರಶಂಸೆ ಹಾಗೂ ಪ್ರತಿಕ್ರಿಯೆಗಳು ವ್ಯಕ್ತವಾಗ್ತಿವೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
