ರಾಕಿಭಾಯ್ ಅಬ್ಬರದ ನಡುವೆ ಝೇಂಕರಿಸ್ತಾ ಇರೋ ಮತ್ತೊಂದು ಹೆಸ್ರು ಟಾಲಿವುಡ್ ಸೂಪರ್ ಸ್ಟಾರ್ ಅಲ್ಲು ಅರ್ಜುನ್. ಕೆಜಿಎಫ್ ನಂತ್ರ ವಿಶ್ವ ಮಟ್ಟದಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡ್ತಿರೋ ಸಿನಿಮಾ ಪುಷ್ಪ. ಇದೀಗ ಪುಷ್ಪ ಸೀಕ್ವೆಲ್ ಬಗ್ಗೆ ಇಡೀ ಸಿನಿದುನಿಯಾ ಎದ್ರು ನೋಡ್ತಿದೆ. ಇದೀಗ ಪುಷ್ಪ 2 ಸಿನಿಮಾ ಅದ್ಧೂರಿಯಾಗಿ ಸೆಟ್ಟೇರಿದೆ.
- ಇನ್ಮುಂದೆ ಪುಷ್ಪ ತಗ್ಗೋದೆ ಇಲ್ಲ.. ಸ್ಮಗ್ಲಿಂಗ್ ಬೇಟೆ ಶುರು
ಇಡೀ ವಿಶ್ವವೇ ದಕ್ಷಿಣ ಭಾರತೀಯ ಸಿನಿಮಾಗಳ ಕಡೆಗೆ ತಿರುಗಿ ನೋಡುವಂತೆ ಮಾಡಿದ್ದು ಆರ್ಆರ್ಆರ್, ಕೆಜಿಎಫ್, ಪುಷ್ಪ ಸಿನಿಮಾಗಳು. ಇನ್ನು, ಪುಷ್ಪ ಹಾಗೂ ಕೆಜಿಎಫ್ ಪೈಪೋಟಿಗೆ ಬಿದ್ದವರಂತೆ ಬಾಕ್ಸ್ ಆಫೀಸ್ ಕಲೆಕ್ಷನ್ ಲೂಟಿ ಮಾಡಿದ್ವು. ಪುಷ್ಪನ ರಗಡ್ ಲುಕ್, ಖಡಕ್ ಡೈಲಾಗ್, ಚಂದನವನದ ಕಳ್ಳಸಾಗಣಿಕೆ ಕಂಡು ಅಲ್ಲು ಫ್ಯಾನ್ಸ್ ಸಖತ್ ಥ್ರಿಲ್ ಆಗಿದ್ರು. ಇದೀಗ ಪುಷ್ಪ ಸೀಕ್ವೆಲ್ ಸಿನಿಮಾ ಸೆಟ್ಟೇರಿದೆ. ಅದ್ಧೂರಿ ಮುಹೂರ್ತದೊಂದಿಗೆ ಪುಷ್ಪ 2 ಚಿತ್ರಕ್ಕೆ ಚಾಲನೆ ನೀಡಲಾಗಿದೆ.
ತಗ್ಗೋದೆ ಇಲ್ಲಾ ಅಂತ ಚಿತ್ರಪ್ರೇಮಿಗಳ ಎದೆಯಲ್ಲಿ ರೋಮಾಂಚನವಾಗುವಂತೆ ಅಲ್ಲು ಅರ್ಜುನ್ ಮಾಡಿದ್ರು. ತಮ್ಮ ವಿಭಿನ್ನ ಮ್ಯಾನರಿಸಂ, ಮಾತಿನ ಶೈಲಿ, ವಾಕಿಂಗ್ ಸ್ಟೈಲ್ ಎಲ್ಲವೂ ಪಕ್ಕಾ ಲೋಕಲ್ ಫೀಲ್ ಕೊಟ್ಟಿತ್ತು. ಟಾಲಿವುಡ್ ಸೇರಿದಂತೆ ಬಾಲಿವುಡ್ನಲ್ಲೂ ಅಬ್ಬರಿಸಿದ ಪುಷ್ಪ ಎಲ್ಲೂ ಕೂಡ ತಗ್ಗಲಿಲ್ಲ. ಎದುರಾಳಿ ಸಿನಿಮಾಗಳ ಅಬ್ಬರಕ್ಕೂ ಬಗ್ಗಲಿಲ್ಲ. ಜುಲೈನಲ್ಲೆ ಸೆಟ್ಟೇರಬೇಕಿದ್ದ ಪುಷ್ಪ ಕೊಂಚ ತಡವಾಗಿ ಮುಹೂರ್ತ ಮಾಡಿಕೊಂಡಿದೆ. ಹೈದರಾಬಾದ್ನಲ್ಲಿ ಪೂಜೆ ಕಾರ್ಯ ಮುಗಿಸಿದೆ.
- ಪೂಜೆಗೆ ಪುಷ್ಪ, ಶ್ರೀವಲ್ಲಿ ಕಾಣೆ.. ಫ್ಯಾನ್ಸ್ ಸಖತ್ ಬೇಸರ
- ಇಂಟರ್ನ್ಯಾಷನಲ್ ಮಟ್ಟದಲ್ಲಿ ಪುಷ್ಪ ಸ್ಮಗ್ಲಿಂಗ್ ಭರಾಟೆ
ಹೈದರಾಬಾದ್ನಲ್ಲಿ ಪುಷ್ಪ 2 ಚಿತ್ರದ ಮುಹೂರ್ತ ಪೂಜೆ ಸಡಗರ ಸಂಭ್ರಮದಿಂದ ನಡೆಯಿತು. ಆದ್ರೆ ಫ್ಯಾನ್ಸ್ ಮಾತ್ರ ಸ್ಯಾಡ್ ಮೂಡ್ನಲ್ಲಿದ್ರು. ಈ ಸುಂದರ ಕ್ಷಣಗಳಿಗೆ ಶ್ರೀವಲ್ಲಿ ರಶ್ಮಿಕಾ, ಅಲ್ಲು ಅರ್ಜುನ್ ಇಬ್ಬರೂ ಗೈರಾಗಿದ್ದರು. ಸ್ಟೈಲೀಶ್ ಐಕಾನ್ ಅನುಪಸ್ಥಿತಿಯಲ್ಲಿ ಅದ್ಧೂರಿ ಮುಹೂರ್ತ ನೆರವೇರಿತು. ಸಿನಿಮಾದ ಟೆಕ್ನಿಕಲ್ ವಿಂಗ್, ಹಾಗೂ ಡೈರೆಕ್ಷನ್ ಟೀಮ್ ಮಾತ್ರ ಪೂಜೆಯಲ್ಲಿ ಹಾಜರಿತ್ತು. ನಿರ್ದೇಶಕ ಸುಕುಮಾರ್ ಸೇರಿ ಹಲವರ ಸಮ್ಮುಖದಲ್ಲಿ ಗ್ರ್ಯಾಂಡ್ ಆಗಿ ನಡೆಯಿತು.
ಅತೀ ಶೀಘ್ರದಲ್ಲೇ ಪುಷ್ಪ 2 ಸಿನಿಮಾ ಗ್ರ್ಯಾಂಡ್ ಆಗಿ ಹಾಗೂ ಮೊದಲಿಗಿಂತ ರಿಚ್ ಆಗಿ ತೆರೆಗೆ ಬರಲಿದೆ. ಸದ್ಯದಲ್ಲೇ ಸಿನಿಮಾ ಶೂಟಿಂಗ್ ಕೂಡ ಶುರುವಾಗಲಿದೆ. ಆಂಧ್ರದ ಚಿತ್ತೂರಿನ ಸ್ವಾಗ್ನಲ್ಲಿ ಸಿನಿಮಾ ಅದ್ಧೂರಿಯಾಗಿ ಮೂಡಿಬರಲಿದ್ದು, ಇಂಟರ್ನ್ಯಾಷನಲ್ ಲೆವೆಲ್ನಲ್ಲಿ ಪುಷ್ಫನ ಕಳ್ಳಸಾಗಣಿಕೆ ಇರಲಿದೆ. ಎದುರಾಳಿ ವೈರಿಗಳ ನಡುವಿನ ಸೆಣಸಾಟ ಕೂಡ ದುಪ್ಪಟ್ಟಾಗಿರಲಿದೆ.
ನ್ಯಾಯಾರ್ಕ್ನಲ್ಲಿ ಅವಾರ್ಡ್ ಸಮಾರಂಭಕ್ಕೆ ತೆರೆಳಿದ್ದ ಅಲ್ಲು ಅರ್ಜುನ್ ಮುಹೂರ್ತಕ್ಕೆ ಬರಲು ಸಾಧ್ಯವಾಗಿಲ್ಲ. ಇನ್ನೂ ಶ್ರೀವಲ್ಲಿ ಕೂಡ ಗೈರಾಗಿದ್ದು, ಫ್ಯಾನ್ಸ್ ಇನ್ನೂ ಸ್ಯಾಡ್ ಮೂಡ್ನಲ್ಲಿದ್ರು. 400 ಕೋಟಿಗೂ ಅಧಿಕ ಬಾಕ್ಸ್ ಆಫೀಸ್ ಕಲೆಕ್ಷನ್ ಮಾಡಿ ಅಬ್ಬರಿಸಿ ಬೊಬ್ಬಿರಿದ ಪುಷ್ಪ ಈ ಬಾರಿ ದಿ ರೈಸ್ ಅವತಾರದಲ್ಲಿ ಮಿಂಚಲಿದ್ದಾರೆ. ನ್ಯೂಯಾರ್ಕ್ನ ಬೀದಿ ಬೀದಿಗಳಲ್ಲಿ ಸ್ಟೈಲೀಶ್ ಐಕಾನ್ ಅಲ್ಲು ದರ್ಬಾರ್ ಜೋರಾಗಿದೆ. ಅಲ್ಲಿಂದ ವಾಪಾಸಾದ ಮೇಲೆ ಪುಷ್ಪ ಸೀಕ್ವೆಲ್ ಶೂಟಿಂಗ್ ಶುರುವಾಗಲಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
