ಈ ಬಾರಿ ದಸರಾ ಹಬ್ಬ ನಗುವಿನ ಹಬ್ಬವಾಗಲಿದೆ. ತೋತಾಪುರಿ ಸವಿಯುತ್ತಾ, ಬಾಯಿ ಚಪ್ಪರಿಸೋ ಜತೆಗೆ ಹೊಟ್ಟೆ ಹುಣ್ಣಾಗುವಷ್ಟು ನಗೋದಕ್ಕೂ ಅವಕಾಶವಿದೆ. ನವರಸಗಳ ನಾಯಕ ಜಗ್ಗೇಶ್ ತೋತಾಪುರಿ ಮಾವಿಗೆ ನಗುವಿನ ಉಪ್ಪು- ಖಾರ ಬೆರೆಸಿ ನಿಮ್ಮ ಮುಂದೆ ಇಡಲಿದ್ದಾರೆ. ಯೆಸ್.. ಸೆಪ್ಟೆಂಬರ್ ಎಂಡ್ಗೆ ಬಾಗ್ಲು ತೆಗಿ ಮೇರಿ ಜಾನ್ ಅಂತ ಬೆಳ್ಳಿ ತೆರೆ ಬೆಳಗಲಿದ್ದಾರೆ ಜಗ್ಗಣ್ಣ.
- ನವರಾತ್ರಿಗೆ ದೇಸಿ ಮಾವಿನ ರುಚಿ ಸವಿಯುವ ಆಫರ್..!
ಚೇಷ್ಠೆಗಳ ಚೇರ್ಮನ್, ತಲೆಹರಟೆ, ತಮಾಷೆಗಳ ಮೂಲಕ ಬದುಕಿನ ಸಾರವನ್ನು ತಿಳಿಸೋ ಕ್ರಿಯೇಟಿವ್ ಡೈರೆಕ್ಟರ್ ವಿಜಯ್ ಪ್ರಸಾದ್ ತೋತಾಪುರಿ ಉಣಬಡಿಸಲಿದ್ದಾರೆ. ಯೆಸ್.. ವಿಜಯ್ಪ್ರಸಾದ್ ಕನ್ನಡದ ಪೋಲಿ-ಯೋ ಡಾಕ್ಟರ್ ಇದ್ದ ಹಾಗೆ. ನಾಟಿ ಘಾಟಿ ಮಾತುಗಳ ಮೂಲಕವೇ ಡಬಲ್ ಮೀನಿಂಗ್ ಜೋಕ್ಸ್ನ ಪ್ರೇಕ್ಷಕರಿಗೆ ಬಡಿಸೋ ಪ್ರವೀಣ. ಅದಕ್ಕೆ ಜಗ್ಗೇಶ್ರ ನವರಸಗಳು ಸೇರಿಬಿಟ್ರೆ ಸಿನಿಮಾ ಸೂಪರ್ ಹಿಟ್ ಆಗೋದ್ರಲ್ಲಿ ನೋ ಡೌಟ್.
ಟೈಲರ್ ಈರೇಗೌಡ ಪಾತ್ರದಲ್ಲಿ ಕಾಣಿಸಿಕೊಳ್ತಿರೋ ಜಗ್ಗೇಶ್, ತೋತಾಪುರಿ ಪಾರ್ಟ್- 1ರಲ್ಲಿ ನಗುವಿನ ಬುಗ್ಗೆ ಹರಿಸಲಿದ್ದಾರೆ. ವರಮಹಾಲಕ್ಷ್ಮಿ ಹಬ್ಬಕ್ಕೆ ತೋತಾಪುರಿ ಚಿತ್ರದ ಪೋಸ್ಟರ್ ರಿಲೀಸ್ ಆಗಿದ್ದು, ಸೆಪ್ಟೆಂಬರ್ 30ಕ್ಕೆ ಮಾವಿನ ರುಚಿ ಸವಿಯೋಕೆ ಸಿದ್ಧರಾಗಿ ಅಂತ ಗುಡ್ ನ್ಯೂಸ್ ಕೊಟ್ಟಿದೆ. ಅಂತೂ ದಸರಾಗೆ ಬಾಗ್ಲು ತೆಗಿ ಮೇರಿ ಜಾನ್ ಅಂತ ಸಿಲ್ವರ್ ಸ್ಕ್ರೀನ್ಗೆ ಎಂಟ್ರಿ ಕೊಡಲಿದೆ ತೋತಾಪುರಿ ಟೀಮ್.
- ಮಾರ್ಟಿನ್, ರಾಘವೇಂದ್ರ ಸ್ಟೋರ್ಸ್ ಪೋಸ್ಟ್ಪೋನ್
- ಜಗ್ಗೇಶ್- ಡಾಲಿಯ ಪೋಲಿ & ಭಾವೈಕ್ಯತೆಯ ಸಂದೇಶ
ಪೆಟ್ರೋಮ್ಯಾಕ್ಸ್ ಸಿನಿಮಾ ಥಿಯೇಟರ್ನಲ್ಲಿ ಓಡ್ತಾ ಇದ್ರೂ, ಸೋಲೊಪ್ಪಿಕೊಂಡಿರುವ ವಿಜಯ್ ಪ್ರಸಾದ್ ಈ ಬಾರಿ ಹಸಿದ ಹೆಬ್ಬುಲಿಯಾಗಿದ್ದಾರೆ. ತೋತಾಪುರಿ ಎರಡು ಭಾಗಗಳಲ್ಲಿ ತೆರೆಗೆ ಬರಲಿದ್ದು, ಸಿಕ್ಕಾಪಟ್ಟೆ ಕ್ರೇಜ್ ಮೂಡಿಸಿದೆ. ತುಂಟತನ, ಪೋಲಿತನದ ಜತೆಗೆ ಭಾವೈಕ್ಯದ ಕಥೆಯನ್ನು ಆರ್ಥ ಮಾಡಿಸಲಿದೆ. ಹೆಣ್ಣು ಕುಲವೇ ಈ ಸಿನಿಮಾ ಮೂಲಕ ಜಗ್ಗೇಶ್ರನ್ನು ನೂರು ಪಟ್ಟು ಪ್ರೀತಿಸಲಿದೆಯಂತೆ.
ಕಾಮನ್ ಲಾಂಗ್ವೇಜ್ ಮೂಲಕ ಪ್ರೇಕ್ಷಕನಿಗೆ ಮಸ್ತ್ ಮಜಾ ಕೊಡೋ ಡೈರೆಕ್ಟರ್ ವಿಜಯ್ ಪ್ರಸಾದ್, ಈ ಬಾರಿ ಹೊಸತನದ ಬಾಡೂಟವನ್ನು ಉಣಬಡಿಸಲಿದ್ದಾರೆ. ಜಗ್ಗೇಶ್ಗೆ ಜೋಡಿಯಾಗಿ ಅದಿತಿ ಪ್ರಭುದೇವ ಅಷ್ಟೇ ಮುದ್ದಾಗಿ ನಟಿಸಿದ್ದಾರೆ. ನೀರ್ದೋಸೆ ಕಾಂಬೋ ರಿಪೀಟ್ ಆಗ್ತಿದ್ದು ದತ್ತಣ್ಣ, ಸುಮನ್ ರಂಗನಾಥ್ ಕಾಮಿಡಿ ಕಚಗುಳಿ ಇಡ್ತಾರೆ.
ಮೊಟ್ಟ ಮೊದಲ ಬಾರಿಗೆ ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ಅಬ್ಬರಿಸಲಿರೋ ಮೊದಲ ಕಾಮಿಡಿ ಸಿನಿಮಾ ತೋತಾಪುರಿ. ಮೋನಿಫಿಕ್ಸ್ ಬ್ಯಾನರ್ನಡಿ ಕೆ.ಎ ಸುರೇಶ್ ಚಿತ್ರ ನಿರ್ಮಿಸಿದ್ದಾರೆ. ಅನೂಪ್ ಸೀಳಿನ್ ಮ್ಯೂಸಿಕ್ ಮ್ಯಾಜಿಕ್ ಮಾಡ್ತಿದ್ದು, ದಸರಾಗೆ ಬಾಯಲ್ಲಿ ನೀರು ತರಿಸೋದು ಪಕ್ಕಾ ಆಗಿದೆ ತೋತಾಪುರಿ. ವಿಶೇಷ ಅಂದ್ರೆ ಸೆಪ್ಟೆಂಬರ್ 30ಕ್ಕೆ ಅನೌನ್ಸ್ ಆಗಿದ್ದ ಧ್ರುವ ಸರ್ಜಾರ ಮಾರ್ಟಿನ್ ಹಾಗೂ ಹೊಂಬಾಳೆಯ ರಾಘವೇಂದ್ರ ಸ್ಟೋರ್ಸ್ ರಿಲೀಸ್ ಪೋಸ್ಟ್ಪೋನ್ ಆಗಿ, ತೋತಾಪುರಿಗೆ ಲೈನ್ ಕ್ಲಿಯರ್ ಆಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
