ಶಶಾಂಕ್ ಸಿನಿಮಾಗಳಂದ್ರೆ, ಅಲ್ಲೊಂದು ಪ್ರೀತಿಯ ಸೋನೆ ಮಳೆ. ಹೃದಯ ಕಲಕುವ ಕ್ಲೈಮ್ಯಾಕ್ಸ್. ಇಂಪಾದ ಇಂಚರ ಸೂಸುವ ಹಾಡುಗಳು ಪಕ್ಕಾ. ಇದೀಗ ಮತ್ತೊಮ್ಮೆ ಪ್ರೀತಿಯ ಪರಾಕಾಷ್ಠೆಯ ರೋಮಾಂಚಕ ಲವ್ಸ್ಟೋರಿ ಸಿನಿಮಾ ತೆರೆಗೆ ಬರ್ತಿದೆ. ಲವ್ 360 ಚಿತ್ರದ ಟ್ರೈಲರ್ನ ಹ್ಯಾಟ್ರಿಕ್ ಹೀರೋ ರಿಲೀಸ್ ಮಾಡಿದ್ದು, ಅಮರ ಪ್ರೇಮಕಥೆಗೆ ಹೊಸ ಭಾಷ್ಯ ಬರೆದಿದ್ದಾರೆ.
- ಸಿದ್ ಶ್ರೀರಾಮ್ ವಾಯ್ಸ್ಗೆ ಫಿದಾ.. ಶಿವಪ್ಪ ಮೆಚ್ಚಿದ ಪ್ರೀತಿ
ಕನ್ನಡದ ಜನಪ್ರಿಯ, ಕ್ರಿಯಾಶೀಲ ಹಾಗೂ ಸೃಜನಶೀಲ ನಿರ್ದೇಶಕರಲ್ಲಿ ಶಶಾಂಕ್ ಮೊದಲ ಸಾಲಿನಲ್ಲಿ ನಿಲ್ಲುತ್ತಾರೆ. ಹೊಸ ಪ್ರತಿಭೆಗಳನ್ನು ಪರಿಚಯಿಸೋ ನಿಸ್ಸೀಮ. ಇಂಡಸ್ಟ್ರಿಗೆ ಯಶ್, ರಾಧಿಕಾ ಪಂಡಿತ್, ಪ್ರಜ್ವಲ್ ದೇವರಾಜ್ ಅಂತಹ ಮೋಸ್ಟ್ ಟ್ಯಾಲೆಂಟೆಡ್ ಆ್ಯಕ್ಟರ್ಗಳನ್ನು ಪರಿಚಯಿಸಿದ ಹೆಗ್ಗಳಿಕೆ ಶಶಾಂಕ್ಗೆ ಸಲ್ಲುತ್ತದೆ. ಇನ್ನು ಶಶಾಂಕ್ ಬತ್ತಳಿಕೆಯ ಮೊಗ್ಗಿನ ಮನಸು, ಕೃಷ್ಣನ್ ಲವ್ ಸ್ಟೋರಿ, ಕೃಷ್ಣ ಲೀಲಾ ಸಿನಿಮಾಗಳು ಸಾರ್ವಕಾಲಿಕ ಹಿಟ್ ಸಿನಿಮಾಗಳಾಗಿವೆ. ಇದೀಗ ಮತ್ತದೇ ಹಿಸ್ಟರಿ ರಿಪೀಟ್ ಆಗಲಿದೆ. ಶಶಾಂಕ್ ನಿರ್ದೇಶನದ ಲವ್ 360 ಸಿನಿಮಾ ತೆರೆಗೆ ಬರೋಕೆ ತುದಿಗಾಲಲ್ಲಿ ನಿಂತಿದೆ.
ಸಿದ್ ಶ್ರೀರಾಮ್ ಕೋಗಿಲೆ ಕಂಠದಲ್ಲಿ ಮೋಡಿ ಮಾಡಿದ ಜಗವೇ ನೀನು ಗೆಳತಿಯೇ ಹಾಡು ಕೋಟಿ ವೀವ್ಸ್ ಕಂಡು ದಾಖಲೆ ಬರೆದಿದೆ. ಈ ಹಾಡು ಯಾವ ಸಿನಿಮಾದ್ದು ಅಂತಾ ಮತ್ತೊಮ್ಮೆ ಹೇಳಬೇಕಾಗಿಲ್ಲ. ರಿಲೀಸ್ಗೂ ಮುನ್ನವೇ ಒಂದೇ ಒಂದು ಹಾಡಿನ ಮೂಲಕ ನಿರೀಕ್ಷಿಸದ ಭರ್ಜರಿ ಪ್ರಚಾರ ಗಿಟ್ಟಿಸಿಕೊಂಡಿದೆ ಲವ್ 360 ಸಿನಿಮಾ. ಇದೀಗ ಈ ಸಿನಿಮಾದ ಟ್ರೈಲರ್ ರಿಲೀಸ್ ಆಗಿದ್ದು, ಯ್ಯೂಟ್ಯೂಬ್ ಟಾಪ್ ಟ್ರೆಂಡಿಂಗ್ನಲ್ಲಿದೆ. ಡಾ. ಶಿವಣ್ಣ ಟ್ರೈಲರ್ ರಿಲೀಸ್ ಮಾಡಿದ್ದು, ಶಶಾಂಕ್ ಪ್ಯಾರ್ ಕಹಾನಿಗೆ ಶಹಬ್ಬಾಸ್ ಹೇಳಿದ್ದಾರೆ. ಜತೆಗೆ ಸಿದ್ ಶ್ರೀರಾಮ್ ವಾಯ್ಸ್ಗೆ ಕ್ಲೀನ್ ಬೋಲ್ಡ್ ಆಗಿದ್ದಾರೆ.
ಆಗಸ್ಟ್ 19ಕ್ಕೆ ತೆರೆಗೆ ಬರಲಿರೋ ಲವ್ 360 ಚಿತ್ರಕ್ಕೆ ಡಾ.ಶಿವಣ್ಣನ ಕಡೆಯಿಂದ ಕಿಕ್ಸ್ಟಾರ್ಟ್ ಸಿಕ್ಕಿದೆ. ಹೆಂಗೆ ನಾವು ಖ್ಯಾತಿಯ ರಚನಾ ಇಂದರ್ ಹಾಗೂ ಪ್ರವೀಣ್ ಪ್ರೇಮಕಥೆ ನಿಮ್ಮನ್ನೆಲ್ಲಾ ಹೊಸ ಜಗತ್ತಿಗೆ ಕೊಂಡೋಯ್ಯಲಿವೆ. ಶಿವಣ್ಣ ಕೂಡ ಟ್ರೈಲರ್ ಮೆಚ್ಚಿಕೊಂಡಿದ್ದು, ಸಿದ್ ಶ್ರೀರಾಮ್ ವಾಯ್ಸ್ ಅಂದ್ರೆ ನಂಗೆ ಪಂಚಪ್ರಾಣ. ಖಂಡಿತ ನಾನು ಥಿಯೇಟರ್ನಲ್ಲೇ ಸಿನಿಮಾ ನೋಡ್ತಿನಿ ಎಂದಿದ್ದಾರೆ.
ಟ್ರೈಲರ್ನಲ್ಲಿ ಡ್ಯಾನ್ಸ್ ಕಲೀಬೇಕು ಅನ್ನೋ ಆಸೆ ನಾಯಕಿಯದು. ಇದ್ರ ನಡುವೆ ಬಿಟ್ಟಿರಲಾಗದ ಅಮರ ಪ್ರೇಮಕಥೆ, ನೋವು, ನಲಿವು, ತ್ಯಾಗ, ಮಸ್ತ್ ಆ್ಯಕ್ಷನ್ ಸೀನ್ಸ್ ಎಲ್ಲವೂ ಇದೆ. ಬೆಲ್ಲದಂತ ಹುಡುಗಿ ರಚನಾ. ಈ ಮೈಸೂರ್ ಪಾಕ್ನಲ್ಲಿ ಸೇರಿಕೊಂಡಿರೋ ಕಲ್ಲನ್ನು ನಾಯಕ ಕಂಡು ಹಿಡಿಯೋದೆ ಒನ್ ಲೈನ್ ಸ್ಟೋರಿ. ಅರ್ಜುನ್ ಜನ್ಯಾ ಮ್ಯೂಸಿಕ್ ಪಸ್ಟ್ ಕ್ಲಾಸ್ ಆಗಿದೆ. ಶಶಾಂಕ್, ಡಾ. ಮಂಜುಳಾ ಮೂರ್ತಿ ನಿರ್ಮಾಣದಲ್ಲಿ ಸಿನಿಮಾ ಮೂಡಿ ಬಂದಿದೆ. ಅಭಿಲಾಶ್ ಕಲಾಥಿ ಕ್ಯಾಮೆರಾ ಕಣ್ಣು ಚಿತ್ರಕ್ಕೆ ಪ್ಲಸ್ ಆಗಲಿದೆ. ಹೊಸ ಪ್ರೇಮಾಂಕುರಕ್ಕೆ ಪ್ರೇಕ್ಷಕರು ಯೆಸ್ ಅಂತಾರಾ ಕಾದು ನೋಡ್ಬೇಕು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
