ರಾ ರಾ ರಕ್ಕಮ್ಮ ಹಾಡಿನ ಮೂಲಕ ಎಲ್ಲರ ಮೈ ಕೈ ಕುಣಿಸಿದ್ದ ರೋಣನ ಅಬ್ಬರ ನೋಡೋಕೆ ಕೌಂಟ್ ಡೌನ್ ಶುರುವಾಗಿದೆ. ಗುಮ್ಮನ ಭಯಾನಕ ಅವತಾರ ಕಣ್ತುಂಬಿಕೊಳ್ಳೋಕೆ ಫ್ಯಾನ್ಸ್ ಫುಲ್ ಥ್ರಿಲ್ ಆಗಿದ್ದಾರೆ. ಇದೀಗ ರೋಣನ ಕಡೆಯಿಂದ ಅಭಿಮಾನಿಗಳಿಗೆ ಗುಡ್ ನ್ಯೂಸ್ ಸಿಕ್ಕಿದೆ. ಯೆಸ್.. ಕಿಚ್ಚ ಕೊಟ್ಟ ಆ ಸರ್ಪ್ರೈಸಿಂಗ್ ನ್ಯೂಸ್ ಯಾವುದು ಗೊತ್ತಾ..? ಈ ಸ್ಟೋರಿ ನೋಡಿ.
ವಿಕ್ರಾಂತ್ ರೋಣ ತಂಡದಿಂದ ಬಿಗ್ ಅನೌನ್ಸ್ಮೆಂಟ್
ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅಭಿನಯದ ಮೋಸ್ಟ್ ಎಕ್ಸ್ಪೆಕ್ಟೆಡ್ ಸಿನಿಮಾ ವಿಕ್ರಾಂತ್ ರೋಣ. ಸದ್ಯ ಕಿಚ್ಚ ಸುದೀಪ್ ಈ ಸಿನಿಮಾ ಹೊರತು ಯಾವುದೇ ಪ್ರಾಜೆಕ್ಟ್ಗಳಿಗೂ ಸಹಿ ಹಾಕಿಲ್ಲ. ಈ ಸಿನಿಮಾ ಮೇಲೆ ಕಿಚ್ಚನಿಗಿರುವ ಕಾನ್ಫಿಡೆಂಟ್ ಅಂತದ್ದು. ಹಾಗಾಗಿ ರೋಣ ಚಿತ್ರದ ಜಪ ಜೋರಾಗಿದೆ. ಸಿಲ್ವರ್ ಸ್ಕ್ರೀನ್ ಮೇಲೆ ಫ್ಯಾಂಟಸಿ ಜಗತ್ತನ್ನು ಆನಂದಿಸೋಕೆ ಅಭಿಮಾನಿಗಳು ಕಾತರದಿಂದ ಕಾಯ್ತಿದ್ದಾರೆ.
ಫ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ಭಾರತೀಯ ಚಿತ್ರರಂಗದಲ್ಲೇ ವಿಭಿನ್ನ ಪ್ರಯತ್ನದ ಮೂಲಕ ಛಾಪು ಮೂಡಿಸೋಕೆ ರೋಣ ಸಜ್ಜಾಗಿದ್ದಾನೆ. ಬಜೆಟ್ ವಿಚಾರದಲ್ಲಿ ಕಾಂಪ್ರಮೈಸ್ ಆಗದೆ ನಿರ್ಮಾಪಕ ಜಾಕ್ ಮಂಜು ಕೋಟಿ ಕೋಟಿ ಹಣವನ್ನು ಲೆಕ್ಕವಿಲ್ಲದಂತೆ ಸುರಿದು ಅದ್ಧೂರಿಯಾಗಿ ನಿರ್ಮಾಣ ಮಾಡಿದ್ದಾರೆ. ಚಿತ್ರದ ಪೋಸ್ಟರ್, ಟೀಸರ್ ಎಲ್ಲರನ್ನೂ ಅರೆಕ್ಷಣ ದಂಗಾಗುವಂತೆ ಮಾಡಿದೆ. ಇದೀಗ ಅಚ್ಚರಿಯ ವಿಚಾರ ಅಂದ್ರೆ, ಚಿತ್ರತಂಡ ಲೇಟ್ ಮಾಡದೇ ಟ್ರೈಲರ್ ರಿಲೀಸ್ ಡೇಟ್ ಅನೌನ್ಸ್ ಮಾಡಿ ಸರ್ಪ್ರೈಸ್ ಕೊಟ್ಟಿದೆ.
ಜೂನ್ 23ಕ್ಕೆ ಗೆಜ್ಜೆ ಕಟ್ಟಿ ಗಡಾಂಗ್ ರಕ್ಕಮ್ಮ ಎಂಟ್ರಿ
ಗುಮ್ಮನಿಂದ ಎಸ್ಕೇಪ್ ಆಗೋಕೆ ಫ್ಯಾನ್ಸ್ ರೆಡಿ..!
ರೋಣನ ಆರ್ಭಟದ ಝಲಕ್ ನೋಡೋಕೆ ಜೂನ್ 23 ರವರೆಗೂ ಅಭಿಮಾನಿಗಳು ಕಾಯಲೇಬೇಕು. ಗೆಜ್ಜೆ ಕಟ್ಟಿ ಕಿಚ್ಚ ಸುದೀಪ್ ಜೊತೆ ಹೆಜ್ಜೆ ಹಾಕಿದ್ದ ಗಡಾಂಗ್ ರಕ್ಕಮ್ಮನ ತಾಳಕ್ಕೆ ತೇಲಿದ್ದ ಅಭಿಮಾನಿಗಳು ಟ್ರೈಲರ್ ಹೇಗಿರಬಹುದು ಅನ್ನೋ ಕೂತೂಹಲದಲ್ಲಿದ್ದಾರೆ. ರಗಡ್ ರಕ್ಕಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಮಾಡಿದ ಸಪ್ಪಳಕ್ಕೆ ಇಡೀ ಇಂಡಿಯಾ ರೋಣನ ಕಡೆ ತಿರುಗಿ ನೋಡುವಂತೆ ಮಾಡಿದೆ. ಇದೀಗ ಟ್ರೈಲರ್ ಎಲ್ಲರ ಹೆಬ್ಬೇರಿಸುವಂತೆ ಮಾಡುತ್ತಾ ಅನ್ನೋದನ್ನ ಕಾದು ನೋಡಬೇಕಾಗಿದೆ.
ವಿಕ್ರಾಂತ್ ರೋಣ ಟ್ರೈಲರ್ ಜೂನ್ 23ಕ್ಕೆ ರಿಲೀಸ್ ಮಾಡಿ ಆ ದಿನವನ್ನು ಸ್ಮರಣೀಯ ದಿನವಾಗಿಸಲು ಚಿತ್ರತಂಡ ಪ್ಲ್ಯಾನ್ ಮಾಡಿದೆ. ಈ ಕುರಿತು ಕರುನಾಡಿನ ಹೆಬ್ಬುಲಿ ಕಿಚ್ಚ ಸುದೀಪ್ ಟ್ವೀಟ್ ಮಾಡಿ ಗುಡ್ ನ್ಯೂಸ್ ಕೊಟ್ಟಿದ್ದಾರೆ. ಒಟ್ಟು 6 ಭಾಷೆಗಳಲ್ಲಿ ವಿಶ್ವದಾಧ್ಯಂತ ಅಬ್ಬರಿಸೋಕೆ ರೋಣ ಬರ್ತಿದ್ದಾನೆ. ರೋಣನಿಗೆ ಬಾಲಿವುಡ್ ಭಾಯ್ಜಾನ್ ಸಲ್ಮಾನ್ ಖಾನ್ ಕೂಡ ಸಾಥ್ ನೀಡಿದ್ದು ಬಾಲಿವುಡ್ನಲ್ಲಿ ಸಿನಿಮಾ ರಿಲೀಸ್ ಮಾಡೋದಾಗಿ ಭರವಸೆ ಕೊಟ್ಟಿದ್ದಾರೆ. ಸಲ್ಲು ಸಾಥ್ನಿಂದ ರೋಣನಿಗೆ ಆನೆಬಲ ದೊರೆತಂತಾಗಿದೆ.
ಕಿಚ್ಚನ ಭರ್ಜರಿ ಆ್ಯಕ್ಟಿಂಗ್, ಅನೂಪ್ ಭಂಡಾರಿ ನಿರ್ದೆಶನದ ಕರಾಮತ್ತು, ಜಾಕ್ವೆಲಿನ್ ಜಾದು ಎಲ್ಲವೂ ಮಿಕ್ಸ್ ಆಗಿ ಕನ್ನಡದಲ್ಲಿ ಹೊಸ ಮೈಲಿಗಲ್ಲು ಸ್ಥಾಪಿಸೋಕೆ ಸಿನಿಮಾ ತುದಿಗಾಲಲ್ಲಿ ನಿಂತಿದೆ. ಜಾಕ್ ಮಂಜು ನಿರ್ಮಾಣದಲ್ಲಿ ಸಿನಿಮಾ ರಿಚ್ ಆಗಿ ಮೂಡಿ ಬಂದಿದೆ. ಅಜನೀಶ್ ಲೋಕನಾಥ್ ಸಂಗೀತದ ಅಲೆಯಲ್ಲಿ ಎಲ್ಲರೂ ಮುಳುಗಿರೋದು ಈ ಚಿತ್ರದ ಹಾಡುಗಳ ಮೂಲಕ ಸಾಭೀತಾಗಿದೆ. ವಿಲಿಯಮ್ ಡೇವಿಡ್ ಕ್ಯಾಮೆರಾ ಕಣ್ಣು ನಿಮ್ಮನ್ನು ಹೊಸ ಪ್ರಪಂಚಕ್ಕೆ ತೆಗೆದುಕೊಂಡು ಹೋಗಲಿದೆ. ಒಟ್ಟಾರೆ ಚಿತ್ರದ ಇನ್ನಷ್ಟು ಅಪ್ಡೇಟ್ಗೆ ಕಾಯ್ತಿರೋ ಫ್ಯಾನ್ಸ್ಗೆ ಭರ್ಜರಿ ಮನರಂಜನೆ ಕಾದಿದೆ.
ರಾಕೇಶ್ ಅರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
