ಲವ್ ಮಾಕ್ಟೇಲ್ ಚಿತ್ರದ ಮೂಲಕ ಸಕ್ಸಸ್ನ ಪೀಕ್ನಲ್ಲಿರೋ ಸ್ಯಾಂಡಲ್ವುಡ್ ಕ್ಯೂಟ್ ಕಪಲ್ ಡಾರ್ಲಿಂಗ್ ಕೃಷ್ಣ ಹಾಗೂ ಮಿಲನಾ ನಾಗರಾಜ್. ಪ್ರೇಮಿಗಳ ದಿನ ಮದ್ವೆಯಾಗಿ ಪ್ರಣಯ ಪಕ್ಷಿಗಳಂತೆ ಜಾಲಿಯಾಗಿರೋ ಮುದ್ದು ಪಾರಿವಾಳಗಳು, ಇತ್ತೀಚೆಗೆ ಮಾಲ್ಡೀವ್ಸ್ ಕಡಲ ಕಿನಾರೆಗೆ ಭೇಟಿ ಕೊಟ್ಟಿದ್ದರು. ಸದ್ಯ ಈ ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ.
ಮಾಲ್ಡೀವ್ಸ್ ಕಿನಾರೆಯಲ್ಲಿ ಬರ್ತ್ ಡೇ ಸೆಲೆಬ್ರೇಷನ್
ಇತ್ತೀಚೆಗೆ ಸೆಲೆಬ್ರಿಟಿಗಳಿಗೆ ಸ್ವಲ್ಪ ಬ್ರೇಕ್ ಸಿಕ್ಕರೆ ಸಾಕು ಮಾಲ್ಡೀವ್ಸ್ಗೆ ಹಾರಿ ಬಿಡ್ತಾರೆ. ಹನಿಮೂನ್, ಜಾಲಿರೈಡ್ ಅಂತಾ ಜೋಡಿಯಾಗಿ ಕಡಲಕಿನಾರೆಯಲ್ಲಿ ಮೋಜು ಮಸ್ತಿ ಮಾಡೋಕೆ ಮಾಲ್ಡೀವ್ಸ್ ಹಾಟ್ ಸ್ಪಾಟ್ ಆಗಿದೆ. ಸ್ಯಾಂಡಲ್ವುಡ್ನ ಕ್ಯೂಟ್ ಕಪಲ್ ಡಾರ್ಲಿಂಗ್ ಕೃಷ್ಣ ಹಾಗೂ ಮಿಲನಾ ಮಾಲ್ಡೀವ್ಸ್ ಕಡಲ ಕಿನಾರೆಯಲ್ಲಿ ಕಾಲ ಕಳೆದಿದ್ದಾರೆ. ಇದೀಗ ಈ ಜೋಡಿಯ ಫೋಟೋ ಹಾಗೂ ವೀಡಿಯೋಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ಸೌಂಡ್ ಮಾಡ್ತಿವೆ.
ಲವ್ ಮಾಕ್ಟೇಲ್ ಹಿಟ್ ಸಿನಿಮಾಗಳ ಮೂಲಕ ಯಶಸ್ಸಿನ ಉತ್ತುಂಗದಲ್ಲಿರೋ ಈ ಜೋಡಿ ಸ್ಯಾಂಡಲ್ವುಡ್ನಲ್ಲಿ ಸಾಲು ಸಾಲು ಸಿನಿಮಾಗಳ ಮೂಲಕ ಸಖತ್ ಬ್ಯುಸಿಯಾಗಿದ್ದಾರೆ. ಈ ಬ್ಯುಸಿಯ ನಡುವೆಯೂ ಮಾಲ್ಡೀವ್ಸ್ಗೆ ಹೋಗಿ ಬಂದಿದ್ದಾರೆ. ಮಾಲ್ಡೀವ್ಸ್ ಪ್ರವಾಸಕ್ಕೆ ಹೋಗಿ ಬರಲು ಕಾರಣ ಕೂಡ ಇದೆ. ಡಾರ್ಲಿಂಗ್ ಕೃಷ್ಣ ಬರ್ತ್ ಡೇ ಸೆಲೆಬ್ರೇಟ್ ಮಾಡೋ ಸಲುವಾಗಿ ಈ ಮುದ್ದಾದ ಜೋಡಿ ಮಾಲ್ಡೀವ್ಸ್ಗೆ ಹಾರಿದೆ.
ಡಾಲ್ಫಿನ್ ಜೊತೆಯಲ್ಲಿ ಮಿಲನಾ ಬಿಂದಾಸ್ ಸ್ವಿಮ್ಮಿಂಗ್
ಬೀಚ್ ದಡದಲ್ಲಿ ರಜೆಯ ಮಜಾ ಕಳೆದ ಪ್ರೇಮಿಗಳು
ಸ್ಯಾಂಡಲ್ವುಡ್ನ ಸ್ಟಾರ್ ಕಪಲ್ ಡಾರ್ಲಿಂಗ್ ಕೃಷ್ಣ ಹಾಗೂ ಮಿಲನಾ ನಾಗರಾಜ್ ಪ್ರೀತಿಸಿ ಮದ್ವೆಯಾಗಿದ್ರು. ಮಾಲ್ಡೀವ್ಸ್ನಲ್ಲಿ ಹನಿಮೂನ್ ಮುಗಿಸಿದ್ದ ಈ ಜೋಡಿ ಮತ್ತ್ತೊಮ್ಮೆ ಡಾರ್ಲಿಂಗ್ ಕೃಷ್ಣ ಅವ್ರ ಬರ್ತ್ ಡೇ ಸೆಲೆಬ್ರೇಟ್ ಮಾಡೋ ಸಲುವಾಗಿ ಮಾಲ್ಟೀವ್ಸ್ಗೆ ತೆರಳಿದ್ದರು. ಇದೀಗ ಈ ಜೋಡಿ ಅಲ್ಲ ಕಳೆದ ಸಮುದ್ರದ ತೀರದಲ್ಲಿನ ಸಂತೋಷದ ಕ್ಷಣಗಳನ್ನು ಹಂಚಿಕೊಂಡಿದೆ.
ಸ್ಯಾಂಡಲ್ವುಡ್ ಸ್ಟಾರ್ ನಟರೆಲ್ಲಾ ಕೃಷ್ಣ ಅವರ ಬರ್ತ್ ಡೇ ವಿಶ್ ಮಾಡಿದ್ರು. ಬರ್ತ್ ಡೇ ದಿನವೇ ದಿಲ್ ಪಸಂದ್ ಚಿತ್ರತಂಡ ಸಿನಿಮಾದ ಗ್ಲಿಂಪ್ಸ್ ರಿಲೀಸ್ ಮಾಡಿ ಸರ್ಪ್ರೈಸ್ ಕೊಡ್ತು. ಎರಡು ಮೂರು ದಿನಗಳ ಕಾಲ ಮಾಲ್ಡೀವ್ಸ್ನಲ್ಲೇ ಬೀಡು ಬಿಟ್ಟಿದ್ದ ಈ ಜೋಡಿ ಸಾಗರದಲ್ಲಿ ಇಳಿದು ಎಂಜಾಯ್ ಮಾಡಿದ್ದಾರೆ. ಟೆನ್ನೀಸ್ ಆಡಿ ಖುಷಿ ಪಟ್ಟಿದ್ದಾರೆ.
ಮಾಲ್ಟೀವ್ಸ್ನಲ್ಲಿನ ಪ್ರಕೃತಿ ಸೌಂದರ್ಯ, ಅದ್ಭುತ ಆತಿಥ್ಯದ ಸಲುವಾಗಿಯೆ ಎಲ್ಲರೂ ಅಲ್ಲಿ ಕಾಲ ಕಳೆಯೋಕೆ ಇಷ್ಠ ಪಡ್ತಾರೆ. ಮಿಲನಾ ನಾಗರಾಜ್ಗೆ ಮಾಲ್ಡೀವ್ಸ್ ಕೂಡ ಫೇವರಿಟ್ ಹಾಟ್ ಸ್ಪಾಟ್ ಆಗಿದೆ. ಇಲ್ಲಿ ಮಿಲನಾ ಕಡಲಿಗಳಿದು ಡಾಲ್ಫಿನ್ ಜೊತೆ ಬಿಂದಾಸ್ ಆಗಿ ಸ್ವಿಮ್ ಮಾಡ್ತಿದ್ದಾರೆ. ಸಾಗರದಲ್ಲಿ ಱಫ್ಟಿಂಗ್ ಕೂಡ ಮಾಡಿದ್ದು ಸಖತ್ ಥ್ರಿಲ್ಲಿಂಗ್ ಆಗಿದೆ. ಏನೇ ಆಗಲಿ ಮುದ್ದು ಮುದ್ದಾದ ಈ ಜೋಡಿಗೆ ಯಾರ ದೃಷ್ಠಿಯೂ ಬೀಳದಿರಲಿ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
