ನಿಮಗೆಲ್ಲಾ ಎಮರ್ಜೆನ್ಸಿ ಎಕ್ಸಿಟ್ ಮೂಲಕ ಹೊರಗೆ ಹೋಗೋದು ಗೊತ್ತು. ಆದ್ರೇ, ತುರ್ತು ನಿರ್ಗಮನದ ಮೂಲಕ ಡಿಫರೆಂಟ್ ಆಗಿ ಬಣ್ಣದ ಲೋಕದೊಳಗೆ ಎಂಟ್ರಿ ಕೊಟ್ಟಿದ್ದಾರೆ ಎಕ್ಸ್ಕ್ಯೂಸ್ಮಿ ಸುನೀಲ್. 12 ವರ್ಷಗಳ ನಂತ್ರ ಮತ್ತೆ ಸ್ಯಾಂಡಲ್ವುಡ್ನಲ್ಲಿ ಮಿಂಚೋಕೆ ರೆಡಿಯಾಗಿದ್ದಾರೆ. ಈಗಾಗ್ಲೇ ಹಲ್ಚಲ್ ಎಬ್ಬಿಸಿದೆ ತುರ್ತು ನಿರ್ಗಮನ ಚಿತ್ರದ ಟ್ರೈಲರ್.
- ಲೆಟೆಸ್ಟ್ ಆಗಿ ಎಂಟ್ರಿ ಕೊಟ್ರು ‘ಎಕ್ಸ್ ಕ್ಯೂಸ್ ಮೀ’ ಸುನಿಲ್
- ಹೊಸ ಅಲೆ..ಹೊಸ ಪ್ರಯತ್ನ.. ‘ತುರ್ತು ನಿರ್ಗಮನ’..!
- ‘ತುರ್ತು ನಿರ್ಗಮನ’ ಸೂಪರ್ ಟ್ರೈಲರ್ಗೆ ಬಹುಪರಾಕ್
- ಚಿತ್ರದ ರೋಲ್ ಬಗ್ಗೆ ಅಚ್ಚರಿ ಮಾಹಿತಿ ಬಿಚ್ಚಿಟ್ಟ ಸುನೀಲ್
ಚೈಲ್ಡ್ ಆರ್ಟಿಸ್ಟ್ ಆಗಿ ಮಿಂಚಿ, ಕನ್ನಡಿಗರ ಮನಸ್ಸು ಕದ್ದಿದ್ದ ಪ್ರತಿಭಾನ್ವಿತ ನಟ ಸುನೀಲ್. ಸಾರಿ, ಎಕ್ಸ್ಕ್ಯೂಸ್ ಮಿ ಸುನೀಲ್. ಅಭಿನಯ ಚತುರ ಅಂದ್ರೆ ತಪ್ಪಾಗಲಾರದು. ಯಾವ ಸೂಪರ್ ಸ್ಟಾರ್ ತೂಕಕ್ಕೂ ಕಮ್ಮಿಯಿಲ್ಲದಂತೆ ಆ್ಯಕ್ಟ್ ಮಾಡೋ ಮಲ್ಟಿ ಟ್ಯಾಲೆಂಟೆಡ್. ಆದ್ರೇ, ಸುನೀಲ್ಗೆ ಎಕ್ಸ್ಕ್ಯೂಸ್ಮಿ ತಂದು ಕೊಟ್ಟ ಯಶಸ್ಸು ಕಂಟಿನ್ಯೂ ಆಗಲಿಲ್ಲ. ಸುನೀಲ್ ನಟಿಸಿದ ಸಿನಿಮಾಗಳು ತಕ್ಕ ಮಟ್ಟಿಗೆ ಹೆಸರು ಮಾಡಲಿಲ್ಲ.
ಬಾ ಬಾರೋ ರಸಿಕ, ಚಪ್ಪಾಳೆ, ಬೆಳ್ಳಿ ಬೆಟ್ಟ ಚಿತ್ರಗಳು ನಿರೀಕ್ಷೆ ಮೂಡಿಸಿದ್ರೂ ಕೂಡ ಮನಸ್ಸು ತಟ್ಟಲಿಲ್ಲ. ಬಾಕ್ಸ್ ಆಫೀಸ್ ಲೂಟಿ ಮಾಡೋ ಗೋಜಿಗೂ ಹೋಗಲಿಲ್ಲ. ಪ್ರೇಮಿಸಂ ಚಿತ್ರದಲ್ಲಿ ಗೆಸ್ಟ್ ಅಪಿಯರೆನ್ಸ್ ರೋಲ್ನಲ್ಲಿ ಮಿಂಚಿದ್ದ ಸುನೀಲ್, ಸಿನಿಮಾ ಸಹವಾಸವೇ ಸಾಕಪ್ಪ ಅಂತಾ ದೂರ ಉಳಿದುಬಿಟ್ಟಿದ್ರು. ಲೂಸ್ ಕನೆಕ್ಷನ್ ವೆಬ್ ಸೀರೀಸ್ಗಳ ಮೂಲಕ ಅಲ್ಪ ಸ್ವಲ್ಪ ಆ್ಯಕ್ಟಿವ್ ಆಗಿದ್ರು. ಬಹುತೇಕ ಚಿತ್ರರಂಗದಿಂದ ಬಹುದೂರ ಉಳಿದುಬಿಟ್ರಾ ಅನ್ನೋ ಅನುಮಾನ ಶುರುವಾಗಿತ್ತು. ಇದೀಗ ತುರ್ತು ನಿರ್ಗಮನ ಸಿನಿಮಾ ಮೂಲಕ ಮತ್ತೆ ಕಂಬ್ಯಾಕ್ ಆಗಿದ್ದಾರೆ.
ತಡವಾದ್ರೂ ಜಡವಾಗಬಾರದು ಎಂಬ ಗಾದೆಯಿದೆ. ಯೆಸ್.. ಸುನೀಲ್ ಈ ಪಾಟಿ ಗ್ಯಾಪ್ ಯಾಕೆ ತೆಗೆದುಕೊಂಡ್ರೋ ಗೊತ್ತಿಲ್ಲ. ಆದ್ರೇ, ತುರ್ತು ನಿರ್ಗಮನ ಟ್ರೈಲರ್ ಮಾತ್ರ ಚಿಂದಿಯಾಗಿ ಮೂಡಿ ಬಂದಿದೆ. ರಿಲೀಸ್ ಅದ ಕೆಲವೇ ಕ್ಷಣಗಳಲ್ಲಿ ಲಕ್ಷಾಂತರ ವ್ಯೂ ಕಂಡಿದೆ. ಏನ್ ಗುರು ನೀವ್..!!!. ಪಕ್ಕಾ ಪ್ರಾಮಿಸಿಂಗ್ ಟ್ರೈಲರ್ ಇದು ಅಂತಿದಾರೆ ಫ್ಯಾನ್ಸ್. ಚಿತ್ರದಲ್ಲಿ ಸುನೀಲ್ಗೆ ನಾನೇನ್ ಆಗಬೇಕು ಅನ್ನೋ ಕ್ಲ್ಯಾರಿಟಿ ಇಲ್ಲ. ಸಾಲ ಮಾಡೋಕು ನಾಚಲ್ಲ. ಲೇಜಿ ಫೆಲೋ ಪಾತ್ರದಲ್ಲಿ ಸುನೀಲ್ ರಾವ್ ಸಖತ್ ಥ್ರಿಲ್ಲಿಂಗ್ ರೋಲ್ ಲೀಡ್ ಮಾಡಿದ್ದಾರೆ. ನನ್ ಜೀವನದ ಮರೆಯಲಾಗದ ಪಾತ್ರ ಅಂತಾರೆ ಸುನೀಲ್.
ರಾಜ್ ಬಿ ಶೆಟ್ಟಿ, ಸುಧಾರಾಣಿ, ಅಚ್ಯುತ್ ಕುಮಾರ್ ತಮ್ಮ ಪಾತ್ರಗಳ ಮೂಲಕ ಪ್ರೇಕ್ಷಕರಿಗೆ ಸಖತ್ ಎಗ್ಸೈಟಿಂಗ್ ಫೀಲ್ ಕೊಟ್ಟಿದ್ದಾರೆ. ಟ್ರೈಲರ್ನಲ್ಲಿ ಫನ್ನಿ ಸಂಭಾಷಣೆ ಹೊಸ ಕಿಕ್ ಕೊಟ್ಟಿದೆ. ಗೋಧಿ ಬಣ್ಣ ಸಾಧಾರಣ ಮೈಕಟ್ಟು ಸಿನಿಮಾದಲ್ಲಿ ಕೆಲಸ ಮಾಡಿದ್ದ ಹೇಮಂತ್ ಕುಮಾರ್ , ಒಳ್ಳೆ ಸಬ್ಜೆಕ್ಟ್ಗಾಗಿ ಕಾಯ್ತಾ ಇದ್ರು. ದುಡ್ಡು ಕೊಟ್ಟು ಬರೋ ಪ್ರೇಕ್ಷಕರಿಗೆ ಮೋಸ ಆಗಬಾರದು ಅನ್ನೋ ಕಾರಣಕ್ಕೆ ತಡವಾಗಿ ಬರ್ತಿದ್ದಾರೆ. ಒಂದೊಳ್ಳೆ ಪ್ರಯೋಗಾತ್ಮಕ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಿರೋ ಹೇಮಂತ್ಕುಮಾರ್ ಸಿಕ್ಕಾಪಟ್ಟೆ ಕಾನ್ಫಿಡೆಂಟ್ ಆಗಿದ್ದಾರೆ.
ನಟಿ ಸುಧಾರಾಣಿಗೆ ಈ ಸಿನಿಮಾ ಅದ್ಭುತ ಫೀಲ್ ಕೊಟ್ಟಿದೆಯಂತೆ. ಕ್ರಿಕೆಟ್ ಕೋಚ್ ಪಾತ್ರದಲ್ಲಿ ಸಂಯುಕ್ತಾ ಹೆಗಡೆ ಕಾಣಿಸಿಕೊಳ್ತಿದ್ದಾರೆ. ಪಕ್ಕಾ ವಿಷ್ಯುಯೆಲ್ ಟ್ರೀಟ್ ಸಿನಿಮಾ ಇದಾಗಲಿದೆಯಂತೆ. ಕ್ಯಾಬ್ ಡ್ರೈವರ್ ಪಾತ್ರದಲ್ಲಿ ರಾಜ್.ಬಿ ಶೆಟ್ಟಿ ನಿಮ್ಮನ್ನು ನಕ್ಕು ನಕ್ಕು ಸುಸ್ತು ಮಾಡಲಿದ್ದಾರೆ. ಭರತ್ ಕುಮಾರ್, ಹೇಮಂತ್ ಕುಮಾರ್ ಸೇರಿ ಸಿನಿಮಾ ನಿರ್ಮಾಣ ಮಾಡ್ತಿದ್ದು, ಪ್ರಯಾಗ್ ಮುಕುಂದನ್ ಕ್ಯಾಮೆರಾ ಕೈಚಳಕ ಚಿತ್ರಕ್ಕಿದೆ. ಫ್ಯಾಂಟಸಿ ಕಾಮಿಡಿ ಡ್ರಾಮ ಇದಾಗಿದ್ದು ಸದ್ಯದ್ರಲ್ಲೇ ಮಸ್ತ್ ಮನರಂಜನೆ ನೀಡೋಕೆ ಬರ್ತಿದೆ ತುರ್ತು ನಿರ್ಗಮನ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ