ಗ್ಲಾಮರ್ ಲೋಕದ ಬಣ್ಣದ ಚಿಟ್ಟೆ ರಶ್ಮಿಕಾ ಹಾಗೂ ಹ್ಯಾಂಡ್ಸಮ್ ಹಂಕ್ ವಿಜಯ್ ದೇವರಕೊಂಡ ನಡುವಿನ ಪ್ರೀತಿ, ಪ್ರೇಮ, ಪ್ರಣಯ ಮತ್ತೆ ಸುದ್ದಿಯಲ್ಲಿದೆ. ಸದ್ಯ ಹಾಟ್ ಟಾಪಿಕ್ ಅಂದ್ರೆ, ಇವರಿಬ್ರ ಬಾಲಿವುಡ್ ಡೇಟ್. ಇವ್ರು ಕದ್ದು ಮುಚ್ಚಿ ಮುದ್ದಾಡ್ತಿದ್ದಾರಾ..? ಅಥ್ವಾ ಮದ್ವೆ ಗುಡ್ ನ್ಯೂಸ್ ನೀಡಿ ಶಾಕ್ ಕೊಡ್ತಾರಾ ಅಂತ ಕನ್ಫ್ಯೂಶನ್ ಆಗಿದೆ. ಯೆಸ್.. ಈ ಲವ್ ಬರ್ಡ್ಸ್ ಮತ್ತೆ ಕಾಣಿಸಿಕೊಂಡಿದ್ದು ಎಲ್ಲಿ ಹೇಗೆ ಅಂತೀರಾ..? ಈ ಸ್ಟೋರಿ ನೋಡಿ.
- ಬರ್ತ್ ಡೇ ಪಾರ್ಟಿ.. ಬ್ಲ್ಯಾಕ್ & ಬ್ಲ್ಯಾಕ್ನಲ್ಲಿ ಮೋಡಿ..!
ಸೂಪರ್ ಹಿಟ್ ಸಿನಿಮಾ ಕಿರಿಕ್ ಪಾರ್ಟಿಯಲ್ಲಿ ಮಿಂಚಿದ್ದ ರಶ್ಮಿಕಾ, ಡೈರೆಕ್ಟ್ ಆಗಿ ಜಿಗಿದಿದ್ದು ಟಾಲಿವುಡ್ಗೆ. ಗೀತ ಗೋವಿಂದಂ ಚಿತ್ರದ ಮೂಲಕ ಈಕೆಯ ನಸೀಬು ಯಾರೂ ಊಹಿಸದ ಲೆವೆಲ್ಗೆ ಚೇಂಜ್ ಆಯ್ತು. ರಶ್ಮಿಕಾ ಬರ್ತಾರೆ ಅಂದ್ರೆ ಟಾಲಿವುಡ್, ಬಾಲಿವುಡ್ನಲ್ಲಿ ಆಲ್ವೇಸ್ ರೆಡ್ ಕಾರ್ಪೆಟ್ ಹಾಕಿ ವೆಲ್ಕಮ್ ಮಾಡ್ತಾರೆ. ವಿಷ್ಯ ಏನಪ್ಪಾ ಅಂದ್ರೆ, ಫುಲ್ ಡಿಮ್ಯಾಂಡ್ ಇರೋ ಈ ಸುಂದ್ರಿ, ಟಾಲಿವುಡ್ ಸೂಪರ್ ಹೀರೋ ವಿಜಯ್ ದೇವರಕೊಂಡ ಮೋಹದ ಬಲೆಯಲ್ಲಿ ಬಿದ್ದಿದ್ದಾರೆ.
ಅರ್ಜುನ್ ರೆಡ್ಡಿ ಚಿತ್ರ ಬಿಗ್ ಬ್ರೇಕ್ ಕೊಟ್ಟ ನಂತ್ರ, ವಿಜಯ್ ದೇವರಕೊಂಡ ಸಕ್ಸಸ್ನ ಪೀಕ್ನಲ್ಲಿರೋದ್ರ ಜೊತೆ ಸೆನ್ಸೇಷನಲ್ ಌಕ್ಟರ್ ಆದ್ರು. ಗೀತ ಗೋವಿಂದಂ, ಡಿಯರ್ ಕಾಮ್ರೆಡ್ ಚಿತ್ರಗಳಲ್ಲಿ ಜೋಡಿಯಾಗಿದ್ದ ರಶ್ಮಿಕಾ, ವಿಜಯ್ ಕೆಮಿಸ್ಟ್ರಿ ಸಖತ್ ಆಗಿಯೇ ವರ್ಕೌಟ್ ಅಗಿತ್ತು. ಇವರಿಬ್ರ ನಡುವಿನ ಸಲುಗೆ, ಸ್ನೇಹ, ಪ್ರೀತಿ ಮೀಡಿಯಾ ಸಂದರ್ಶನಗಳಲ್ಲಿ ಎದ್ದು ಕಾಣುತ್ತಿತ್ತು. ಈ ಜೋಡಿಯ ಖಾಸಗಿ ಫೋಟೋಗಳು, ಮುತ್ತಿನ ವಿಡಿಯೋ ಸಖತ್ ವೈರಲ್ಲಾಗಿ, ಉರಿಯೋ ಬೆಂಕಿಗೆ ತುಪ್ಪ ಸುರಿದಿದ್ವು. ಇದನ್ನೆಲ್ಲಾ ನೋಡಿದ್ದ ಸಿನಿಪ್ರಿಯರು, ಅದಕ್ಕೆ ಪ್ರೀತಿಯ ಮುದ್ರೆಯನ್ನ ಒತ್ತಿದ್ರು.
ನ್ಯೂ ಇಯರ್ ಪಾರ್ಟಿಯಲ್ಲಿ ಗೋವಾಗೆ ಹೋಗಿದ್ದು, ವಿಜಯ್ ಮನೆಯಲ್ಲಿ ರಶ್ಮಿಕಾ ಕಾಣಿಸಿಕೊಂಡಿದ್ದು, ಇದೆಲ್ಲಾ ಹಳೇ ಕಥೆ ಬಿಡಿ. ಕೇಳಿದ್ದೆ ಕೇಳೋಕೆ ನಿಮಗೂ ಬೇಜಾರಾಗುತ್ತೆ ಅಂತಾ ನಮಗೂ ಗೊತ್ತು. ಆದ್ರೆ, ಈ ಜೋಡಿ ಕರಣ್ ಬರ್ತ್ ಪಾರ್ಟಿಯಲ್ಲಿ ಕಾಣಿಸಿಕೊಂಡು ಅಚ್ಚರಿ ಮೂಡಿಸಿದೆ. ಇಬ್ರೂ ಬ್ಲಾಕ್ ಅಂಡ್ ಬ್ಲಾಕ್ ಡ್ರೆಸ್ನಲ್ಲಿ ಮಿಂಚಿದ್ದಾರೆ. ಅರೇ..! ಏನ್ ಮ್ಯಾಚಿಂಗ್ ಮ್ಯಾಚಿಂಗ್. ಏನಿದ್ರ ಹಿಂದಿನ ಮ್ಯಾಟ್ರು ಅಂತ ಎಲ್ರೂ ಗುಸು ಗುಸು ಮಾತನಾಡಿಕೊಳ್ತಿದ್ದಾರೆ.
ಬಾಲಿವುಡ್ನ ಶ್ರೀಮಂತ ನಿರ್ಮಾಪಕ ಕರಣ್ ಜೋಹರ್ ಬರ್ತ್ ಡೇ ಪಾರ್ಟಿ ಪ್ರತಿ ವರ್ಷವೂ ಅದ್ಧೂರಿಯಾಗಿ ನಡೆಯುತ್ತೆ. 50ನೇ ವಸಂತಕ್ಕೆ ಕಾಲಿಟ್ಟ ಕರಣ್, ಆತ್ಮಿಯರಿಗೆ ಮಾತ್ರ ಆಹ್ವಾನ ನೀಡಿದ್ರು. ಈ ಪಾರ್ಟಿಯಲ್ಲಿ ವಿಜಯ್ ದೇವರಕೊಂಡ, ರಶ್ಮಿಕಾ ಕಾಣಿಸಿಕೊಂಡು ಶಾಕ್ ಕೊಟ್ರು. ಕೈ ಕೈ ಹಿಡಿದು ಫೋಟೋಗೆ ಪೋಸ್ ಕೊಡದಿದ್ರೂ, ಸೌತ್ ಇಂಡಸ್ಟ್ರಿಯಿಂದ ಹೋಗಿದ್ದ ಈ ಜೋಡಿ ಎಲ್ಲರ ಕಣ್ಣು ಕುಕ್ಕಿತು. ಬಾಲಿವುಡ್ ಸ್ಟಾರ್ ಕಲಾವಿದರ ಜೊತೆಗೂಡಿ ಮಸ್ತ್ ಪಾರ್ಟಿ ಮಾಡಿದ್ರು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
