ಕಂಟೆಂಟ್ ಸಿನಿಮಾಗಳ ಸರದಾರ, ಮ್ಯಾನ್ ಆಫ್ ಮಲ್ಟಿ ಟ್ಯಾಲೆಂಟ್ ರಕ್ಷಿತ್ ಶೆಟ್ಟಿಯ ಮೋಸ್ಟ್ ಎಕ್ಸ್ಪೆಕ್ಟೆಡ್ ಮೂವಿ 777 ಚಾರ್ಲಿ ಚಿತ್ರದ ಟ್ರೈಲರ್ ರಿಲೀಸ್ ಆಗಿದೆ. ರಿಲೀಸ್ ಆದ ಕೆಲವೇ ಕ್ಷಣಗಳಲ್ಲಿ ಯ್ಯೂಟ್ಯೂಬ್ ಟ್ರೆಂಡಿಂಗ್ ನಲ್ಲಿರೋ ಚಾರ್ಲಿಗೆ ಪ್ಯಾನ್ ಇಂಡಿಯಾ ಬಹುಪರಾಕ್ ಅಂತಿದೆ. ಇಷ್ಟಕ್ಕೂ ಟ್ರೈಲರ್ನಲ್ಲಿ ಅಂಥದ್ದೇನಿದೆ..? ನಾವ್ ಹೇಳ್ತೀವಿ ಈ ಸ್ಟೋರಿನಾ ಮಿಸ್ ಮಾಡದೇ ನೀವೇ ಓದಿ.
- ಚಾರ್ಲಿ ಜೊತೆ ಶೆಟ್ರ ವಂಡರ್ಫುಲ್ ಜರ್ನಿ
- ಜಬರ್ದಸ್ತ್ ಟ್ರೈಲರ್ಗೆ ಪ್ಯಾನ್ ಇಂಡಿಯಾ ಫಿದಾ
- ಭಜರಂಗಿ ಭಾಯಿಜಾನ್ ಮೀರಿಸೋ ಎಮೋಷನ್
ಚಾರ್ಲಿ ಚಿತ್ರದ ಟ್ರೈಲರ್ ಯಾವಾಗ ಬರುತ್ತಪ್ಪಾ ಅಂತ ಬಹಳ ಕಾತರದಿಂದ ಕಾಯ್ತಿದ್ದ ಕೋಟ್ಯಂತರ ಅಭಿಮಾನಿಗಳ ನಿರೀಕ್ಷೆಗೆ ಇಂದು ಉತ್ತರ ಸಿಕ್ಕಿದೆ. ಐ ಕಾಂಟ್ ವೈಟ್ ರಕ್ಷಿತ್ ಅಂತ ಸೋಶಿಯಲ್ ಮೀಡಿಯಾದಲ್ಲಿ ಸಿಂಪಲ್ ಸ್ಟಾರ್ಗೆ ಮಾಡ್ತಿದ್ದ ರಿಕ್ವೆಸ್ಟ್ಗಳಿಗೆ, 777 ಚಾರ್ಲಿ ಗುಡ್ ನ್ಯೂಸ್ ಕೊಟ್ಟಿದೆ. ಟ್ರೈಲರ್ ನೋಡಿ ಥ್ರಿಲ್ ಆಗಿರೋ ಶೆಟ್ರ ಫ್ಯಾನ್ಸ್, ಆಲ್ ರೆಕಾರ್ಡ್ಸ್ ಬ್ರೇಕ್ ಆಂತ ಕಮೆಂಟ್ ಮಾಡ್ತಿದ್ದಾರೆ. ಕೆಜಿಎಫ್ ನಂತ್ರ ಕನ್ನಡದ ಸಿನಿಮಾವೊಂದು ದೊಡ್ಡ ಮಟ್ಟದಲ್ಲಿ ಘರ್ಜಿಸೋಕೆ ರೆಡಿಯಾಗಿ ನಿಂತಿದೆ.
ಚಾರ್ಲಿ- ಧರ್ಮನ ಕಾಂಬಿನೇಷನ್ ಟ್ರೈಲರ್ನಲ್ಲಿ ಸಿಕ್ಕಾಪಟ್ಟೆ ಕಿಕ್ ಕೊಡ್ತಿದೆ. ಸೋಶಿಯಲ್ ಮೀಡಿಯಾ ಟ್ರೆಂಡಿಂಗ್ನಲ್ಲಿ ಕಮಾಲ್ ಮಾಡ್ತಿರೋ 777 ಚಾರ್ಲಿ ಟ್ರೈಲರ್, ಬಹು ನಿರೀಕ್ಷಿತ ಸಿನಿಮಾಗಳ ಸಾಲಿಗೆ ಸೇರೋ ಹಿಂಟ್ ನೀಡಿದೆ. ಕನ್ನಡಿಗರ ಎದೆಯಲ್ಲಿ ಕ್ಯೂರಿಯಾಸಿಟಿಯ ಮಹಾಕೋಟೆಯನ್ನೇ ಕಟ್ಟಿದ್ದ ರಕ್ಷಿತ್, ಈ ಸಿನಿಮಾದಿಂದ ಹಿಸ್ಟರಿ ಕ್ರಿಯೇಟ್ ಮಾಡೋಕೆ ಸಜ್ಜಾಗಿದ್ದಾರೆ. ಒನ್ಸ್ ಅಗೈನ್ ರಕ್ಷಿತ್ ಕಮ್ ಬ್ಯಾಕ್ ಅಂತಿದೆ ಗಾಂಧಿನಗರ.
ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ಸಿನಿಮಾಗಳಂದ್ರೆ ಅಲ್ಲೊಂದು ಹೊಸತನ ಇದ್ದೇ ಇರಲಿದೆ. ಥಿಯೇಟರ್ನಿಂದ ಹೊರಬಂದ ಮೇಲೂ ಅದ್ರ ಗುಂಗು ಹಾಗೆಯೇ ಉಳಿಯೋದು ಪಕ್ಕಾ . ಇನ್ನು 777 ಚಾರ್ಲಿ ಸಿನಿಮಾ ಕ್ರಿಯೇಟ್ ಮಾಡಿರೋ ಎಗ್ಸೈಟ್ಮೆಂಟ್ನ ಪದಗಳಲ್ಲಿ ಬಣ್ಣಿಸಲು ಸಾಧ್ಯವಿಲ್ಲ ಬಿಡಿ. ಅಂತೂ ಈ ಟ್ರೈಲರ್ ನೋಡಿದ್ಮೇಲೆ ಚಿತ್ರವನ್ನು ಸಿಲ್ವರ್ ಸ್ಕ್ರೀನ್ ಮೇಲೆ ಎಂಜಾಯ್ ಮಾಡೋಕೆ ತುದಿಗಾಲಲ್ಲಿ ಅಭಿಮಾನಿಗಳು ಕಾಯ್ತಿದ್ದಾರೆ.
ಇದ್ರ ಜೊತೆಯಲ್ಲಿ ಕನ್ನಡಿಗರ ದಿಲ್ ದೋಚೋಕೆ ಸಾಯಿ ಪಲ್ಲವಿ ಚಾರ್ಲಿ ಜೊತೆ ನಿಂತಿದ್ದಾರೆ. ಹೌದು, ರಕ್ಷಿತ್ ಸಿನಿಮಾಗೆ ಡ್ಯಾನ್ಸ್ ಕ್ವೀನ್ ಸಾಥ್ ನೀಡಿದ್ದಾರೆ. ತೆಲುಗು ಅವತರಣಿಕೆಯ ಟ್ರೈಲರ್ನ ಸಾಯಿಪಲ್ಲವಿ ರಿಲೀಸ್ ಮಾಡಿ ಚಿತ್ರಕ್ಕೆ ಮತ್ತಷ್ಟು ಮೈಲೇಜ್ ಕೊಟ್ಟಿದ್ದಾರೆ. ಅಂದಹಾಗೆ ಇದು ಧರ್ಮ ಹಾಗೂ ಆತನು ದತ್ತು ಪಡೆಯೋ ಚಾರ್ಲಿಯ ಭಾವನಾತ್ಮಕ ಜರ್ನಿ.
ಸಲ್ಮಾನ್ ಖಾನ್ರ ಭಜರಂಗಿ ಭಾಯಿಜಾನ್ನ ಮೀರಿಸೋ ಎಮೋಷನ್ ಈ ಚಿತ್ರದ ಟ್ರೈಲರ್ನಲ್ಲಿ ಕಾಣಸಿಗುತ್ತಿದೆ. ಕಾಮಿಡಿ ಟ್ರ್ಯಾಕ್ ಇದ್ರೂ, ಶ್ವಾನಪ್ರಿಯರಿಗೆ ಅಥ್ವಾ ಶ್ವಾನಗಳನ್ನ ಇಷ್ಟ ಪಡದಂತಹವ್ರಿಗೆ ಈ ಸಿನಿಮಾ ಒಂದು ಬಲವಾದ ಸಂದೇಶ ನೀಡಲಿದೆ. ಅಷ್ಟರ ಮಟ್ಟಿಗೆ ಧರ್ಮ- ಚಾರ್ಲಿಯ ಸಂಬಂಧ ಪ್ರತಿ ಫ್ರೇಮ್ನಲ್ಲೂ ಕಟ್ಟಿಕೊಟ್ಟಿದ್ದಾರೆ ನಿರ್ದೇಶಕ ಕಿರಣ್ ರಾಜ್. ಮಿಲಿಟರಿ, ಗಡಿ, ಮಂಜಿನ ಮಳೆ, ಕಾಶ್ಮೀರದ ಸುಂದರ ತಾಣಗಳು ಹೀಗೆ ಎಲ್ಲವೂ ಕೌತುಕತೆಯನ್ನ ಮತ್ತಷ್ಟು ಹೆಚ್ಚಿಸಿವೆ.
ಶೆಟ್ರ ಬಳಗದಲ್ಲಿ ರಾಜ್ ಬಿ ಶೆಟ್ಟಿ ಸೇರಿದಂತೆ ಡ್ಯಾನಿಶ್ ಶೇಠ್, ನಾಯಕಿಯಾಗಿ ಸಂಗೀತ ಶೃಂಗೇರಿ ಹಾಗೂ ಬಹುಭಾಷಾ ನಟ ಬಾಬಿಸಿಂಹ ಪ್ರಮುಖ ಪಾತ್ರಗಳಲ್ಲಿ ಬಣ್ಣ ಹಚ್ಚಿದ್ದಾರೆ. ಪರಮ್ವ್ಹಾ ಬ್ಯಾನರ್ನಡಿಯಲ್ಲಿ ಮೂಡಿ ಬರ್ತಿರೋ ಈ ಚಿತ್ರಕ್ಕೆ ಎಸ್. ಎಸ್ ಗುಪ್ತಾ ಹಾಗೂ ರಕ್ಚಿತ್ ಶೆಟ್ಟಿ ಅವ್ರೇ ಬಂಡವಾಳ ಹೂಡಿದ್ದಾರೆ. ಕನ್ನಡದ ಜೊತೆ ಪಂಚಭಾಷೆಯಲ್ಲಿ ಇದೇ ಜೂನ್ 10ಕ್ಕೆ ಪ್ರೇಕ್ಷಕರ ಮುಂದೆ ಬರ್ತಿದೆ ಚಿತ್ರ. ಪ್ರಾಣಿಗಳ್ನ ಪ್ರೀತಿಸುವವರು ಸಿನಿಮಾ ನೋಡಲು ಕೈಯಲ್ಲಿ ಟಿಶ್ಯೂ ಹಿಡ್ಕೊಂಡು ಹೋಗ್ಬೇಕು ಅಂತಾ ಟ್ವೀಟ್ ಮಾಡಿರೋ ಸಾಯಿಪಲ್ಲವಿ ಮಾತು ಸತ್ಯ ಅನಿಸ್ತಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
