ವಾಷಿಂಗ್ಟನ್: ಒಂದೆಡೆ ಜಗತ್ತಿನಾದ್ಯಂತ ಕೊರೋನಾ ಸೋಂಕಿತರ ಸಂಖ್ಯೆ ಏರಿಕೆಯಾಗುತ್ತಿದ್ದರೆ , ಇನ್ನೊಂದೆಡೆ ಅದರಿಂದ ಪಾರಾಗಲು ಇಡೀ ವಿಶ್ವವೇ ಹೋರಾಡುತ್ತಿದೆ. ಸರ್ಕಾರಿ ಕಂಪೆನಿಗಳಿಂದ ಹಿಡಿದು ಹಲವು ಖಾಸಗಿ ಕಂಪೆನಿಗಳೂ ಔಷಧಿ ಉತ್ಪಾದನೆಯಲ್ಲಿ ತೊಡಗಿವೆ. ಇದೀಗ ಅಮೆರಿಕಾದಲ್ಲಿ ಕೊರೋನಾಗೆ ಲಸಿಕೆ ಸಿದ್ಧಪಡಿಸಲಾಗಿದೆ ಎಂದು ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ತಿಳಿಸಿದ್ದಾರೆ.
ಈ ಬಗ್ಗೆ ಮಾತನಾಡಿದ ಅವರು, ‘ಕೊರೋನಾಗೆ ಲಸಿಕೆ ಕಂಡುಹಿಡಿದಿದ್ದು, ಸದ್ಯದಲ್ಲೇ ಅದನ್ನು ಬಹಿರಂಗಪಡಿಸುತ್ತೇವೆ. ಈ ಲಸಿಕೆಯನ್ನು ಸಿದ್ಧಪಡಿಸಲು 5 ಕಂಪೆನಿಗಳಿಗೆ ಅವಕಾಶ ನೀಡಲಾಗಿದ್ದು, ಈ ಮೂಲಕ 20 ಲಕ್ಷ ವಾಕ್ಸಿನ್ಗಳನ್ನು ನೀಡಲು ನಾವು ಸಿದ್ಧರಾಗಿದ್ದೇವೆ. ಆದರೆ ಲಸಿಕೆಯ ಪರಿಶೀಲನೆಯಷ್ಟೇ ಬಾಕಿಯಿದೆ. ಅಲ್ಲದೆ ಎಲ್ಲರೂ ಅಚ್ಚರಿಪಡುವ ರೀತಿಯಲ್ಲೆ ಲಸಿಕೆಯನ್ನು ಉತ್ಪಾದಿಸುತ್ತೇವೆ ಎಂದಿದ್ದಾರೆ.
