ಬೆಂಗಳೂರು : ಕಾಂಗ್ರೆಸ್ ಅತೃಪ್ತರು ತಣ್ಣಗಾಗುವಷ್ಟರಲ್ಲೇ ದೇವೇಗೌಡರು ‘ಮೈತ್ರಿ’ ಬಗ್ಗೆ ಬಾಂಬ್ ಸಿಡಿಸಿದ್ದಾರೆ. ಮಾಜಿ ಪ್ರಧಾನಿಗಳ ಮಾತಿಗೆ ದೋಸ್ತಿ ಮುಖಂಡರು ಶೇಕ್ ಆಗಿದ್ದಾರೆ..!
ಬೆಂಗಳೂರಲ್ಲಿ ಮಾತನಾಡಿರೋ ಹೆಚ್ಡಿಡಿ, ” ರಾಜ್ಯದಲ್ಲಿ ದೋಸ್ತಿ ಸರ್ಕಾರ ಎಷ್ಟು ದಿನಗಳ ಕಾಲ ಇರುತ್ತೋ ಗೊತ್ತಿಲ್ಲ. ಮಧ್ಯಂತರ ಚುನಾವಣೆ ಬಗ್ಗೆ ಯಾವುದೇ ಸಂಶಯವೇ ಬೇಡ. ಎಲ್ಲವೂ ಕಾಂಗ್ರೆಸ್ ಮುಖಂಡರ ಕೈಯಲ್ಲೇ ಇದೆ” ಅಂದಿದ್ದಾರೆ.
ಲೋಕ ಸಮರದ ನಂತ್ರ ಕಾಂಗ್ರೆಸ್ ಹೈಕಮಾಂಡ್ ಕೊಂಚ ಶಕ್ತಿ ಕಳೆದುಕೊಂಡಿದೆ. ಜೆಡಿಎಸ್ ಜೊತೆ ಹೊರಟ್ರೆ ಕಾಂಗ್ರೆಸ್ ಪಕ್ಷ ಕುಂದುತ್ತೆ ಅನ್ನೋ ಸಂಕಟ ಇದೆ. ಹಾಗಾಗಿಯೇ ಜೆಡಿಎಸ್ ಪಾಲಿನ ಒಂದು ಮಂತ್ರಿ ಸ್ಥಾನವನ್ನೂ ತೆಗೆದುಕೊಂಡಿದ್ದಾರೆ . ಎಲ್ಲಾ ಸಹಿಸ್ಕೊಂಡು ಹೋಗ್ತಿದ್ದೇನೆ. ಲೋಕ ಸಮರದ ಸೋಲಿಗೆ ನಾವು ಕಾರಣವಾದ್ರೆ ಬಹಿರಂಗವಾಗಿ ಹೇಳಲಿ ಅಂತ ಕಾಂಗ್ರೆಸ್ ವಿರುದ್ಧ ಕಿಡಿಕಾರಿದ್ದಾರೆ.
ತುಮಕೂರು ಸೋಲಿನ ಬಗ್ಗೆಯೂ ಕಾಂಗ್ರೆಸ್ಗೆ ತಿರುಗೇಟು ನೀಡಿದ ದೇವೇಗೌಡ್ರು, ”ಕಾಂಗ್ರೆಸ್ ಹಾಲಿ ಸಂಸದರ ಕ್ಷೇತ್ರವನ್ನು ಬೇಡ ಎಂದು ನಾನು ಹೇಳಿದ್ದೆ. ಮೈಸೂರು ಉಳಿಸಿಕೊಳ್ಳಲು ತುಮಕೂರು ಕ್ಷೇತ್ರವನ್ನು ನಮಗೆ ಬಿಟ್ಟುಕೊಟ್ರು. ಮೈತ್ರಿ ಸರ್ಕಾರ ಮಾಡ್ಲೇಬೇಕು ಅಂತ ನನಗೇನೂ ಇರಲಿಲ್ಲ. ಯಡಿಯೂರಪ್ಪ ಸಿಎಂ ಆಗಬಾರ್ದು ಅಂತಾ ಕಾಂಗ್ರೆಸ್ನವರು ಓಡೋಡಿ ಬಂದ್ರು. ಎಲ್ಲ ಸಾಧಕ ಬಾಧಕ ಚರ್ಚೆ ಮಾಡದೇ ಕಾಂಗ್ರೆಸ್ ಮುಖಂಡರು ಸರ್ಕಾರ ರಚಿಸಿದ್ರು” ಅಂತ ಕಾಂಗ್ರೆಸ್ ಹಾಗೂ ಸಿದ್ದರಾಮಯ್ಯ ಅವರ ವಿರುದ್ಧ ಗುಡುಗಿದ್ದಾರೆ.
ಕುಮಾರಸ್ವಾಮಿ ಅವರನ್ನೇ ಸಿಎಂ ಮಾಡಿ ಎಂದು ಕಾಂಗ್ರೆಸ್ನವರು ಒತ್ತಾಯಿಸಿದ್ರು. ಕಾಂಗ್ರೆಸ್ ಪಕ್ಷಕ್ಕೆ ಸರ್ಕಾರ ಮುನ್ನಡೆಸುವ ಮನಸ್ಸು ಇದೆಯೋ ಇಲ್ವೋ ಗೊತ್ತಿಲ್ಲ ಅಂತ ಅಸಮಧಾನ ಹೊರ ಹಾಕಿದ್ರು.
‘ಮೈತ್ರಿ’ ಬಗ್ಗೆ ದೇವೇಗೌಡ್ರೇ ಸಿಡಿಸಿದ್ರು ಬಾಂಬ್..! ಹೆಚ್ಡಿಡಿ ಮಾತಿಗೆ ‘ದೋಸ್ತಿ’ ಶೇಕ್..!
TRENDING ARTICLES