ಬೆಂಗಳೂರು: 17ನೇ ಲೋಕಸಭಾ ಚುನಾವಣೆಯ ಎಕ್ಸಿಟ್ ಪೋಲ್ ಪ್ರಕಟವಾಗಿದ್ದು, ಬಹುತೇಕ ಸಮೀಕ್ಷೆಗಳೂ ಕರ್ನಾಟಕದಲ್ಲಿ ಕಮಲ ಅರಳೋದು ಪಕ್ಕಾ ಎಂದಿವೆ. ವಿವಿಧ ಸಂಸ್ಥೆಗಳ ಸರ್ವೆ ಪ್ರಕಾರ ಕರ್ನಾಟಕದಲ್ಲಿ ಬಿಜೆಪಿಗೆ ಬಹುಮತ ಬರಲಿದೆ ಅಂತ ತಿಳಿದು ಬಂದಿದೆ. ಪ್ರಮುಖ ಸರ್ವೇಗಳು ಕರ್ನಾಟಕ ರಿಸಲ್ಟ್ ಬಗ್ಗೆ ಏನು ಹೇಳುತ್ತೆ ಎಂಬ ಮಾಹಿತಿ ಇಲ್ಲಿದೆ.
ಇಂಡಿಯಾ ಟುಡೇ ಆಕ್ಸಿಸ್ ಪ್ರಕಾರ ಬಿಜೆಪಿ 21-25 ಸ್ಥಾನಗಳನ್ನು ಗೆಲ್ಲಲಿದ್ದು, ಮೈತ್ರಿ 3-6, ಇತರೆ 01 ಸ್ಥಾನ ಗೆಲ್ಲಲಿದೆ. ಟುಡೇಸ್ ಚಾಣಕ್ಯ ಪ್ರಕಾರ ಬಿಜೆಪಿ-23, ಮೈತ್ರಿ 05 ಸ್ಥಾನ ಗೆಲ್ಲಲಿದ್ದು, ಇತರೆ ಪಕ್ಷಗಳಿಗಳಿಗೆ ಒಂದೂ ಸ್ಥಾನವೂ ಸಿಗುವುದಿಲ್ಲ. ನ್ಯೂಸ್‌-18-ಐಎಸ್‌ಪಿಒಎಸ್‌ ಪ್ರಕಾರ ಬಿಜೆಪಿ 20-23, ಕಾಂಗ್ರೆಸ್+ಜೆಡಿಎಸ್ 5-8, ಇತರೆ-00 ಸ್ಥಾನ ಗೆಲ್ಲಲಿದೆ. ಸಿ ವೋಟರ್ ಪ್ರಕಾರ ಬಿಜೆಪಿ-18, ಕಾಂಗ್ರೆಸ್+ಜೆಡಿಎಸ್-07, ಇತರೆ- 01 ಸ್ಥಾನ ಗೆಲ್ಲಲಿದೆ. ಇನ್ನು ಜನ್ ಕೀ ಬಾತ್ ಪ್ರಕಾರ ಬಿಜೆಪಿ 18-20, ಕಾಂಗ್ರೆಸ್+ಜೆಡಿಎಸ್ 7-10, ಇತರೆ- 01 ಸ್ಥಾನ ಗೆಲ್ಲಲಿದೆ ಎಂದು ತಿಳಿದುಬಂದಿದೆ. ನ್ಯೂಸ್‌ಎಕ್ಸ್‌ ನೇತಾ ಪ್ರಕಾರ ಬಿಜೆಪಿ-15, ಕಾಂಗ್ರೆಸ್+ಜೆಡಿಎಸ್-12, ಇತರೆ- 01 ಸ್ಥಾನ ಗೆಲ್ಲಲಿದೆ. ರಿಪಬ್ಲಿಕ್‌-ಸಿ ವೋಟರ್ ಪ್ರಕಾರ ಬಿಜೆಪಿ-18, ಕಾಂಗ್ರೆಸ್+ಜೆಡಿಎಸ್- 7+2, ಇತರೆ- 01 ಹಾಗೂ ಟೈಮ್ಸ್‌ ನೌ+ವಿಎಂಆರ್ ಪ್ರಕಾರ ಬಿಜೆಪಿ- 21, ಕಾಂಗ್ರೆಸ್+ಜೆಡಿಎಸ್- 07, ಇತರೆ 0 ಸ್ಥಾನ ಗೆಲ್ಲಲಿದೆ.
