ರಾಹುಲ್​ ಗಾಂಧಿ ಹತ್ಯೆಗೆ ಸಂಚು : ಕಾಂಗ್ರೆಸ್​​ ದೂರು

ಅಮೇಥಿ : ದೇಶದಲ್ಲಿ ಪ್ರಜಾ ಪ್ರಭುತ್ವದ ಹಬ್ಬ ಆರಂಭವಾಗಿದೆ. ಲೋಕ ಸಮರದ ಮೊದಲ ಹಂತದ ಮತದಾನ ನಡೆಯುತ್ತಿದೆ. ಈ ನಡುವೆ ಕಾಂಗ್ರೆಸ್​ ಅಧ್ಯಕ್ಷ ರಾಹುಲ್​ ಗಾಂಧಿ ಹತ್ಯೆಗೆ ಸಂಚು ನಡೆದಿದೆ ಅನ್ನೋ ಬೆಚ್ಚಿ ಬೀಳಿಸುವ ಆರೋಪವನ್ನ ಕಾಂಗ್ರೆಸ್​ ಮಾಡಿದೆ.
ರಾಹುಲ್ ಗಾಂಧಿ ನಿನ್ನೆ ಅಮೇಥಿಯಲ್ಲಿ ನಾಮಪತ್ರ ಸಲ್ಲಿಸಿ, ಪ್ರಚಾರದಲ್ಲಿ ಪಾಲ್ಗೊಂಡಿದ್ದಾಗ ಅವರ ಮೇಲೆ 7 ಬಾರಿ ಸ್ನೈಪರ್ ಗನ್ ಲೇಸರ್ ಬೆಳಕು ಬಿದ್ದಿದೆ ಅಂತಾ ಕಾಂಗ್ರೆಸ್​ ಹೇಳಿದ್ದು, ರಾಹುಲ್ ಹತ್ಯೆಗೆ ಸಂಚು ರೂಪಿಸಲಾಗಿದೆ ಎಂದು ಆರೋಪಿಸಿದೆ.
ಈ ಬಗ್ಗೆ ಕೇಂದ್ರ ಗೃಹಸಚಿವಾಲಯಕ್ಕೆ ಪತ್ರ ಬರೆದಿರೋ ಕಾಂಗ್ರೆಸ್​, ಅಮೇಥಿಯಲ್ಲಿ ನಡೆದ  ರೋಡ್ ಶೋ ವೇಳೆ ಸ್ನೈಪರ್ ಗನ್ ಮೂಲಕ ರಾಹುಲ್ ಹತ್ಯೆಗೆ ಸಂಚು ರೂಪಿಸಲಾಗಿದೆ. ಆದ್ರೆ, ಎಸ್‌ಪಿಜಿ ಐಎಸಿಸಿ ಕ್ಯಾಮರಾಮನ್‌ ಒಬ್ಬರು ಮೊಬೈಲ್‌ನಲ್ಲಿ ರಾಹುಲ್‌ ಪ್ರಚಾರವನ್ನ ಚಿತ್ರೀಕರಿಸಿದ್ದು, ಅದು ಮೊಬೈಲ್‌ ನಲ್ಲಿನ ಗ್ರೀನ್ ಕ್ಯಾಮರಾ ಬೆಳಕು ಅಂತಾ ಸ್ಪಷ್ಟಪಡಿಸಿದೆ.