ಚಿತ್ರದುರ್ಗ: ವಿಭಿನ್ನವಾಗಿ ರಾಜಕೀಯ ಮಾಡಲು ಹೊರಟಿರುವ ಚಿತ್ರ ನಟ ಉಪೇಂದ್ರ ರೋಡ್ ಶೋ ಒಂದೇ ನಿಮಿಷಕ್ಕೆ ಮುಗಿದ ಘಟನೆ ಕೋಟೆ ನಾಡು ಚಿತ್ರದುರ್ಗದಲ್ಲಿ ನಡೆಯಿತು. 9 ಗಂಟೆಗೆ ನಿಗದಿಯಾಗಿದ್ದ ರೋಡ್ ಶೋಗೆ ಉಪೇಂದ್ರ ಅರ್ಧ ಗಂಟೆ ತಡವಾಗಿ ಆಗಮಿಸಿದ್ರು. ನಗರದ ವೀರಭದ್ರಸ್ವಾಮಿ ದೇವಾಲಯದಿಂದ ಉತ್ತಮ ಪ್ರಜಾಕೀಯ ಪಕ್ಷದ ಅಭ್ಯರ್ಥಿ ಪರವಾಗಿ ಉಪೇಂದ್ರ ಅವರು ಪ್ರಚಾರ ಆರಂಭಿಸಿದ್ರು. ಆದ್ರೆ ನಿರೀಕ್ಷಿತ ಮಟ್ಟದಲ್ಲಿ ಜನರೂ ಜಮಾಯಿಸದೇ ಉಪೇಂದ್ರ ಒಂದೇ ನಿಮಿಷಕ್ಕೆ ರೋಡ್ ಶೋ ಮುಗಿಸಿದ್ರು ಎನ್ನಲಾಗ್ತಿದೆ. ಅಲ್ಲದೇ ಬಿರು ಬಿಸಿಲು ಕೂಡ ರೋಡ್ ಶೋ ಮೊಟಕುಗೊಳಿಸಲು ಕಾರಣ ಎನ್ನಲಾಗ್ತಿದೆ. ಏನೇ ಇರಲಿ ವಿಭಿನ್ನ ರಾಜಕೀಯ ಹಾದಿ ಹಿಡಿದಿರೋ ಉಪೇಂದ್ರ ರೋಡ್ ಶೋ ಕೂಡ ಡಿಫರೆಂಟಾಗೇ ಮುಕ್ತಾಯ ಕಂಡಿದೆ.
