ಜೈಪುರ: ‘ಕಾಂಗ್ರೆಸ್ನ ತಪ್ಪುಗಳನ್ನು ಸರಿ ಮಾಡೋದೆ ನನ್ನ ಗುರಿ’ ಎಂದು ಪ್ರಧಾನಿ ನರೇಂದ್ರ ಮೋದಿ ತಿಳಿಸಿದ್ದಾರೆ. ರಾಜಸ್ಥಾನದ ಹನುಮಾನ್ಗರ್ನಲ್ಲಿ ಚುನಾವಣಾ ಪ್ರಚಾರದ ವೇಳೆ ಮಾತನಾಡಿದ ಮೋದಿ, ಕಾಂಗ್ರೆಸ್ ನಾಯಕರ ದೂರದೃಷ್ಟಿ ಮತ್ತು ಸಂವೇದನಾಶೀಲತೆಯ ಕೊರತೆಯಿಂದ ಪ್ರಮುಖ ಸಿಖ್ಖ್ ಮುಂದಿರ ಕರ್ತಾರ್ಪುರ್ ಸಾಹಿಬ್ ಗುರುದ್ವಾರ ಪಾಕಿಸ್ತಾನದ ಪಾಲಾಯಿತು ಎಂದಿದ್ದಾರೆ.
ಕರ್ತಾರ್ಪುರ್ ಕಾರಿಡಾರ್ನಿಂದಾಗಿ ಸಿಖ್ಖ್ ಯಾತ್ರಿಗಳು ಗುರುದ್ವಾರಕ್ಕೆ ಭೇಟಿ ನೀಡಲು ಅನುಕೂಲವಾಯಿತು. ಆದರೆ ಯಾಕೆ 70ವರ್ಷಗಳ ಹಿಂದೆಯೇ ಈ ಕಾರಿಡಾರ್ ನಿರ್ಮಿಸಲಿಲ್ಲ? ಎಂದು ಪ್ರಧಾನಿ ನರೇಂದ್ರ ಮೋದಿ ಪ್ರಶ್ನಸಿದ್ದಾರೆ. ಕಾರ್ತಪುರ ಕಾರಿಡಾರ್ ನಿರ್ಮಾಣದ ಹಿರಿಮೆ ನಿಮ್ಮ ಅಮೂಲ್ಯ ಮತಗಳಿಗೆ ಸಲ್ಲುತ್ತದೆ. ಕಾಂಗ್ರೆಸ್ನ ತಪ್ಪುಗಳನ್ನು ಸರಿ ಮಾಡೋದು ನನ್ನ ಗುರಿ. ಕಾಂಗ್ರೆಸ್ ನಾಯಕರಿಗೆ ಗುರುನಾನಕ್ ಅವರ ಹಿರಿಮೆ ಗೊತ್ತಿಲ್ಲ. ಸಿಖ್ಖ್ ಭಾವನೆಗಳ ಕುರಿತು ಅವರಿಗೆ ಯಾವುದೇ ಗೌರವ ಇಲ್ಲ” ಅಂದಿದ್ದಾರೆ. ಶುಕ್ರವಾರದ ತನಕ ಚುನಾವಣಾ ಪ್ರಚಾರಕ್ಕೆ ಅವಕಾಶ ನೀಡಲಾಗಿದೆ.
