ಪ್ರಸಕ್ತ ಸಾಲಿನ ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಭಾರತದ ಮೇರಿ ಕೋಮ್ ದಾಖಲೆ ಬರೆದಿದ್ದಾರೆ. 6 ಬಾರಿ ವಿಶ್ವ ಚಾಂಪಿಯನ್ ಆದ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ನವದೆಹಲಿಯ ಕೆಡಿ ಜಾಧವ್ ಒಳಾಂಗಣ ಕ್ರಿಡಾಂಗಣದಲ್ಲಿ ಇಂದು ನಡೆದ 48 ಕೆಜಿ ವಿಭಾಗದ ಫೈನಲ್ ನಲ್ಲಿ ಭಾರತದ ಮೇರಿ ಕೋಮ್, ಉಕ್ರೇನ್ನ ಹನ್ನಾ ಒಖೋಟಾರನ್ನ ಮಣಿಸಿದ್ರು. 5-0 ಅಂತರದಲ್ಲಿ ಎದುರಾಳಿಯನ್ನು ಮಣಿಸೋ ಮೂಲಕ ಮೇರಿಕೂಮ್ 6 ಬಾರಿ ವಿಶ್ವಚಾಂಪಿಯನ್‌ ಆದ ಮೊದಲ ಮಹಿಳಾ ಬಾಕ್ಸರ್ ಅನ್ನೋ ಹೆಗ್ಗಳಿಕೆಗೆ ಪಾತ್ರರಾದ್ರು.
ಇದುವರೆಗೂ 5 ಬಾರಿ ಚಾಂಪಿಯನ್ ಆಗಿದ್ದ ಐರ್ಲೆಂಡ್ನ ಕೇಟಿ ಟೇಲರ್ ಹೆಚ್ಚು ಬಾರಿ ವಿಶ್ವ ಬಾಕ್ಸಿಂಗ್ ಚಾಂಪಿಯನ್ ಆದ ಆಟಗಾರ್ತಿಯಾಗಿದ್ರು. ಇದೀಗ 6ನೇ ಬಾರಿ ಸ್ವರ್ಣಕ್ಕೆ ಮುತ್ತಿಕ್ಕಿದ ಮೇರಿಕೋಮ್‌ ಹೆಚ್ಚು ಬಾರಿ ಚಾಂಪಿಯನ್ ಆದ ಕೀರ್ತಿಗೆ ಭಾಜನರಾದ್ರು. ದಾಖಲೆಯ ಪಂದ್ಯ ಜಯಸಿದ ಬಳಿಕ ಭಾವುಕರಾಗಿ ಮಾತಾನಾಡಿದ ಮೇರಿ ಕೋಮ್ ತನ್ನ ಬೆಂಬಲಕ್ಕೆ ನಿಂತ ಎಲ್ಲರಿಗೂ ಧನ್ಯವಾದ ಅಂತ ಹೇಳಿದ್ರು.
ಇವರು ಈ ಹಿಂದೆ 2002, 2005, 2006, 2008 ಮತ್ತು 2010ರಲ್ಲಿ ವಿಶ್ವ ಚಾಂಪಿಯನ್ ಆಗಿದ್ದರು. ಇದೀಗ ಮತ್ತೊಂದು ವಿಶ್ವಚಾಂಪಿಯನ್‌ ಪಟ್ಟ ಗಿಟ್ಟಿಸಿಕೊಂಡಿದ್ದಾರೆ. ಕೇವಲ 35 ವರ್ಷಕ್ಕೆ 6 ಬಾರಿ ಚಾಂಪಿಯನ್ ಪಟ್ಟಕ್ಕೇರಿದ ಮೇರಿಕೋಮ್‌ ಹೊಸ ಇತಿಹಾಸ ಸೃಷ್ಠಿಸಿದ್ದಾರೆ.
-ವಸಂತ್ ಮಳವತ್ತಿ. ಸ್ಪೋರ್ಟ್ಸ್ ಬ್ಯೂರೋ ಪವರ್ ಟಿವಿ
