ಬೆಂಗಳೂರಿನಂತಹ ದೊಡ್ಡ ನಗರಗಳಲ್ಲಿ ಹತ್ತು ನಿಮಿಷ ಮನೆಯೊಳಗೆ ಕೂರುವುದು ಕಷ್ಟದ ಮಾತೇ ಸರಿ. ವಯಸ್ಸು ಎಷ್ಟು ಬೇಕಾದ್ರೂ ಆಗಿರಲಿ, ಸಿಲಿಕಾನ್ ಸಿಟಿಯ ಲೈಫ್ಗೆ ಅಡ್ಜಸ್ಟ್ ಆಗಬೇಕಾದ್ರೆ ತಿರುಗಾಡಲೇಬೇಕಾಗುತ್ತೆ. ಆರೋಗ್ಯವಾಗಿದ್ದವರು, ಕೈಕಾಲು ಚೆನ್ನಾಗಿದ್ದವರು ಹೊರಗೆ ಆರಾಮಾಗಿ ಓಡಾಡಿಕೊಂಡಿರ್ತಾರೆ. ಆದ್ರೆ , ವಯಸ್ಸಾದವರು, ದುರ್ಬಲವಾದವರ, ಅಸಹಾಯಕರ ಕಥೆ ಏನು..?
ಹೌದು.. ವಯಸ್ಸಾದವರು ಅಥವಾ ದೈಹಿಕವಾಗಿ ದುಬರ್ಲರಾದವರು ಹೇಗೆ ಹೊರಗೆ ಸುತ್ತಾಡುತ್ತಾರೆ ಅಲ್ವಾ..? ಅವರಿಗೂ ಎಲ್ಲಾ ರೀತಿಯ ಆಸೆ ಆಕಾಂಕ್ಷೆಗಳಿರುತ್ತೆ. ಅಂತವರಿಗಾಗಿಯೇ ಸಿಲಿಕಾನ್‌ಸಿಟಿ ಬೆಂಗಳೂರಿನಲ್ಲಿ ಒಂದು ಕ್ಯಾಬ್‌ಸಂಸ್ಥೆ ಆರಂಭವಾಗಿದೆ. ಅದಕ್ಕೆ ಕಿಕ್ಸ್ಟಾರ್ಟ್ ಕ್ಯಾಬ್ ಅಂತ ಹೆಸರಿಡಲಾಗಿದೆ. ಈ ಕಿಕ್ಸ್ಟಾರ್ಟ್ ಕ್ಯಾಬ್ ಮೂಲಕ ಅಶಕ್ತರನ್ನು, ತೀರಾ ವಯಸ್ಸಾಗಿ ನಡೆಯಲಾಗದವರನ್ನು, ಆಪರೇಷನ್‌ ಆದವರನ್ನು ಎಲ್ಲರಂತೆ ಓಡಾಡಿಸುತ್ತಿದ್ದಾರೆ.
ಬೆಂಗಳೂರಿನಲ್ಲಿ ದೈಹಿಕ ದುರ್ಬಲರಿಗಾಗಿ ಕ್ಯಾಬ್ಗಳು ರೋಡಿಗಿಳಿದಿವೆ. ಆಯಾಸವಿಲ್ಲದೆ ದೈಹಿಕ ದುರ್ಬಲರು ಇದರಲ್ಲಿ ಪ್ರಯಾಣಿಸಬಹುದು. ಒಂದೂ ಹೆಜ್ಜೆ ಇಡಲಾಗದವರು, ನಾಲ್ಕು ಗೋಡೆ ನಡುವೆ ನಮ್ಮ ಬದುಕು ಎಂದು ಈಗಾಗಲೇ ಡಿಸೈಡ್ ಮಾಡಿದವರು ಈ ಕ್ಯಾಬ್‌ಏರಿದರೆ, ಹೊರ ಜಗತ್ತನ್ನೊಮ್ಮೆ ಸುತ್ತಾಡಿ ಬರಬಹುದು.
ವಯಸ್ಸಾದವರಿಗೆ ಮತ್ತು ದೈಹಿಕವಾಗಿ ದುರ್ಬಲಕವಾದವರಿಗೆ, ವ್ಹೀಲ್ ಚೇರ್ ನಲ್ಲೇ ಕಾಲ ಕಳೆಯಬೇಕಾದವರು ಸಮಯ ಕಳೆಯಲು ಮತ್ತು ಮನಸ್ಸಿನ ನೆಮ್ಮದಿ ಪಡೆಯಲು ಕ್ಯಾಬ್ ಹತ್ತಿದರೆ ಸಾಕು.
ಈ ಕಿಕ್ಸ್ಟಾರ್ಟ್ ಕ್ಯಾಬ್ ಓಲಾ, ಉಬರ್ನಂತೆ ಕೆಲಸ ಮಾಡುತ್ತೆ. ಆದರೆ ಈ ಟ್ಯಾಕ್ಸಿ ಸೇವೆ ಎಲ್ಲರಿಗೂ ಸಿಗುವುದಿಲ್ಲ. ವಯಸ್ಸಾಗಿ ಹೆಜ್ಜೆ ಇಡೋದಕ್ಕೂ ಕಷ್ಟಪಡುವವರಿಗೆ, ಶಸ್ತ್ರಚಿಕಿತ್ಸೆಗೆ ಒಳಪಟ್ಟು ನೋವು ಅನುಭವಿಸುವವರಿಗೆ ತೀರಾ ದೈಹಿಕ ದುರ್ಬಲರಿಗೆ ಮಾತ್ರ ಈ ಕಿಕ್ಸ್ಟಾರ್ಟ್ ಟ್ಯಾಕ್ಸಿ ಸೇವೆಯನ್ನು ಒದಗಿಸುತ್ತೆ.
ಈ ಕ್ಯಾಬ್ನಲ್ಲಿ ಡ್ರೈವರ್ ಪಕ್ಕದ ಮತ್ತು ಹಿಂಬದಿಯ ಸೀಟುಗಳು ಇಲ್ಲಿ ಮಾಮೂಲಿಯಂತೆ ಇಲ್ಲ. ಅಡ್ಜಸ್ಟಬಲ್ ಸೀಟುಗಳು. ಈ ಸೀಟ್ಗಳನ್ನು ವಯಸ್ಸಾದವರು ಮತ್ತು ಅಶಕ್ತರು ಅಥವಾ ಪ್ರಯಾಣಿಕರು ಹೇಗೆ ಬೇಕಾದರೂ ಫೋಲ್ಡ್ ಮಾಡಬಹುದು. ದೈಹಿಕ ನ್ಯೂನತೆ ಇರುವ ವ್ಯಕ್ತಿಗೆ ಕಾರೊಳಗೆ ಬಂದು ಕುಳಿತುಕೊಳ್ಳಲಾಗದಿದ್ದರೆ, ಕ್ಯಾಬ್ ನ ಸೀಟನ್ನೇ ಹೊರಗೆಳೆದು, ಅವರನ್ನು ಕೂರಿಸಿಕೊಂಡು, ಪುನಃ ಯಥಾಸ್ಥಿತಿಗೆ ಅಡ್ಜಸ್ಟ್ ಮಾಡಬಹುದು. ಹಂಪ್ ಬಂದಾಗ,ಡ್ರೈವರ್ ಬ್ರೇಕ್ ಒತ್ತಿದಾಗ ಒಳಗಿರುವ ಪ್ರಯಾಣಿಕರು ಹೆದರಿಕೊಳ್ಳೋ ಅವಶ್ಯಕತೆಯೇ ಇರೋದಿಲ್ಲ. ಅಷ್ಟು ಕಂಫರ್ಟ್ ಫೀಲ್ ಕೊಡುತ್ತೆ. ಒಟ್ಟಾರೆಯಾಗಿ ಮನೆಯಲ್ಲಿಯೇ ಕೂತು ಕೂತು ಬೇಸರವಾದವರಿಗೆ ಈ ಸಂಸ್ಥೆಯಿಂದ ಅನುಕೂಲವಾಗಿದೆ ಅಂದ್ರೆ ಅತಿಶಯೋಕ್ತಿ ಅಲ್ಲ.
