Wednesday, May 22, 2024

ಭಾರತದ ಆಹ್ವಾನ ತಿರಸ್ಕರಿಸಿದ ಟ್ರಂಪ್..?

ಗಣರಾಜ್ಯೋತ್ಸವಕ್ಕೆ ಚೀಫ್ ಗೆಸ್ಟ್ ಆಗಿ ಬರ್ಬೇಕು ಅಂತ ಭಾರತ ನೀಡಿದ್ದ ಆಹ್ವಾನವನ್ನು ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ತಿರಸ್ಕರಿಸಿದ್ದಾರಂತ ವರದಿ ಆಗಿದೆ.
ಭಾರತಕ್ಕೆ ಬರಲು ಟ್ರಂಪ್ ಗೆ ಇನ್ವೈಟ್ ಮಾಡಲಾಗಿದೆ ಅನ್ನೋದನ್ನು ಈ ಹಿಂದೆ ವೈಟ್ ಹೌಸ್ ಪತ್ರಿಕಾ ಸೆಕ್ರೆಟ್ರಿ ಸಾರಾ ಸ್ಯಾಂಡರ್ಸ್ ದೃಢಪಡಿಸಿದ್ರು. ಆದ್ರೆ, ಈ ಬಗ್ಗೆ ಇನ್ನೂ ಯಾವ್ದೇ ರೀತಿಯ ಡಿಸಿಷನ್ ತಗೊಂಡಿಲ್ಲ ಅಂತ ಹೇಳಿದ್ರು. ಈಗ ಡೊನಾಲ್ಡ್ ಟ್ರಂಪ್ ಆಹ್ವಾನವನ್ನು ತಿರಸ್ಕರಿಸಿದ್ದಾರೆ ಅಂತ ತಿಳಿದುಬಂದಿದ್ದು, ವಿದೇಶಾಂಗ ಸಚಿವಾಲಯ ಈ ಬಗ್ಗೆ ಇನ್ನೂ ಏನು ಹೇಳಿಲ್ಲ.
ಒಂದು ವೇಳೆ ಟ್ರಂಪ್ ಭಾರತದ ಆಹ್ವಾವನ್ನು ಕಡೆಗಾಣಿಸಿದ್ದೇ ಆದಲ್ಲಿ ಎರಡು ದೇಶಗಳ ನಡುವಿನ ಸಂಬಂಧದ ಮೇಲೆ ಕೆಟ್ಟ ಪರಿಣಾಮ ಅಂತೂ ಬೀಳುತ್ತೆ. ರಷ್ಯಾದೊಂದಿಗೆ ಭಾರತ S-400 ಕ್ಷಿಪಣಿ ಒಪ್ಪಂದಕ್ಕೆ ಇತ್ತೀಚೆಗೆ ಸಹಿ ಹಾಕಿತ್ತು. ಇದು ಅಮೆರಿಕಾಕ್ಕೆ ಇಷ್ಟ ಇರ್ಲಿಲ್ಲ. ಅಷ್ಟೇ ಅಲ್ದೆ ಇರಾನ್ ನಿಂದ ಭಾರತ ಕಚ್ಚಾ ತೈಲ ಆಮದು ಮಾಡಿಕೊಳ್ತಾ ಇರೋದಕ್ಕೂ ಅಮೆರಿಕಾದ ವಿರೋಧವಿದೆ. ಇದೇ ಕಾರಣಕ್ಕೆ ಭಾರತದ ಆಹ್ವಾನವನ್ನು ಅಮೆರಿಕಾ ತಿರಸ್ಕರಿಸಿದೆ ಅಂತ ಹೇಳಲಾಗ್ತಿದೆ.

RELATED ARTICLES

Related Articles

TRENDING ARTICLES